تكفون يارجال قبل ماتروح البكره

تكفون يارجال قبل ماتروح البكره

السلام عليكم ورحمة الله وبركاته
يالربع انا البارح ولدة عندي ناقة بكر ونفرت بنتها وش السوات ياجماعة الخير تكفون ابي حل
مع العلم اني حاطها هي وبنتها بشبك لحالهم واذا قربت الحواره من الديس عظتها مع الراس او مع الرقبة ابي الحل المجرب
واللي مايعرف علاج تكفون يدعي انها تروم بنتها
وجزاكم الله خير

الموضوع الأصلي: تكفون يارجال قبل ماتروح البكره || الكاتب: عبد العزيز الباتل || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

j;t,k dhv[hg rfg lhjv,p hgf;vi

كثير من البكار تنفر بناتها

ابلم الناقه وحطها في شبك صغير هي وبنتها وروعها وبتروم بنتها

صارت عندي في اكثر من ناقه والحمد لله نجحت

ضيرها على بنتها وحطها في شبك ماحولها شي من الحلال وتروم ان شاء الله.

شف لك مضير وضيرها ولا تضيع وقتك
فيه مضير رشيدي خابره في الجنادريه ما تأخذ معه ساعه الا والناقه راكبتها

الله يوفقك

الله يرحم والديكم
بجرب الطريقه الاولى وببعدها عن البل وبروعها وان شاء الله بتروم وان مارامت مالي الا التضيير مثل ماقلتو
وعسا الله لايخليني منكم ياوجيه الخير

عندنا ناقه من قريب نفرت ولدها .. سبحان الله ..


نفس ما قالوا الاعضاء .. جيناها بالليل انا والعمال على شان نعطي بنتها دواء لانها مريضه .. وسبحان الله .. كانت اول تعضها .. ولدرجه انه الحاشي كان يعتزل في زاويه خايف من امه .. ولا يقربها من كثر ما تعضه ..

بس من تم ينزع قدامها ويرغي .. ونحنا ماسكينه قدامها .. سبحان الله ..عطفت عليه .. وتمت حتى ما تخلي احد يقربه من بعد ما كانت تعضه وتبي تقتله .. (ما شاء الله )

اذا حولك فرس جبها للناقة تروعها وعلى طول يركب حوارها

ماحولك فرس اعزل الناقة بعيد عن البل في شبك ضيق

وبلمها عشان ماتعض الحوار وقيدها عشان ماتهبد بيدها

وقيد رجليهاعشان ماترمح ورح لها باليل وروعها ويومين او اقل ويركب حوارها

او ضيرها انت بنفسك وريح نفسك

التضيير بسيط وابلي مايضيرها الا انا

مايحتاج تطلع مضير وتكاليف كثيره

مرحبا اخوي
عندنا اي ناقه تلد وهي نافره حوارها على طول نعقلها ونحط الحوار قدامها وروعها شوي ان شاء الله ساعه وهي رايمتنه