الي بيطلع بيشمل بالابل

الي بيطلع بيشمل بالابل

سؤال لاهل الخبره

الي بيطلع بيشمل بالابل ومعه ثلاثه بعارين
وش اسوي فيهم في الممشا يعني اهجرهاولا اقيدها ولاافكها واخاف تذابح مع بعض

وبعدين لمن وصلت محلي احط لها شبوك ولا اربطها بس بدون شبك

افيدونا



وحتى المكان وش تشيرون علي به يعني وين حول شويه ولاعقب ما تعدى السريع حول سعد ولا في الدكاك

والله لايهينكم

واقرب طريق اجي معه منين علشان اقطع السريع

طبعاً جاي من جنوب من الخرج تقريباً
وكم يوم يبيلي في الطريق الابل مغاتير طبعاً

والله يعطيكم العافيه

قد يكون عندي معلومات
ولاكن مخاب من استشار
واستفاد من الرجال الطيبين

الموضوع الأصلي: الي بيطلع بيشمل بالابل || الكاتب: فالح فلاح || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgd fd'gu fdalg fhghfg

أبو فلاح

الله يكون في عونك


ويبارك لك في حلالك


قيد اكبرهن

والصغير فكه في البل

بس خلك منتبه لهن زييييييييين


والشبك احسن لهن اذا وصلت بالسلامه والعافيه


وقو الشبوك ترى هذا فحول ابل ما هيب بسيطه

الله يكفيك الشر وعزيز يقدر


وان شاء الله الشباب والشيبان يفيدون اكثر




تقبل تحيات اخوك

جهز الشبوك قبل تاصل

اعزل الفحول عن النياق

وخلها تمشي قبل النياق اذا مشت مع الابل اكيد تبي تذابح

واذا مشت الفحول لحال ماهي بيم الهوش.

ننتظر رد الي اخبر مني

حياك الله يا فالح

1) الشديد بالفحول اختر احدالطريقتين:

الاولى) ان كان عندك خيل والا فرس فهي اللي بتفكك من مذابحهم والشديد ان طعتني لا يكون بهجار ولا قيد لانك بتقطع مسافه مهيب بسيطه وهي تتعب البعير او قد تؤثر على حركته مستقبلا
الثانية) اذا تبي تربح العافيه شد بواحد منها مع البل والاثنين الباقيه ارفعها بدينا وفك عمرك من الغثاء ومتابعتها وقت الشديد وهذي هي الطريقة المثلىء عند اغلب الناس اللي عندهم اكثر من بعير ها الايام وخصوصا عندما يكون الشديد لمدة ايام

2)الشبوك ما اشوف لها داعي ولكن دبل المرابط لها وما يكون الا خير وان اردت حط شبوك والله يعينك على رفع الحديد وتنزيله

3) المكان محد يقدر يقولك وين شف ابلك وش ترغب وانزل فيه ، ولكن الرمث طيب ها الايام وكل ما رحت من سعد وشمال وشمال شرق وانت في مفالي البل

4) درب البل اكثر من يفيدك هم اهل منطقتك اللي يشدون ولكن حسب ما اسمع انه مع هريسان الى سعد وتقطع السريع من هناك وانا لست متأكد


ونصيحتي لك لا تكثر من الشور لان كثرة الاراء تدوش الراس ولاسيما ان الجميع يعطيك كلام نظري وانا اولهم ولكن الواقع قد يختلف كثير وعليك بما تراه مناسب لانك اعرف بابلك وفحولك والفحول بالذات تختلف فيه منها ما هو هادىء الطباع ومنها الشرس

الله يوفقك ويسهل دربك

شد بواحد والثنين بدينا ماتسوى عليك لو تذابحت ولا حتى غثاها
والله يكون بعونك

بيض الله وجيهكم
وعساكم في الوجود
اقتراحات جميله ومنها منفعه لى و لا لغيري

الله يكون في عونك

هلابك اخوي

بالنسبة للخط السريع انسب لك تقطعه مع كوبري الابل بخريص وتحط النفود يسارك ونت مشمل

وفيه ردمية الى العمانية وشوية هذا افضل للسيارات الكبار

والبل تباري الردمية مع الدكاك

لان سعد وماحولة كلة نفود وطرق وعره

وبالنسبة للبعارين

وان كان عندك محل خلها وشد وربع بواحد وريح راسك

واذا صرت لحالك تمشي مع الابل راح تتعب

وانا كل سنه اشد بثنين هرش وجذع

ويصير منها تعب وقلق وتهاوش عند المراح وعند الطعام

مع عبدالرحمن عبدالعزيز.

البل شد بها على بركة الله

وعليك بالدكاكه

وبالنسبه للبعارين البعير الكبير فكه مع البل والصغار اخرها شوي وامش معها بموترك والى موتر ثاني واقصر قيودها شوي

وبالنسبه للشده تراها سهله

والدعوه ماغير 3 بعارين واللي يشد له ب11 بعير وكلها بعارين اصغرها ضرابه العام ؟؟؟

انت بس رتب شديدك والامور الثانيه بتشوف لها دبره وانت شاد وبتعرف وش يصير معك بعدين

الله يعطيكم العافيه

مخاب من استشاركم

فك اثنين مع الأبل وخل واحد بأولها وواحد بهجار أخرها

وانت خلك بالسياره بينهم لين الأبل توني الممشي ومعاد تلتف وراها فك هجار الثاني وعينك عليه


واصغرهم ان كان جذع ولا ثني يبي يخاف من الفحول النايبه