# دلـونـي عـلى الأنـسـب يا أعـضاء مـزايـن . أيـهمـا أختـار .؟ #

وعليكم السلام يا طلال

طيب اذا الثاني امه وابوه مزايين اجل من وين جاء له الشين !؟
هل تعرف جدانه من الطرفين وعماته وخالاته وخواته من الام والاب ؟

تأكد تماما ان يا جده او جدته لأمه او لأبيه شينه وبداء يبين في الانتاج

ونصيحتي لك اترك الايسر والا بيترس المراح زقوم والعلم عند الله

والاول اذا انت محدود عليه ترجاء الله فيه او دور قعود تملىء يدك منه

واسأل الله لك التوفيق

بس أبي أسـألـك الصور المرفقـه رمزيــه للموضـوع .. ؟! أم هي القعدان المراد أختيـار الانسب منهـا .. ؟!

الصور المرفقـه رمزيــه للموضـوع فقط ..

هلا يابو بندر

موضوع مهم جداً وعلى قولك اذا القعود الشين ساسه طيب بالحيل بهده ولاني مفكر في شي

الزين يجي صدفه يمكن القعود الزين الي ما عرفت ساسه جاء صدفه ولاهي متكرره

ولاني مستعد اغامر دامي عارف سر البعير الشين

اعرف قعود انعرض على احد الاخوان وساسه طيب بالحيل مخلاص عن 15000 ورفض اخذه لنه شين بالحيل وقصير وردي

وباعه راعيه بنفس القيمه وسدد راعيه وانتاجه الان يباع منه بقيام غاليه جداً والي يشوفه مايبي يضرب فيه بس لاشاف انتاجه غير كلامه

واعرف بعير زين شكل وبيع بقيمه غاليه وانتاجه جاء صفر وهذا توفيق من الله

على العموم انا من الي اهتم بالساس وبعده الراس بالنسبه للبعير

ودمت بود

الزين مثل الحيا متبوع....



لاهنت اخوي طلال

استطلاع في منتهى الروعه

والله يا أخ طلال ماني بمضرب بالثنين مدامني بأحصل غيرها وإن حدت أم غلاب و إنحديت فحيل الله أقوى بأهد الثنين واللي بينتج لي حيران طيبه بأحطه في الضلال وبأكثر عليه طيب الفال,واللي حيرانه مش ولابد باضرب جنبه بعصا وباحمله لملحمة عوضين وبأقوله إنحره وأنا أشوف حتى لايتوهق به غيري..
وسلامتك ياولد روق..

الساس الساس الساس


والجنادريه خير دليل مليانه فحول اشكالها فاخره والنتيجه تسام قصب ب5000 و6000

بس صورة المقارنه اللي انت حاطها تخوف اهد فحل شكله عادي بس زي اللي انت حاطها

عقوووووووووووووبه حط صورة مقارنه معقوله

بالتوفيق ومشكور على الموضوع الهادف

[طراد العتيبي]

بهدهن كلهن واشوف انتاجهن

انا مؤيد كلام اخوي سعود الزيادي

موضوع واستطلاع هام اخي طلال
يهد الزين اذا انا محتد عليهن اما ابومخيط فمااك لوا

السلام عليكم ورحمة الله وبركاته
المثل يقول مامن نار من غير دخان والقعود الزين ومجهول الاصل من وين جاه الزين والقعود اللي المعروف اصله من وين جاه الشين
اخوي يقل العرق دساس وبخوصص القعودين اللي فالصوره اذا كانن لك اقضبهم اثنينهم لان احتمال يتغر القعود الايسر اما اذاكانو معروضين عليك اخذ الايمن هذا والله اعلم
وتقبل تحياتي

المشاركة الأصلية كتبت بواسطة محمدالروقي

الساس الساس الساس


والجنادريه خير دليل مليانه فحول اشكالها فاخره والنتيجه تسام قصب ب5000 و6000

بس صورة المقارنه اللي انت حاطها تخوف اهد فحل شكله عادي بس زي اللي انت حاطها

عقوووووووووووووبه حط صورة مقارنه معقوله

بالتوفيق ومشكور على الموضوع الهادف

اضم صوتي لأخي محمد الروقي

والدليل رح لسوق الأبل وشوف الشكل الي يعجبك واشتر بالقيمة الرخيصة وهده .

بس صوووور المقارنة هي الي مسوية تخوف من الثاني .

كلام جميل اخوي طلال

اكيد هد الشين اللي ساسه طيب خصوصا ( امه ) ثم بعدها ابوه

لان الزين لو فيه خير ما فكه راعيه

ويمكن القعود المزيون امه عاديه تسوى 15 ولا 20

واعرف احد المنتجين عنده فحل طيب بالحيل مايضم غير اللي امه كفووووو حتى لو زينه ناقص

والمزيون اللي امه رديه يايبيعه ولا يهديه هدووو .... والان هاد قعود شكله ( احسن من عادي ) في ابله لان ام القعود طيبه بالحيل واصلها اطيب

وجاله انتاج طيب وينطل اطيب بعض الاحيان ولكن المزيون اللي هاده قبل العام اناتجه عادي واحيان ينطل دمار ورده هذا الزمان

الساس الساس

اولا الانتاج ماهو بسيط وودك الواحد ما يحط ابله حقل تجارب للبعارين تبين انتاجها لانك بتقعد لك سنه وانت ترجا ذا الحوار ولا تدري وايش يطلع ..على شان كذا ما ودك تضرب ناقتك الا ببعير منتج انه عندك والا تعنا له ولو بعيد اما مجهول الساس وشين الراس فمستواها عندي حول بعض واذ باجرب بناقه والا ناقتين جربت الطيب لان زينه ما جا الا من زين يمكن يطلع في انتاجه ويمكن ما يطلع لكن باجربه بناقة ما تمسك حاشيها يعني تجيب شكل البعير والا عموقه وهذي موجوده في اغلب الاذواد وعقبه اقدر اقرر اما هديته والا تركته ولا خسرني وقت وجهد

والتوفيق عند الله وسلامتكم جميع

المشاركة الأصلية كتبت بواسطة محمد ال جابر

عليك بالزين لو ان ساسه من البنغال

الله لا يهينك على هذا الموضوع المتميز جداااااااااااااااا وانا متأثر من مقولة محمد ال جابر هههههههههههههههههههههههههههههههههه

واشكرك

مالك الا تنتظر لين يصيرن فحول .

أعزل لكل واحد نياق

الانتاج يبين من ثلاث خلفات .


اللي انتاجه أطيب احتفظ به .