نشاوركم الناقه معشر اعراضها الشوكه ولاهي شوكه

نشاوركم الناقه معشر اعراضها الشوكه ولاهي شوكه

الناقه عطيتها حبوب دود وعطيتها ابرة هيام الناقه ما كان فيها شي اغتثت من العلف مره وطرشت وشانت عقبها وبرتها شانت وشواكلها خافسه وامس تكظم برجلها اليمين على بطنه وهي باركه وحورها يتحرك تقول تمخض والله اني ذليت تحذفه ودمنهاماهوب لين ولاهو قاسي اما بولها ماش شي الناقه يقول الراعي انها تحول بيديها فالحوض وترش على نحرها عطيتها خافض الحراره وغريتها بالبودره حقت التخمه والتسمم ثلاث ايام وكنها وهي فيها 0 فان كان فيها شوكه اكويها يسار والا يمين يالنشاما مشورتكم 0

الموضوع الأصلي: نشاوركم الناقه معشر اعراضها الشوكه ولاهي شوكه || الكاتب: تميم التميمي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

kah,v;l hgkhri luav huvhqih hga,;i ,ghid a,;i

السلام عليكم بالنسبه للشوكه تعرفها من دمنتها يجيلها راس حاد

وبالنسبه لعلاجها لها ابره احسن من الكوي مع مضاد

والله يشفيها من عنده

المشاركة الأصلية كتبت بواسطة فيصل الرويس

السلام عليكم بالنسبه للشوكه تعرفها من دمنتها يجيلها راس حاد

وبالنسبه لعلاجها لها ابره احسن من الكوي مع مضاد

والله يشفيها من عنده

لاهنت يافيصل الابره ما مدحوها الاخوان في مواضيع سابقه ارجو من له تجربه يشاركنا انا اعتقد انه حصر في البول الناقه ما اشوفها تبول والا التهابات 0 عشت يافيصل على المشاركه وشاكر مرورك

هلا يا تميم مدامها طرشت اكرمك الله ان شاء الله سلمت من الغثه لكن بسألك ناقتك اللحين وشلون اكلها وشربها وهل تجتر ولا لا وهل تسدح على جنوبها ولا لا انتظر اجابتك

مرحبا ياتميم
ناقتك والله العالم سببها من الاكل ودامها طرشت بخير انشاء الله
والجرح قبل تكويها شف دمن الناقه هل هو دقاق وجاف جدا وله راس حاد والكوي بصيط مشط من يسار الافضل
تقبل مروري

المشاركة الأصلية كتبت بواسطة بندر الراوي

هلا يا تميم مدامها طرشت اكرمك الله ان شاء الله سلمت من الغثه لكن بسألك ناقتك اللحين وشلون اكلها وشربها وهل تجتر ولا لا وهل تسدح على جنوبها ولا لا انتظر اجابتك

مرحبا يا بندر الناقه مره تاكل ومرار ما هيب تاكل زين والناقه ما تجتر ولا تسدح وعينها اليسرا تدمع واعفاك0

المشاركة الأصلية كتبت بواسطة صالح العاطفي

مرحبا ياتميم
ناقتك والله العالم سببها من الاكل ودامها طرشت بخير انشاء الله
والجرح قبل تكويها شف دمن الناقه هل هو دقاق وجاف جدا وله راس حاد والكوي بصيط مشط من يسار الافضل
تقبل مروري

مرحبا ياصالح بالنسبه ل دمن الناقه ماهوب دقاق كبير وجاف شوي وبعضه له راس حاد وشاكر مرورك ما اظن انها شوكه الناقه خاطرها على الاكل مره زين ومره شين وعندي ابن عمي راعي اباعر وابخيص علمته وقال بلاها في فمها اما هدب والا احمام وبكره ابشوفها واعلمكم 0 وانا والله اعرف الهدب والحمام مير سجيت منه وهي ياقربها من الحمام

الأخ تميم جرب زيت الزيتون (الوزير) ثلاث قراش مجربه واحد ويمدحه وسوف تخرج من فوق وتحت

جرب ٣كيلوا ليمون تضرب بالخلاط ويضاف لها ماء اللي يعبئ جركل الماء ٥لتر وغر الناقه اذا تسمم بإذن الله تشافي

يا تميم افتح فم الناقه وفتشها من الهدب الله واعلم ان هذا بلاها

المشاركة الأصلية كتبت بواسطة بندر الراوي

يا تميم افتح فم الناقه وفتشها من الهدب الله واعلم ان هذا بلاها

صح يابندر الناقه فيها هدب لكن اقطعه بالمقص حق حلاقة البل والابالموس

يا تميم الله يشافي ناقتك ان كان حملتها في دينه من مده قريبه قبل ما تمرض اكوها عن الوهن وان كان انها ما تعدت مراحها عطها مركب البودره السلفا مع طحين مقدار بيالتين ونص تعجنه وتعطيها ياه خمس ايام والا تحطه مع ماء وتغرها به وان شاء الله تشوف الي يسرك

المشاركة الأصلية كتبت بواسطة ذياب الشمري

جرب ٣كيلوا ليمون تضرب بالخلاط ويضاف لها ماء اللي يعبئ جركل الماء ٥لتر وغر الناقه اذا تسمم بإذن الله تشافي

مدة العلاج كم مره وهل الليمون بقشره والا بدون وبيض الله وجهك التسمم واجد فالبل

المشاركة الأصلية كتبت بواسطة تميم التميمي

مدة العلاج كم مره وهل الليمون بقشره والا بدون وبيض الله وجهك التسمم واجد فالبل

جرب مره وحده وان شفت تحسن عيد عليها الليمون بدون قشر الله يشفيها

المشاركة الأصلية كتبت بواسطة تميم التميمي

صح يابندر الناقه فيها هدب لكن اقطعه بالمقص حق حلاقة البل والابالموس

بمقص واذا اول مره تنظف شفلك رجال خبير وخله يقطعه ويملحه ويكشت الجما بموس ( الجزء العلوي من الفم ) واذا ما تغير حالها راسلني على الخاص