ورم بين الديد والسره

الديد , والسره

ورم بين الديد والسره

السلام عليكم ورحمة الله وبركاته
عندي ناقة بكر لقاح هالسنه طلع ورم قدام الديد ونازل ألي السر وعند السر منتفخ بالعرض
الصور توضح
الناقة تاكل وتسرح ولافيها شي ولايوجد أي تورم أخر في أي مكان لا في الزور ولا في الرجلين (ما فيها هيام ) أن شاء الله
الدكتور عاطف بالجبيل يقول ألتهاب في الديد وعطاني أبر علاج للألتهاب وبنسلين وعطيناها ولاتغير شي
أحد مرت عليه يا جماعة ...ناس يقولون عادي في الأبكار يجي ألتهاب في الديد ويروح بعد مدة ..غسلت الورم بالثلج والماء البارد وبالملح ولافيه فايده
شوركم يالربع
مرفق الصور

الموضوع الأصلي: ورم بين الديد والسره || الكاتب: ذياب الشمري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

,vl fdk hg]d] ,hgsvi

مرحبا يالشمري ..

هذا والله اعلم بدايه هيــام .. واذا ماعالجته بيمتد لنحر والرقبه ..

فيه علاج ممتــاز له .. خذ لها وناا اخوك ابره هيام فرنسيه .. وبعد ماتعطيها بتشوفها بعد اسبوع متحسنه


..

أخوي /عايض
الناقة مافيها أعراض الهيام
(الزور والنحر مافيه أورام-رجليها ما فيها أورام -ما دمع عيون الناقة -ما تطرف عن البل)
أنا فكرت في الهيام وأخذت الأبره عندي بالثلاجة
لكن ماني مقتنع بالهيام لعدم وجود أعراضه
الناقة تاكل وبدين ولقحه

وعليكم السلام ورحمت الله وبركاته

الله يشفي ناقتك

في الغالب يجي في البكار كذا بس موب بالحجم هاذا

وانا شوري اذا كان ولادها قريب خلها لاتعبث فيها ولا تعطيها اي ابرة لين تالد

وذا ولدت عطها ابرة هيام فرنسيه وكررها بعد شهر من الابره الأولى

وترا ابرة الهيام طيبه للوريم الي يتعلق بديس

المشاركة الأصلية كتبت بواسطة محمد سعود العتيبي

وعليكم السلام ورحمت الله وبركاته

الله يشفي ناقتك

في الغالب يجي في البكار كذا بس موب بالحجم هاذا

وانا شوري اذا كان ولادها قريب خلها لاتعبث فيها ولا تعطيها اي ابرة لين تالد

وذا ولدت عطها ابرة هيام فرنسيه وكررها بعد شهر من الابره الأولى

وترا ابرة الهيام طيبه للوريم الي يتعلق بديس

شكرا يا محمد
الناقة عشارها كان في شهر 1ميلادي يعني باقي عليها 6شهور أن شاء الله

هلا ومية هلا بابن العم
صار عندي بناقة فاطر قبل ولاده بشهرين تقريبا
ورم بالديد وبالبطن ومع الوقت تقدم الورم للزور
وقلت اخليها ياما تلد ولكن تزمن معه المرض وصارت
ناقة عريمان تبرك ولا تقوم ما لك بطوله ولدت ومازال
المرض معه عطيته إبرة الهيام ومات عسى يخلف علينا
المهم نصيحة لوجه الله عجل بتحليل الدم ويتبن المرض وتعالج
بإذن الله وتشفى بقدرة العزيز القادر

المشاركة الأصلية كتبت بواسطة فهد الجعفري

هلا ومية هلا بابن العم
صار عندي بناقة فاطر قبل ولاده بشهرين تقريبا
ورم بالديد وبالبطن ومع الوقت تقدم الورم للزور
وقلت اخليها ياما تلد ولكن تزمن معه المرض وصارت
ناقة عريمان تبرك ولا تقوم ما لك بطوله ولدت ومازال
المرض معه عطيته إبرة الهيام ومات عسى يخلف علينا
المهم نصيحة لوجه الله عجل بتحليل الدم ويتبن المرض وتعالج
بإذن الله وتشفى بقدرة العزيز القادر

هلا فيك اخوي فهد
الابره موجوده وشاريها من اكثر من شهر لكن طردوني الجماعه والجيران عنها والناقه لقحه وباقي لها مده للولاده
ولا ادري وش اسوي
الله يكتب لنا ولكم الخيره
شاكر ومقدر كل من شارك بالموضوع

اذا كانت الناقه ماتسرح فالوضع هذا طبيعي يحصل لبعض البل ويروح مع المسراح القوي لكن مسألة انك تفكها تدوج شوي وترجع مايصلح راح يبقى معها الورم وانصحك بالابره
اما اذا كانت تسرح مسراح قوي ولا راح الورم عنها انصحك بالابره لان هذا هيام
والابره سلمك الله مامنها خطر اما علاجيه والا وقائيه
والله يبارك لك فيها ويمنحك منها

اخوي ذياب
اذا الناقة بكر مافيها الا العافية هذا الوريم بيروح باذن الله بعد الولادة , عندي ناقة العام القحة بكر وصار فيها مافي ناقتك وبعد ما ولدت اختفى الورم نهائياً.
تحياتي

خل الناقة تسرح ولا فيها العافية

وان عطيتها ابرة الهيام الفرنسية فهي ما تضر بعد أمر الله وتعتبر تطعيم ان ما كان فيها شيء

وناقتك سليمة ولا فيها الا العافية وهذا طبيعي يجي في بعض البل

المشاركة الأصلية كتبت بواسطة محمد بن منصور

اخوي ذياب
اذا الناقة بكر مافيها الا العافية هذا الوريم بيروح باذن الله بعد الولادة , عندي ناقة العام القحة بكر وصار فيها مافي ناقتك وبعد ما ولدت اختفى الورم نهائياً.
تحياتي

أهلا أخي محمد
الناقة فعلا بكر

هلا ياذياب تطمن وانا اخوك صارت عندي العام في بكر لقاح وهذي سوائل طبيعيه تسببها دوده كبديه حسب ما سمعت وعلاجها شراب بندازول وابره الجرب الامريكيه اللي تحت الجلد واذا ماعالجتها بعد الولادة بتختفي ان شاء الله انا ماعالجتها واختفت بعد الولادة من نفسها
اتمنى افدتك

المشاركة الأصلية كتبت بواسطة بندر الراوي

هلا ياذياب تطمن وانا اخوك صارت عندي العام في بكر لقاح وهذي سوائل طبيعيه تسببها دوده كبديه حسب ما سمعت وعلاجها شراب بندازول وابره الجرب الامريكيه اللي تحت الجلد واذا ماعالجتها بعد الولادة بتختفي ان شاء الله انا ماعالجتها واختفت بعد الولادة من نفسها

اتمنى افدتك

مرحبا بمشرفنا العزيز
الله يجزاك خير أنت من يقرأ
الله يكتب اللي فيه خيره
راح أنتظر عليها حتي الولادة أن شاء الله ....

السلام عليكم ورحمة الله وبركاته
عيدكم مبارك وكل عام والجميع بخير
الورم أشوفه بدأ يتصلب من كم يوم ولا فيه تغير بالحجم

عطها الابره بس واقطع الشك باليقين