سؤال لهل الخبرة لا هنتو ؟؟

سؤال لهل الخبرة لا هنتو ؟؟

السلام عليكم

يالربع قبل خمس ايام ولدت عندي لقحه وجابت بكرة واليوم هذا دق علي الفجر العامل وقالي انها ماتت ويوم سألته قال انه حاول الصبح يوقفها ويرضعها ويقول انها ما طاعت وعيت لا ترضع

مع العلم أن البكرة بدت تاقف من اول يوم واليوم الثاني تمشي شوي وتطيح واليوم الثالث صارت تمشي وتبرك وتقوم لحالها.

مع العلم ان الناقة ولدت وهي واقفه وعيت لا تبرك حتى مع العقال و بعد الولادة على فترة الثلاث ايام الاولى عطيت البكرة 3 جرعات يومياً 5 ملم بنسسلين و3 جرعات 5 ملم فتمين او مقوي المهم انه شي عطانيه الصيدلي

تكفون يالربع ابي اسمع منكم يمكن اننا اخطينا في شي نصححه في المرات الجاية

الموضوع الأصلي: سؤال لهل الخبرة لا هنتو ؟؟ || الكاتب: محمد ناصر العبيد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

schg gig hgofvm gh ikj, ??

السلام عليكم لا تعطي الحوار اي دواء الا اذا صابه ذراق لان بعض الادويه تيبس بطنه ويعكم واظن ان بكرتك عاكم والله يعوضك بالي اخير منها

السلام عليكم ورحمة الله وبركاته

أولا: الله يخلف عليك ببكرة أبرك منها , واللي مافيه نصيب مهوب مقدور علية .......

ثانيا: موت الحيران هذة الايام كثير , تجيها أمراض غير معروفة , و الحمدلله على كل حال.......

ثالثا: حسب الخبرة أن الحوار يعطى إبرة معوي ( معروفة عند الصيدلية ) بس , واذا فية ذراق يعطى الضغاط حقه...

بارك الله بك و لك ..........

الله يخلف عليك ببكرة أبرك منها , واللي مافيه نصيب مهوب مقدور علية

جعلها فدى راسك يامحمد ومعوض خير إن شاء الله .

أنا لا أؤيد إعطاء أي أدوية للحيران إذا لم يظهر بها مرض أو ضعف .

اسمح لي اسألك : هل أنت متأكد إن الحوارة رضعت خلال الأيام الفايتة؟ يمكن العامل مارضعها بالمرة أو يرضعها على خفيف يعني مرة أو مرتين باليوم ؟!

ترى مايحرص على الحلال إلا صاحبه . العامل ماله إلا راتبه آخر الشهر ولا عنده إهتمام مثل صاحب الحلال

يا أخوان وشرايكم فيه بعض الأخوان ينصحون بأعطاء الحوار 1سم من أبرة الجرب والدود بعد أسبوع من ولادة الحوار هل أحد جربها ..أحد زملائي جربها من حوالي شهر والحوار ماشاء الله عليه ما عليه خلاف

الاخ محمد الله يعوض بابرك منها انشاء الله
الحوار مايصيبه الا قل الرضاع او كثره الاوله علاجها متابعة راعي الحلال والثانيه حسب الاغراض اللي قلت الحوار عكم وعلاجه (حقنه شرجية حقت الاطقال )
وقلل الاكل على ام الحوار بعد النتاج وخلها تسير مع الحوار على كيقها

الله لا يهينمكم جميعاًُ

والله العالم ان الدعوى قل رضاعة لكن أبسال وش المقدار المعتدل للرضاعة أول الايام كم رضعه في اليوم ؟؟ يعني لا زود ولا نقصان.

الله يعوضك ابرك منها

ونصحك تجنب العلاج الا عند اضروره

الله يخلف عليك بأبرك منها

وانا من المعارضين الي يعطي الحوار اول مايولد علاجات

اذا مافيه شي ولاهوب مريض ليش اعطيه علاج الحليب الي يرضعه اليومين الاولى فيه مادة قويه للحوار تكفيه عن جميع الادويه

اما اذا كان مريض اكيد العلاج ضروري له

بس الواحد ينته من كثرة الحليب لاتجيب له الذراق

الله يخلف عليك ببكرة أبرك منها

يالربع تبون حل مشاكل الحيران وقت الولاده
المشكله الاساس في الناقه اهتم بتغذية الناقه التغذيه الصحيحه والمفيدة والتنويع بالاعلاف وتكون شامله لجميع العناصر والفتيمنات وانت بأذن الله راح تشوف حيران طيبه وبصحه ممتازه بأذن الله

الله يخلف عليك ببكرة أبرك منها

الله يخلف عليك ابرك منها ونا مع الاخوان ضد فكرت اعطا العلا ج للحواروهو سليم
كذالك ضد الابر حتا لوكان مريض لانها تعالج مرض وتجيب مرضين حتى لوافادت مره
لازم تضر