 الإهداءات | |
مركز رفع الملفات  | ||
|
 |  |
| ||||||||||
 |  |
| الأسئلة والإستشارات لطلب الرأي والمشورة في زين الابل واطباعها ومستلزماتها |
| آخر المواضيع |
 |
| | أدوات الموضوع |
| الإهداءات | |
| مركز رفع الملفات | ||
|
| | |
| ||||||||||
| | |
| الأسئلة والإستشارات لطلب الرأي والمشورة في زين الابل واطباعها ومستلزماتها |
| آخر المواضيع |
|
| | أدوات الموضوع |
 27 / 05 / 2009, 18 : 10 AM | #1 | |||
| عضو  تاريخ التسجيل: 09 / 06 / 2008 المشاركات: 34 معدل تقييم المستوى: 0 
|  أحكام غير شرعيه في ركاب غير ممنوعه بسم الله الرحمن الرحيم والصلاة والسلام على اشرف الانبياء والمرسلين لفت انتباهي موضوع متميز في هذا المنتدى وهو : أفضل أنتاج فحل سنة 2009 ولكن شاءت الافكار والمداخلات .. الغير طبيعيه في رجم هذا الموضوع منذ بدايته وهي : أن لا يذكر الا صاحب الفحل المنتج اللي مايمنعه راعيه ، ولا يذكر في هذا الموضوع بعير مهما كان انتاجه فاخر ، وراعيه يمنعه بدايةً من الأخ العزيز : راشد العرق .. وتأييد ذلك من بعض الاعضاء وفقهم الله .. اقتباس:
وذلك للأسباب التالية : - أولاً / لا يوجد والحمد لله صاحب بعير يمنعه من المسلمين بتاتاً .. في أنحاء الجزيره ، وإن وجد فهو شبه معدوم من فضل الله .. ثانياً / أفرض أن عندي بكرة زينه على بعير منتج وأبي أعرضها واذكرها .. ولكن أنك تقول : أن راعي البعير يمنع ، أو يقول فـُلان من الناس أنه يمنع حسب رأيك أو رأيه فهي بذلك .. تكون الضوء الأخضر والدليل القاطع على أن البعير غير ممنــوع . عن المسلمين كافة وندخل بعد ذلك في مسلسلات " من عين الفأر اللي في ذنبه خيط " أكرمكم الله .. ثالثاً / أبي أوضح لك الصورة كاملة وللجميع عن أهل الركاب عامه .. أنهُ .. " لا يوجد بعيــر يمنعه راعيه .... الناس هي اللي تمنع نفوسها من الركاب " وهذا أمر .. لاحظته انا بنفسي عنـدهم ، مثل يجي واحد على غير سرا ويبي سرا خاص له بحكم كذا و كذا ، أو مايهمونه الناس اللي قدامه ويدخل بأنفه ونفسٍ شينه .. وهكذا تبدأ المشاجرات والسب والشتم ثم يقفي عن راعي البعير بالكلام اللي ماودي أذكره في هذا الموضوع رابعاً / اللهم لا ضرر ولا ضـرار : عندي بكرة شبكيه على بعير منتج وراعي البعير دايم ماهو بسالم إلا من العاقل اللي محترم نفسه ومقدر الرياجيل " شـرواك وشروا القارئين " و ودي اعرضها واخاف تقول راع البعير مانعه واصير انا بين النار والغار وانت ياخوي راشد رجل عاقل حسب منطوقك في المنتدى ولا يجب انك تكون في راس المدفع وتكون سبب تصوير راع البعير امام الملا بما لا يليق فيه وتكون بذلك منعتني من ذكر البكره وعرضها ثم تصبح أنت المانع الحقيقي ماهو براعي البعير خامساً / الابل ماهي بتستاهل من يحتكرها أو يحتكر أهلها سواء في هذا المنتدى أو غيره ، وانا اشوف في رايك هذا نوع احتكار او تشديد سادساً / من هو الحاكم الاداري او الفاصل النهائي في أن بعير " فلان بن فلان " ممنوع حتى يثبت ذلك بشهود ومزكـّيه في هذا الموضوع ويقرّونه جميع الناس حسب شهادة وتزكية عُقلاء هذا المنتدى وعند ذلك يتم علاجها بما يوافق العقل والحكمه والمنطق ملاحظة : أرجو التدخل السريع والمشاركه في هذا الموضوع وحسمه منعاً لاحراج الناس { بيض الله سوّد الله } وخاصةً من عُقلاء هذا المنتدى أمثال : مسعود العماري ، محمد شريه المطيري ، عبدالرحمن عبدالعزيز ، وعبداللطيف شديد .. من غير قصور في بقيّـة الاعضاء ودمتم .. المصدر: منتـديـات مــزايـن Hp;hl ydv avudi td v;hf ydv llk,ui | |||
 |  |
| 27 / 05 / 2009, 40 : 10 AM | #2 | ||
| عضو نشيط  تاريخ التسجيل: 23 / 02 / 2006 المشاركات: 394 معدل تقييم المستوى: 243
| على النصيحة الطيبة وكثر الله من امثالك طالبي العدل وأسال الله ان يجعلها في ميزان حسناتك | ||
| | |
| 27 / 05 / 2009, 43 : 10 AM | #3 | ||
| عضو مجلس الادارة  تاريخ التسجيل: 06 / 12 / 2005 الدولة: قطر العمر: 49 المشاركات: 3,300 معدل تقييم المستوى: 304
| على النصيحة الطيبة | ||
| | |
| 27 / 05 / 2009, 50 : 12 PM | #4 | ||
| مجموعة التكريم  عضو لجنة تحكيم المجاهيم تاريخ التسجيل: 12 / 08 / 2005 المشاركات: 1,160 معدل تقييم المستوى: 265
| اذا هاج البعير بيجيه العاقل والجاهل والبزر وبيتعنون له الرياجيل من ديار بعيده وش بيسوي لو صار مشكله او تسبب واحد من المتنوقه في مشكله بياخذ البقيه بذنب غيرهم وباخلي ناس وبمنع ناس الزبده الكريم امعااان والشجااااع منجاااا والله يارجال يمنع بعير مافيه خير واللي يمنعووون كثرهم والسبب ردااا وحسد الله يعفااا عناااا وعنهم ويستر عليهم __________________  | ||
| | |
| 27 / 05 / 2009, 18 : 01 PM | #5 | ||
| مجموعة التكريم تاريخ التسجيل: 20 / 11 / 2006 المشاركات: 2,993 معدل تقييم المستوى: 286
| والله يا ذياب اللي يمنعون واجد في ذا الزمان ولكن أساليب المنع تعددت وأنا أخوك واللي بقوله سود الله وجه كل رجال يمنع من بعيرة بعض الرجاجيل يمنع حسد والعياذ بالله ويبخل على نفسه بقولة فلان والنعم في الدنيا ويبخل على نفس من أجر الآخرة والله يارجل يمنع من بول بعير أعزكم الله إنه مافيه خير وأعرف ناس بالإسم ولا ودي أذكرهم في مجالس الرجاجيل وبترفع عن ذكرهم واللي بنقوله بيض الله وجيه الرجاجيل اللي إذا جيتهم أذبحوا لك وكرموك وبعضهم إنه يجيب البعير ويدخله في أبلك والبعض إذا جا يشد شدد أبلك معه وبعضهم يهتم في عزبتك ويمر على عمالك في غيابك وينشد إن كانهم محتاجين حاجه ولا غرض وبعضهم والله إنه يعلف على أبلك إذا جيت تضرب عند مثل هالمطاليق بنذكرهم بندعي لهم في كل صلاة إن الله يوفقهم وأن الله يرزقهم من واسع فضله وسلامتكم __________________ اللهم إني ظلمت نفسي ظلماً كثيرا ولا يغفر الذنوب إلا انت فاغفر لي مغفرة من عندك وارحمني انك انت الغفور الرحيم | ||
| | |
| 27 / 05 / 2009, 24 : 01 PM | #6 | ||
| عضو فعال تاريخ التسجيل: 22 / 11 / 2007 المشاركات: 866 معدل تقييم المستوى: 231
| والناس ماهي واحد الاصابع مو سوى وتقبلوا مروري __________________ ياشبه وضحا بها دبدوب <<<->>> في اول الذود زرفالي | ||
| | |
| 27 / 05 / 2009, 49 : 01 PM | #7 | |||
| مجموعة التكريم  تاريخ التسجيل: 09 / 05 / 2005 الدولة: السعودية المشاركات: 1,076 معدل تقييم المستوى: 266
| اقتباس:
ومن رأيي يا ذياب غانم و نصيحتي لك هد الســــــــرعة شوي __________________ | |||
| | |
| 27 / 05 / 2009, 04 : 02 PM | #8 | ||
| مجموعة التكريم عضو لجنة تحكيم المجاهيم تاريخ التسجيل: 12 / 08 / 2005 المشاركات: 1,160 معدل تقييم المستوى: 265
| وراشد العرق مقصده واضح في النقطه اللي تطرق لهاااااا وهدف عشااااان ماحد يذكر شخص يمنع البعير ويجي انا او اي عضو اخر ويقرااا ان البعير منتج واذا جاااا موسم الضراااب شد الرحاااال وراح وتعنااا واخرتهااا البعير ممنوع ومن المتسبب العضو فلان في منتدى مزاين ............... __________________ | ||
| | |
| 27 / 05 / 2009, 16 : 02 PM | #9 | ||
| عضو تاريخ التسجيل: 25 / 05 / 2009 المشاركات: 139 معدل تقييم المستوى: 198
| كلام راشد العرق رأي في الموضوع أن راعي البعير المنتج اللي يمنع مايذكرممكن الرجال واجه الموقف وهذا شي طبيعي ردة فعل أما بخصوص المنع فهم للاسف كثروا وعذرهم أمسك سرى وغيري سراقه لكن بالاخلاق واللباقه يجيلك سرى اللي جاعله الناس فيها خير مهما تردت. لكن النشاما شرواكم واجد وأهل الخير موجودين اللي عندهم الركاب الطيبه المسميه ولا يبون الا الدعوه الطيبه ولا بغيت تنصى أنصاهم أما اللي يمنع مالي فيه حاجة .ونختم كلامنا بأن الله لا يجعل الدنيا أكبر همنا ويعز ديننا | ||
| | |
| 27 / 05 / 2009, 33 : 02 PM | #10 | ||
| عضو  تاريخ التسجيل: 05 / 01 / 2009 المشاركات: 458 معدل تقييم المستوى: 210
| ومثال ذلك اني اتطرق لجمل انتاجة فاخر ولاكن راعية يمنعة ليش اذكره واخلية في وضع محرج انت وانا والآخر نسود له او اذا جاء وقت الهداد تعنيت له وهو مافية فايده | ||
| | |
| 27 / 05 / 2009, 26 : 07 PM | #11 | ||
| مجموعة التكريم  تاريخ التسجيل: 17 / 06 / 2007 الدولة: السعوديه المشاركات: 1,259 معدل تقييم المستوى: 245
| الزينه بتاخذ حقها ولا يضرها راعي ابوها والناس تعرف الزين وتشريه ولاعليها من اللي يمنع واللي ما يمنع الرجال طيبه له ورداه عليه والحوار طيبه له ورداه عليه والعرق مقصده واضح حتى لايتعنا احد لمن لا يثمن العنوه امل ان اكون وفقت لايصال الفكره | ||
| | |
| 27 / 05 / 2009, 26 : 08 PM | #12 | ||
| عضو نشيط  تاريخ التسجيل: 29 / 12 / 2007 الدولة: الكويت المشاركات: 390 معدل تقييم المستوى: 220
| بصراحه موضوعكم جميل والنقاش فيه ممتع وودي اشاركم فيه اولا كلنا نتفق ونعلم ان اللي يمنع بعيره ما فيه خير وردي والله يهديه ويشفيه ومو حنا اللي قلنا هالكلام فقط , الله سبحانه وتعالى قال في كتابه الحكيم بسم الله الرحمن الرحيم ( فويل للمصلين اللذين هم عن صلاتهم ساهون واللذين هم يراؤون ويمنعون الماعون ) الماعون : هو كل ما يستطيع إعطائه الشخص من دون ان يلحق به ضرر ولكنه لا يعطيه ويدخل في ذلك ماء البعير اجلكم الله واي شيء يستعار منك لقضاء حاجه ويرجع لك حتى قدر الطبخ والدلو والكثير الكثير من الامور وحتى عفريتة الكفر حق السياره داخله في الموضوع فهذولا الناس ربي موعدهم بوادي في جهنم اسمه ويل وربي حسيبهم ولاهم نايلين في هالدنيا اللا السمعه القشرا وسواد الوجه وفالاخره نار جهنم وبئس المصير وكلنا على علم ان اللي معرب اصله وساسه طيب ما يتردى في مثل هالامور اما بخصوص موضوع بكرتك يا خوي ذياب بن غانم ما يتعارض موضوعها مع كلام اخوي راشد العرق لان المنتدى فيه اقسام ثانيه خاصه بهالشي تقدر تعرض بكرتك وصورها وفيديوها وتذكر ساسها بالكامل ومن ابوها ومن راعيه وكيف جاتك هل هي مشترى ام مضرب عنده ام شاري لقحه منه وجابتها وإذا الناس راحتله وتعنت ما يلحقك لوم إذا ردها لان الرجال طيبه لنفسه ورداه على نفسه واللي بيلومك ما فيه خير لانك عرضت البكره وذكرت ساسها ومن راعي البعير اللي انتجها ولا عليك اي لوم وبصراحه شوقتني لصورة بكرتك وعسى الله يباركلك فيها وكلامي مجرد وجهة نظر متواضعه لا اكثر تقبلو ودي ودمتم __________________  | ||
| | |
| 28 / 05 / 2009, 46 : 10 AM | #13 | ||
| مجموعة التكريم تاريخ التسجيل: 18 / 11 / 2006 المشاركات: 1,419 معدل تقييم المستوى: 255
| الاخ راشد يتكلم من ناحية قصر عنوة اعضاء وزوار المنتدى اما من ناحية عدم وجود من يمنع بعيره فللأسف توجد وحصل لي شخصيا حيث اشترط صاحب البعير ان تكون الناقه (طيبه) من حيث الشكل / يعني يبي يرفع بعيره فقط وسبحان الله فقد حرم هو وغيره من البعير في ذلك الموسم /الله يعوض عليه ويهديه والحمد لله اللي اغنانا عنه وعن امثاله من ناحية عرض البكره فلا يوجد شرط يمنع ذلك ولا ارى له علاقه بالموضوع وفقكم الله تعالى __________________ (( رب ارحمهما كما ربياني صغيرا ))... اللهم ارزقني برّهم  | ||
| | |
| 28 / 05 / 2009, 19 : 11 AM | #14 | ||
| عضو نشيط تاريخ التسجيل: 04 / 06 / 2007 المشاركات: 452 معدل تقييم المستوى: 229
| أمثال : مسعود العماري ، محمد شريه المطيري ، عبدالرحمن عبدالعزيز ، وعبداللطيف شديد .. من غير قصور في بقيّـة الاعضاء ودمتم ..[/QUOTE] عطيت الموضوع أكبر من حجمه مع احترامي لوجهة نظرك __________________  | ||
| | |
| 28 / 05 / 2009, 40 : 02 PM | #15 | |||
| مجموعة التكريم تاريخ التسجيل: 21 / 08 / 2006 الدولة: الخليج العربي المشاركات: 1,539 معدل تقييم المستوى: 261
| اقتباس:
مرحبا يابو غانم وهذا ابرك المواضيع اللي خلاك تكتب موضوعك وتذكرني بالاسم وانا هدفي وهدفك واحد ولو انه حصل لبس عليك في فهم ما اقصد واكيد غيرك كثير فهم قصدي مثل ما فهمت وجزاك الله خير على موضوعك لكي اوضح ما قصدته بصوره اوضح لكي يفهم الجميع ما اقصده بالضبط وهذي ثمرة الاجتماعات الطيبه اللي تجمع الرجال اللي فيهم خير والواجب على كل عضو من اعضاء هذا المنتدى اذا فهم من كتابة واحد من اخوانه كلام يرى فيه نقص على احد اوظلم لاحد ان يتاكد من القصد ويطلب منه التوضيح لمقصده لكي يوضح ما يفصده بالضبط ويكون الجميع على بينه انت بيض الله وجهك ووجيه اخواني الباقين ما فهمت مقصد كلامي بالضبط انت نسخت من كلامي هذا الجزء فقط وعلقت عليه وهو( أن لا يذكر الا صاحب الفحل المنتج اللي مايمنعه راعيه ، ولا يذكر في هذا الموضوع بعير مهما كان انتاجه فاخر ، وراعيه يمنعه ) وترك الهدف من كتابتي لهذه الجمله ولا ادري هل تركتها عمدا ام سهوا وتركت ما هو اهم وهو السبب في ما كتبت ولو قرأته لكفاك من كتابة موضوعك ولو اني ارى في كتابتك: أسمح لي ياعاقل وعارفة المنتدى الأخ العزيز : راشد العرق ، أنا لا أوافقك الرأي على عدم ذكـر صاحب البعير اللي يمنعه راعيه وذلك للأسباب التالية : - أولاً / لا يوجد والحمد لله صاحب بعير يمنعه من المسلمين بتاتاً .. في أنحاء الجزيره ، وإن وجد فهو شبه معدوم من فضل الله .. انت هنا تناقض نفسك لاتوافقني في عدم ذكر صاحب البعير اللي يمنعه راعيه وتقول في اول نقاطك لا يوجد والحمد لله صاحب بعير يمنعه من المسلمين بتاتاً .. في أنحاء الجزيره ، وإن وجد فهو شبه معدوم من فضل الله وانا اقول بلا فيه وكثير ومنتدانا لايسمح بتجريح الناس ولسنا هنا للغيبه وذكر الناس بما يكرهون وهذ ماتكبت في مشاركتي في موضوع سالم لكي تقراه مره ثانيه لاهنت ياسالم على الموضوع وبما ان الموضوع يهم اصحاب التنواق انا عندي اضافه بعد اذنك وهي ان لا يذكر الا صاحب الفحل المنتج اللي ما يمنعه ولا يذكر في هذا الموضوع بعير مهما كان انتاجه فاخر وراعيه يمنعه لكي لا نضعه ونضع انفسنا في حرج انا هنا اخي العزيز اقصد ان راعي البعير اللي ماهو يجملك اذا تعنو له زملائك ومن يقرا كتاباتك ماراح يبيض وجهك فلا ترفع له سهم ولا توطيه لانك قد تضره اكثر من نفعته لان اغلب اللي في المنتدى ماهم بشرايه بدو واهل ابل ويبون يتعنون صوب البعير المنتج اللي راعيه شرواك وشروا المتابعين للموضوع والموضوع اللي انا علقت عليه يهم شريحه كبيره من اصحاب التنواق ووضع ليخدمهم وليس للدعايه للركاب المنتجه واهلها انا قصدي ان الرجال ما يحرج رفيقه راعي البعير المنتج وهو عليه مدخل لانك تعرف ان اهل الضرايب فيه الطيب شرواكم وفيهم الغثيث فلا نضر اهل الركاب اكثر مما ننفعهم ولا الطيب لا تبحل به ينومسك ويجملك اذا تعنو الرجال على كلامك وانت كتبت: عندي بكرة شبكيه على بعير منتج وراعي البعير دايم ماهو بسالم إلا من العاقل اللي محترم نفسه ومقدر الرياجيل " شـرواك وشروا القارئين " و ودي اعرضها واخاف تقول راع البعير مانعه واصير انا بين النار والغار وانت ياخوي راشد رجل عاقل حسب منطوقك في المنتدى ولا يجب انك تكون في راس المدفع وتكون سبب تصوير راع البعير امام الملا بما لا يليق فيه وتكون بذلك منعتني من ذكر البكره وعرضها ثم تصبح أنت المانع الحقيقي ماهو براعي البعير بالنسبه لراعي البعير بيعطونه الناس عرضته وكل بيذكر ما واجه احد بيمدح واحد بيذم وبالنسبه لي انا ماني بحرص على معارضة احد في حلاله او ما يعرض وارفع نفسي من الردى لان تكذيب الناس او ذكر الردي برداه والتشهير به ماهو بطبعي ولا طبع الطيبين شرواكم ولا لي حاجه في اني اقول لك راعي البعير مانعه لان هذا يعتبر تكذيب للرجال وتكرمون من ذا العلوم ولاهي في منتدانا ولاني بذاكر الا اللي فيه خير واعتز اني اجيب سيرته ولا الردي ما ني بعارفه او كاني ما اعرفه ولا لي فيه حاجه ولا تخاف على ماني بجاي في راس المدفع ولم اذكر احد بعينه انا اقصد اني انا و انت وغيرك في المنتدى ما نفتح باب سيرة احد وحن عارفين ان الناس بيذكرونه بما لا يليق فالافضل عدم فتح باب عليه وبالنسبه لبكرتك عسى الله يبارك فيها ويرزقك فيها فيه اقسام خاصه للعرض ولامانع من انك تنزل لها موضوع خاص عسى الله يبارك لك في حلالك وعيالك وتقبل تقديري يابو غانم اخوك راشد العرق __________________  | |||
| | |
|
| |
أرجو أن يكون ردك على الموضوع بصيغة جميلة تعبر عن شخصيتك الغالية عندنا يا غير مسجل
الذين يشاهدون محتوى الموضوع الآن : 1 ( الأعضاء 0 والزوار 1)
تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
BB code is متاحة الابتسامات متاحة كود [IMG] متاحة كود HTML معطلة
المواضيع المتشابهه الموضوع كاتب الموضوع المنتدى مشاركات آخر مشاركة مقاطع ممنوعه لعموه ملك (هجن العاصفة) محمد البريدي المري ساحة عرض الهجن 10 10 / 01 / 2010 36 : 09 AM
 |
