انتفاخ خصي الفحل

مساء الخير للجميع

عندي فحل من أجي الحر انتفخت خصيه وفحصته ولا طلع فيه مرض

حد صارت عنده هاذي الحاله او سبق جرب علاج لانتفاخ الخصي

رد: انتفاخ خصي الفحل

هذا امر طبيعي يحصل لكل الفحول فترة القيظ

رد: انتفاخ خصي الفحل

بيض الله وجهك اخوي مبارك المري

صحيح ان الفحول تنتفخ خصيها. في الحر ولكن انا أتكلم عن انتفاخ زايد عن الحد المعقول

لان عندي فحول غيره وقريبه منه ولكن خصيها طبيعيه

والبعير لقاحه لك عليه من العشر يمكن يلقح اربع هذا اللي خلاني اسأل

لان البعير صار له ثلاث اسنين على هذا الحال. وسلامتك

رد: انتفاخ خصي الفحل

لا صار هرش وجبر يعني طول وعرض طبيعي ولا صار مجهم بعد بزود لو أرسلك صور خصا الفحل الي عندي تهولت لاقبلت من بعيد تقول ديوس خلفة ديسها طيب

رد: انتفاخ خصي الفحل

صبحك الله بالخير

ابشرك عندي نفس الحاله كأنك توصف حالة البعير الي عندي بالضبط و فحصته عن كل شي حتى البروسيلا مافيه الا العافيه و لقاحه ضعيف و اعطيه مقويات حيوانات منويه كورس مدة شهر قبل الهدد و يلقح لاكن بدونه يكون لقاحه بارد و يعز لقاحه من شهر 1 انجليزي
اصل البعير القوز

شكرا

رد: انتفاخ خصي الفحل

السلام عليكم
عاد عيدكم وكل عام وانتم طيبين
انشاء الله الوضع طبيعي
هل سويت تحليل عن المالطيه لان من اعراضها تنفخ الخصاء وتقلل القاح والله العلم