هل لإسم مالك الابل دور في رفع قيمتها؟؟

هل لإسم مالك الابل دور في رفع قيمتها؟؟

هذا السؤال يدور في ذهني من فترة طويلة ودعاني اليه اني رأيت تفاوت عجيب في اسعار الابل بدون مبرر واضح فتجد ناقة مزيونة ولا عليها كلام تسام بأربعميه والا خمسميه والا ثمان ويمكن مليون لأنها ناقة فلان من الناس صاحب الابل المشهور اللي مابيع من حلاله بأقل من الميتين... طيب هذي فهمناها الرجال ماشالله تبارك الله حلاله طيب ويسوى هالاقيام والله يزيده........... لكن بالمقابل تجد لدى بعض الملاك المغمورين بكرة أو ناقة لاتقل في مواصفاتها ان لم تكن افضل من ناقة فلان (صاحب الابل المشهور) واذا اراد بيعها فهو يجاهد ويعلن ويصبر وفي الاخير ماتوصل له 40الف .
وانا اقول هالكلام من واقع عايشته وشفته بعيني ـ وهذا معناه واضح وهو اسعار الابل ماهي مبنية على معايير ثابتة بدليل عدم ثبات السعر وربما يعني ايضا شئ آخر خطير لا ينبغي ذكره لأنه مجرد ظنون .
ارجو الا يساء فهمي فوالله ماقصدت احدا بعينه بل اتمنى الخير والرزق الحلال لإخواني كما اتمناه لنفسي , وانما هو سؤال لم اجد جوابه فأردت من اخواني المشاركة وان يدلوا بدلوهم لأن الموضوع حقيقة محيرني وفي نفس الوقت محبطني .

الموضوع الأصلي: هل لإسم مالك الابل دور في رفع قيمتها؟؟ || الكاتب: فهد بن عبداللطيف بن شديًد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ig gYsl lhg; hghfg ],v td vtu rdljih??

السلام عليكم

حى الله بن شديد

انا اتفق معك ان اسعار الابل علي اسم راعيها

ابو مشعل

اخي فهد ماسمعت بن غتار وش يقول

لاصار مالك قليل ومالك دعايه ++++++++++++++ خلك مع اهل المقاصب وترك الغالي

نعم اتفق معك .لاان الغالي يبيله شريطي عنده زبون .او راعي ابل مشهور يجيه ناس يخطبون البكره منه خطبه مايروح للسوق يبيع

وهناء يكمن الفرق بين الانسان العادي والمشهور.

الاخ فهد

السلام عليكم ورحمة الله وبركاته
بارك الله فيك على هذه الملاحظة التي تستحق الوقوف
اعتقد بان الاسم ياخذ نصيب الفيل وليس الاسد في السعر ان لم اكن مبالغ فهو يشكل اكثر من 80-90 % من القيمه الحقيقيه
وعليه اقترح ان نناقش الموضوع من جذوره الا وهو :

- ما الذي اوصل اقيام الابل الى هذه الارقام الفلكيه ؟؟
- ما معنى ان بهيمة تباع بالملايين !!؟؟
- ومن قيم هذه البهيمه ؟
- وماهي الاسس التي جعلت من ناقتين متجانستين في المواصفات الاولى تقيم بـ 40 الف والثانيه بـ 400 الف؟؟

كلنا نعشق الابل ولولى محبتنى لها ما قنيناها ولكن ان تكون اقيامها بهذه الصوره !! فلا
عموما اذا وجدت الجواب الشافي لهذا السؤال المحير والمريب اشعرنا
مع علمي المسبق بانك لن تجد اي جواب منطقي لهذا التساؤل
وعموما ظاهره تفاوت الاسعار الواضحه ظاهرة غريبه وجديره بالبحث والنقاش

كما ارجوا من الاخوان ان يناقشون الموضوع بعقلانيه و منطقيه وان نبتعد عن العواطف والشعارات

وتقبلوا تحياتي

السلام عليكم
انا اللي اعلمكم ماهو السبب الحقيقي لتفاوت السعر بين ناقتين بنفس المواصفات لان احدهما لغني والاخرى لمواطن عادي

اولا الغني يشتغلون له السماسره ليل نهار ويسوون دعايه ويستفيدون من وراه حق اتعابهم ويشرههم

والعادي لايعطيهم ولا يشرط لهم ولايستفيدون منه والناس الحين اهم شي عندهم المصلحه وبعضهم يحسب كم يستفيد من مدح السلعه وعلى الفايده تكون الدعايه

لو الشخص العادي يقول لاكثر من سمسار من السماسره المشهورين لك 10 او 20 في الميه اذا بعت الناقه عن طريقك لشفت العجب وكان رفع سعرها بطريقته من ال 40 الف الى 300او 400 الف لكي تزيد نسبته منها وهذولا ماهمهم لا البايع ولا الشاري ماهمهم الا انفسهم

ومن ناحيه ثانيه الغني ماهو اي شي يقنعه في مقابل انه يبيع ناقته الغاليه
اما العادي فهم يقولون انه بينجبر انه يبيع برخص لحاجته فما فيه داعي ان نرفع السعر

وانا اخبر ناقه كانت محدوده على شخص وهي حواره مع امها ب 100 الف ولا شراها وجا شخص بعده وشراها بروحها اي الحواره ب 100 الف وبعدين اشتراها الاول ب 400 الف ووصلت عنده في نفس الوقت ب 1200000 مليون وميتين لانه مليونير

انا اتوقع ان

الناقه الطيبه تفرض نفسها سوا عند الفقير او المياردير

لاكن الفقير يبيع باسعر الي يطمع فيه ميه ميتين ...


لاكن الملياردير يتحكم في السعر ولاهو محتــــــــــــــــاج للبيع


وهـــنا يكون الفرق


مع تحياااااااااااااتي

الاخوان/ نايف , سعود , عبدالرحمن , راشد , بركه...
شكرا لمروركم وابداء ارائكم واتمنى من باقي الاخوان المشاركة لأن اجوبتكم مهمة جدا بالنسبة لي لأننا مثل قال الاخ عبدالرحمن ماقنينا البل الا حب وهواية ولكن اذا ماكان فيه اسس ومعايير واضحة لتحقيق اهدافك من هالهواية فالافضل بصراحة تركها لأنك تتبع سراب
الاخ عبدالرحمن ..انت تشوف انه من الاساس اقيام الابل المرتفعة غلط ومبالغة ولا فيه مايبررها .هذا يجرنا لسؤال ثاني ..هل الاقيام هذي بتستمر وتزيد والا انها طفرة وبتنتهي ؟
الاخ راشد ...طيب السماسرة على اي اساس بيرفعون السعر انا اظن ان مالهم الاقولة انها من ابل فلان والا على فحل فلان يعني عودنا على سالفة اسم المالك وشهرته

الاخ فهد

بعد التحيه
نعم لا ارا من وجهة نظري ما يبرر ارتفاع اقيام الابل وخصوصا النياق

اما سؤالك عن هل الاقيام بتستمر فلا املك الجواب ولننظر الى ما كانت عليه اسعار الاغنام السوريه وما صارت اليه وغيره من المقتنيات

اخوي فهد
اللي اقدر اقوله لك بان الابل لا تعدو اكثر من هوايه وولع واذا اخذناها من هذا المنطق فليس للاسعار قاعده ثابته وممكن انها تستمر وتزيد عن ذلك او تنقص على حسب اعداد المقتنين لها وكثرتهم وقلتهم وحبهم وولعهم

اما اذا كان اقتناء الابل للمتاجره والمباهات كما هو الحال اليوم فيمكني القول بانه متى ما توقفت المزاينات فان الاسعار ستنخفض وبطريقه درامتيكيه وقد ترى ان النوادر من ابل لا تتجاوز اقيامها اقيام المنايح هذه الايام

وتقبلوا تحياتي

الاخ فهد ولا يهونون الربع
السمسار طال عمرك يدور لمصلحته اولا وثانيا وثالثا
بالنسبه كيف يرفع السعر انا اقول لك من اللي من اهل الملايين هو اللي يشتري لنفسه وهو اللي يروح يدور بين البدو للناقه الطيبه ما فيه احد واذا فيه فقله
السماسره هم اللي يدورون وهم اللي يذكرون لاكثر من مليونير ويقوم بمدحها عند هاذا وعند هاذاك ويقول لذا ترى فلان سامها وبياخذها لكن اسبقه واذا سامها ماقال لراعيها سيمت بكذا لكن راح للثاني وقال سمعت ان فلان سام الناقه بكذا واسبقه اذا لك خاطرفيها قبل ياخذها وهكذا حتى يوقف زودهم وبعدين اذا شاف مافيه مجال انه يرفع القيمه يروح لراعيها ويقول الناقه وصلتها الى كذا وهذا اللي قدرت اوصلها له ولكن شوري عليك تيبع تراها جابت قيمه وهو يعرف اللي في خطر التجار ويعرف من اللي بينهم تنافس ويستغل هذا التنافس لمصلحته اولا

الاخوان/ عبدالرحمن وراشد.....
الله لا يهينكم ومشكورين على التوضيح واثراء الموضوع

السلام عليكم
أشكر كل من شارك ووضح
والأخوان ماقصروا
ولكن يبدوا لي أن فلان المليونير من أسباب أرتفاع أسعار أبله هو ساس البل
يعني أن ساسها معروف ، وأبوها الفحل فلان الي مسيوم بكذا كذا
وشكرًا

المشاركة الأصلية كتبت بواسطة راشد العرق

السلام عليكم
انا اللي اعلمكم ماهو السبب الحقيقي لتفاوت السعر بين ناقتين بنفس المواصفات لان احدهما لغني والاخرى لمواطن عادي

اولا الغني يشتغلون له السماسره ليل نهار ويسوون دعايه ويستفيدون من وراه حق اتعابهم ويشرههم

والعادي لايعطيهم ولا يشرط لهم ولايستفيدون منه والناس الحين اهم شي عندهم المصلحه وبعضهم يحسب كم يستفيد من مدح السلعه وعلى الفايده تكون الدعايه

لو الشخص العادي يقول لاكثر من سمسار من السماسره المشهورين لك 10 او 20 في الميه اذا بعت الناقه عن طريقك لشفت العجب وكان رفع سعرها بطريقته من ال 40 الف الى 300او 400 الف لكي تزيد نسبته منها وهذولا ماهمهم لا البايع ولا الشاري ماهمهم الا انفسهم

ومن ناحيه ثانيه الغني ماهو اي شي يقنعه في مقابل انه يبيع ناقته الغاليه
اما العادي فهم يقولون انه بينجبر انه يبيع برخص لحاجته فما فيه داعي ان نرفع السعر

وانا اخبر ناقه كانت محدوده على شخص وهي حواره مع امها ب 100 الف ولا شراها وجا شخص بعده وشراها بروحها اي الحواره ب 100 الف وبعدين اشتراها الاول ب 400 الف ووصلت عنده في نفس الوقت ب 1200000 مليون وميتين لانه مليونير

رد أخوي راشد العرق من دون قصور بالباقين هو الرد الشافي من واقع خبره

وراعي الاسم (المليونير) يلعب دور برفع سعر الناقه او الفحل

مثال لو الفحل تمام عند أخوكم تركي القريني والفحل كامل والكمال وجه الله سبحانه وأنتاجه طيب هل راح يسام 11 مليون أكيد لا بس عند هيف غير

الاخ خالد المضياني/شكرا للمشاركة والرأي , ولا اظن ان الموضوع موضوع اصل البل او ساسها لأن البكرة اللي عند فلان من المشهورين وتسام بذيك القيمة مهيب ساوية ربع ولا حتى عشر القيمة لو انها عند فهد بن شديد والاعند خالد المضياني من غير قصور فيك....
الاخ تركي القريني نعم الاخوين عبدالرحمن وراشد عطونا الزبدة وباقي الاخوان ماقصروا الله يعطيك ويعطيهم العافية
ملاحظة... فيه موضوع مشابه عن اسعار الابل في منتدى مكشات فيه ردود لبعض الاخوان هناك منطقية ومقنعة جدا

المشاركة الأصلية كتبت بواسطة فهد بن عبداللطيف بن شديًد

الاخ خالد المضياني/شكرا للمشاركة والرأي , ولا اظن ان الموضوع موضوع اصل البل او ساسها لأن البكرة اللي عند فلان من المشهورين وتسام بذيك القيمة مهيب ساوية ربع ولا حتى عشر القيمة لو انها عند فهد بن شديد والاعند خالد المضياني من غير قصور فيك....
الاخ تركي القريني نعم الاخوين عبدالرحمن وراشد عطونا الزبدة وباقي الاخوان ماقصروا الله يعطيك ويعطيهم العافية
ملاحظة... فيه موضوع مشابه عن اسعار الابل في منتدى مكشات فيه ردود لبعض الاخوان هناك منطقية ومقنعة جدا

هلا بك يافهد
وأنت أدرى مني
والله يرزقنا مثل مارزقهم
والبيع والشراء شيء بالذمة
وشكرًا

الدعاية والإعلان وما يفعله السماسره من الضحك على بعض الناس في سبيل كسب المال
سواءً بطريقه شرعيه أو غير شرعية المهم
الحصول على المال.
وبأي طريقه.


عموماً أذكر لكم قصة حصلت يحكيها أبن عم لي.
يقول كنا نجلس في مجلس عند أحد ملاك الأبل المعروفين واللي يخافون الله
نحسبه كذلك والله حسيبه.

دخل علينا رجل يعرف صاحبنا مالك الأبل
وبعد قليل أخرج الرجل صوره من جواله وسأل صاحبنا عن رأيه في صورة الفحل
وأن أحد السماسره أخبره بأنه يستطيع أن يخلص له الفحل بـ 140 الف ريال.

العجيب أن صاحبنا ضحك
ورما علينا الجوال وقال شوفوا صورة الفحل وقيموه
كل من أستلم الجوال وشاف الصورة ضحك ورماه على الثاني لين صار المجلس يعج بالضحك.

تدرون ليه عج المكان بالضحك وراعي الجوال أنحرج ولا عرف وش اللي صاير

الحمد لله الحمد لله الحمد لله
أن صاحبنا يخاف الله

الصورة اللي بالجوال
كانت صورة فحل صاحبنا
والفحل قده هرش
وعليه سوم مبطي بحدود الـ 70
البعير ما شاء الله منتج وطيب
وصاحبنا ماله نيه يبيع ولا فكر يبيع
ولا طرى له يبيع
شوفوا شلون بعض السماسره يضحكون على الناس
لا حول ولا قوة الا بالله.


عموماً صاحبنا أحضر السمسار أمام الجميع
وأعطاه درس في المراجل وأدبه تأديب .. جزاه وأقل من جزاه اللي ما يخاف الله.