هل مؤشر اسعار الابل في طلوع ام نزول...!!؟؟

هل مؤشر اسعار الابل في طلوع ام نزول...!!؟؟

السلام عليكم ورحمة الله وبركاته

كيف حالكم كلن باسمه

اخواني الاعزاء اعضاء ومشرفيين وزوار منتديات مزاين

ارجو ان لايكون موضوعي من العيار الثقيل على الانفس

هل اسعار الابل واثمانها بدأت فالانحدار بعد رفع قيمة الاعلاف ؟ ام هي فترة مؤقته ..!!

ماطار طير وارتفع الا كما طار وقع.....كانت الابل تباع 2000 ريال حتى وصلت الى مليون فما فوق...هل بدا العد التنازلي في نزول الاسعار مثل المعدات الثقيله والعقار

اسعار الابل في النعيريه والاحساء والجنادريه الى حد ما اقل من العام بكثير...!

هل الاوضاع المعيشيه اللتي زادت فالصعود كان تاثيرها عكسي على اسعار الابل...؟

ام قلة المزاينات في الاونه الاخيرة هي اللتي كان لها تاثير على اسعار الابل ونزولها؟


اتمنى من له درايه بالاوضاع الحاليه ان يفيدنا .......

اتمنى ان موضوعي هو مجرد شعوري الخاص وليس له علاقه بالابل واسعارها

الموضوع الأصلي: هل مؤشر اسعار الابل في طلوع ام نزول...!!؟؟ || الكاتب: أحمد بن عوض المطيري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ig lcav hsuhv hghfg td 'g,u hl k.,g>>>!!??

اخوي عوض حياك الله من ناحية نزول اسعار الابل الي تشوف هذي ابل القصب وابل الحليب الي ماهي مزاين لاكن الزين عادة غالي وابشرك في زيادة

المشاركة الأصلية كتبت بواسطة خالد العرجاني

اخوي عوض حياك الله من ناحية نزول اسعار الابل الي تشوف هذي ابل القصب وابل الحليب الي ماهي مزاين لاكن الزين عادة غالي وابشرك في زيادة

الله يبشرك بالخير ياخالد العرجاني

وان شاء الله ان كلامك هو الصحيح يالغالي

شاكر لك مداخلتك الرائعه وان شاء الله باقي الاخوة يحملون نفس التفائل فالمستقبل

اخوك ابوخالد

ابوخالد

الردوس 200 ريال

البرسيم وصل 27 ريال

الشعير تجاوز ال 50 ريال

الوافي في الخمسين

من يقدر يجود البل ؟؟

ابل المزاين كما ذكر الاخ خالد مازالت غاليه خاصه الابل الرئيسيه كما يقال اما غيرها فبالنسبه لذوي الدخل المحدود فهم ماعاد يعالجون حلالهم انشافوها حالت لو سنه وحده باعوها وانشافوها ضلعت باعوها يعني بالعربي يدورون اللي عليها عذر علشان يعشون بها اماتها(وجهة نظر)
وشكرآ.

الاخ عوض المعلومه الي تقول ان الابل كانت ب2000 ووصلت الى مليون غير صحيحه
القصب معروف سعره ولا تغير ولاكن الزين معروف من زمان واسعاره من 50000 وما فوق وهذي معلومه من اواخر 1980
ميلادي
ولاكن المعروف ان اذا ارتفع التكلفه ارتفع السعر ولاكن اخوانا ما يعرفون هذا الكلام وهذا الحق
مثلا الناقه الي كانت تسوا 20000 يوم البرسيم ب8 الان من المفروض تسوى 50000 ولا كن اذا ما تم الان راح يكون بعدين
والاسعار هذي مرت علينا من قبل ولاضر اهل الابل فكوها همل لين نزلت الاسعار

(والاسعار هذي مرت علينا من قبل ولاضر اهل الابل فكوها همل لين نزلت الاسعار)

الاخ فيصل اللي بيفك ابله في السنين هذي بتهلك لان الاراضي مابقا فيها شجر يضم الحلال حتى الربيع شهرين وعقبه ينتهي العشب ونرجع للعلف ثاني مره.

الله يعين الجميع على غلاء الاعلاف

يا عوض

ماحد يبي يشري بل الحين واللي يبي يبيع ما يقدر


قبل الرجال يشريله ناقتين فالسنة ولا ثلاث

الحين الحشو نذبهم صغار نبي ننفك منهم

وان جانا احد يبي يشري ما نرده

والسبب الاعلاااف غالية وما تنحمل

وجزاك الله خير يالمطيري

المشاركة الأصلية كتبت بواسطة عساف السبيعي

ابوخالد

الردوس 200 ريال

البرسيم وصل 27 ريال

الشعير تجاوز ال 50 ريال

الوافي في الخمسين

من يقدر يجود البل ؟؟

يامرحبا ياعساف السبيعي

فعلا بعد هالاسعار المرتفعه من يقدر يجود الابل...!!

مشكور يالسبيعي على المداخله الرائعه....وقرائتك للموضوع من الجانب الاقتصادي بااسعار حقيقيه وعاليه
وجهة نظرك في محلها


تقبل تحية اخوك ابوخالد

الزين غالبا ما يقنيه الا تجار لذا لم يتأثر سعره

اما المقاني فنزل سعرها بسبب ارتفاع الاعلاف

لكن اعتبر هذا النزول عباره عن موجة جني ارباح

وسيشهد السوق موجة تصحيح باالارتفاع خلال الاسبوعين القادمة بإذن الله

والسبب ان العشب بيظهر ولا حاجة للاعلاف الباهضة

الاخ عوض

اللي وصلو الابل الى الملايين هم اصحاب الملايين وميزانيات ابلهم بالملايين وعسى الله يبارك لهم ولا يغير عليهم
ولاهمهم غلاء الاعلاف ولا هو مؤثر عليهم ولانهم خيرهم واجد ويحبون البل ويوفرون كل ماتحتاجه عشان يشوفونها بخير وعافيه

وغلاء الاعلاف ماراح يؤثر الا على البل العاديه جدا و القصب لانها بتكثر في الاسواق واهلها بياعه والشريطيه هذي فرصتهم يعرفون البياع المستعجل من المتصرف

اسال الله ان يغيث البلاد والعباد ويعم الخير البلاد ويطهره من الفساد واهل الفساد والاحقاد

المشاركة الأصلية كتبت بواسطة علي ال مرعي

ابل المزاين كما ذكر الاخ خالد مازالت غاليه خاصه الابل الرئيسيه كما يقال اما غيرها فبالنسبه لذوي الدخل المحدود فهم ماعاد يعالجون حلالهم انشافوها حالت لو سنه وحده باعوها وانشافوها ضلعت باعوها يعني بالعربي يدورون اللي عليها عذر علشان يعشون بها اماتها(وجهة نظر)
وشكرآ.

تسلم يابوعبدالله على وجهة نظرك ....وعلى قول المثل بعنا الكحيله في عشاء ليله

وابرك الحلال اللي يسد الحال....مايبيع الا محتاج سواء حالت ولا ضلعت ولا حتى خيرة البل

اشكرك على وجهة نظرك اللي في محلها

اخوك ابوخالد

المشاركة الأصلية كتبت بواسطة فيصل بن مرخان

الاخ عوض المعلومه الي تقول ان الابل كانت ب2000 ووصلت الى مليون غير صحيحه
القصب معروف سعره ولا تغير ولاكن الزين معروف من زمان واسعاره من 50000 وما فوق وهذي معلومه من اواخر 1980
ميلادي

سلامتك يابن مرخان انا وقفت على ابل صفر من خيرة الابل سنة1994 وراحت 3500 وبعد سنوات قليله يوم اشتعلت المزاينات بين ابناء القبائل وقام سوقها
الابل الصفر راحت بمئات الالوف بل بالملايين وهي نفس الابل
وانا اقول كلامي للمثال لاللحصر ومعلومتي اللي انا نقلتها متاكد منها ولم اطلب منك تصحيحها او تاكيدها وانا اخوك

المشاركة الأصلية كتبت بواسطة فيصل بن مرخان

ولاكن المعروف ان اذا ارتفع التكلفه ارتفع السعر ولاكن اخوانا ما يعرفون هذا الكلام وهذا الحق
مثلا الناقه الي كانت تسوا 20000 يوم البرسيم ب8 الان من المفروض تسوى 50000 ولا كن اذا ما تم الان راح يكون بعدين
والاسعار هذي مرت علينا من قبل ولاضر اهل الابل فكوها همل لين نزلت الاسعار

وجهة نظرك صحيحه وهذا المفروض يصير


اخوك ابوخالد

المشاركة الأصلية كتبت بواسطة بدر العازمي

الله يعين الجميع على غلاء الاعلاف

يامرحبا يابدر العازمي

واسال الله سبحانه ان يعين الجميع

شكرا يالغالي على مرورك الطيب