مطلوبين للرأي

مطلوبين للرأي

السلام عليكم ورحمة الله وبركاته
اتقدم بالشكر الجزيل لمنتديات مزاين والقائمين عليها .. وعسى الله يوفق الجميع

شريت لي مجموعة ابل ومن ضمنها حواره عفراء مالها أم .. واضن عمرها لم يتجاوز 6 شهور
لأنها ماطيّرت وبرتها << إن كان عندي علم
على العموم البكره فيها العلل السبع وحالها ضعيف
خشام .. قرع .. حراره .. سهال .. والشكوى لله وهي الحين معزوله لحالها في حوش بعيد عن البل
مير ودي برايكم في راس البكره
والا باقي عمرها زين وماعليه
يالربع اقضبها والا اتناوش بها اقرب سوق ؟
اتمنى منكم ابداء وجهة نظركم .. وعسى الله يجمّل حالكم
والشي الثاني هل العلل الموجوده في البكره تغيّر من ملامحها ويشين وجهها ؟

الموضوع الأصلي: مطلوبين للرأي || الكاتب: حوران العتيبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

l'g,fdk ggvHd

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

المشاركة الأصلية كتبت بواسطة طلال الروقي

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

هلابك يابن روق
وبيّض الله وجهك يالأمير
لكن ماظن إن أم البكره مجهم لأن لونها صافي وذيلها قصير مره
أنا معك في أن إذنها كنها إذن جنوبيه بس يمكن إن إستصحّت البكره وزان حالها تتغير بعض ملامحها

لاهنت ياطويل العمر

المشاركة الأصلية كتبت بواسطة فهد العضياني

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

أرحب يالعضياني
وبيّض الله وجهك يالأمير

لاهنت وعساك سالم وغانم

المشاركة الأصلية كتبت بواسطة مشعل البرقاوي

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

هلا اخوي مشعل
وبيّض الله وجهك يالأمير
كفيت ووفيت وجمّل الله حالك

لكن ابنشدك عن شي
الحواره ماطيّرت وبرتها للحين
على كم تطير وبرة الحوار ... ؟

لاهنت والله يعطيك العافيه

المشاركة الأصلية كتبت بواسطة جمل القحطاني

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها

هلا بولد الشايب
يامرحبا يالامير ولاهنت وبيّض الله وجهك

المشاركة الأصلية كتبت بواسطة فهد بن عطاالله المطيري

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

هلا بك اخوي فهد
وبيّض الله وجهك وجمّل الله حالك .. ولاهنت
تقول ان عينها نابيه اذا تقصد انها بارزه فالأمر ذا يرجع الى حالة البكره الصحيه لأنها رديه ولاعليها لحم
بس يمكن ان سمنت تتغير بعض ملامحها

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

المشاركة الأصلية كتبت بواسطة فواز ال مفرح

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

لاهنت وبيّض الله وجهك يابن مفرح
وعسى الله يجمّل حالك

المشاركة الأصلية كتبت بواسطة فيصل القريني

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

بيّض الله وجهك يالقريني
وعسى الله يبارك لنا ولك وللجميع في مارزقنا

لاهنت