(( نبـــارك لــ ابو سلطــــــــان )) ...

(( نبـــارك لــ ابو سلطــــــــان )) ...

قصيده دافعها المحبـه والتقدير والوفاء .. لرجلً له مواقفٌ مشرّفـه .. وسمعةً طيبه .. وهو صاحب النُبل والأخـلاق والعلم الغانـم ,
الشيخ : بطي بن سلطـان المرزوقـــي البقمـي , عضو مجلس إدارة هذا الموقـع وأحد ركائزه الاساسيـه .. وأحد أهم الداعمين الوفيّين لهذا الموقـع ,,
تهيضـت بهذه القصيده عندما سمعت خبر شرائـه لـ 26 متـن من أبل ( ابناء مبلش المرزوقي رحمه الله ) .. قبل ايام , ويعلم الله أني فرحت له من قلبي واستانسـت ,
ونبارك له من خلال هالمنبر ..ونقول الله يبـارك لك في ( منومســات ) . ويعلم الله أن اللي فالصدر لهذا الانسان اكبر من الكلام والتعبير ,
ونعتذر عن القصور ,
..

نسـوق القصايد بالتهاني لبو سلطان = بعد ماشرى وضحً تنومس هقاويها ,
نبارك لبو سلطان في نقوة الذيدان = عسى الخافض الرافع من الناس ينجيها ,
شرى ( مبلشات الوضح ) ماحسّب الاثمان = نديرات وصفً فالجزيره طواريها ,
وساس الفحول اللي تماريبها البدوان = من المبلشات اللي يصيب الرجاء فيها ,
عراض الخدود اللي يشادنّ للامزان = طوال الرقاب اللي يخيب امتحدّيها ,
وساع النحور نحورها كنها البيبان = زيان المهادل طافحاتً لواحيها ,
ليا ناحرت من زينها تذكر الرحمن = ولا اقفت بممشاها تسرّ متقفّيها ,
شراها وسيع المعرفه / مقدم الشجعان = يتل الغوالي تلّ من عند قانيها ,
شجيعً ليا حان اللقا رجّح الميزان = له افعولً أوّلها يفاخر بماضيها ,
( بطي ) صادق الوقفات راع الوفاء لاهان = له امجاد طيبً شوّقتني مباديها ,
سلايل مقاديم السرب / خيرة الفرسان = رجالً بحزات القسا من يناحيها ؟!
هل البل بحزّات المناويخ . والاكوان = حموها من الغارات . واخذوا غواليها ,
والاحمر ثمنها لا احتمى العج والدخان = ليا ثارت الهيجاء وكثرة عزاويها ,
حموها بحدبً ساطيه تفصل الامتان = عن الروس . يوم الناس تكثر مغازيها ,
وذا الحين حنا فامن وآمان واطمئنان = وراع العوايد عادته مايخلّيها ,
يسوق الثمن من شانها جعل شانه شان = عسى هقوته بالطيب / تحمد مساعيها ,
هن منومسات . ان طبّن العزل والميدان = وهن مونّسات الخطّر اللي تراعيها ,
هن المرجله لاضاق وجه الزمان وشان = وهي الخير فيها جعل تسقى مرابيها ,
عسى الوسم لاصدّق سحابه وجوّه زان = يعل الفياض وجارح السيل يرويها ,
عساها بغيثً مدلهم . صادقً . ودّان = يعمّ الديار ويبهج صدور أهاليها ,
يسوقه كريمً . خالقً . رازقً . منّان = على شان خطّرها تزين بمفاليها ,
وانا شاعرً ما آتوه في زحمة القيفان = اسوق الجزال . وكلمة الحق أبدّيها ,

مشعل الشـويش ,,

الموضوع الأصلي: (( نبـــارك لــ ابو سلطــــــــان )) ... || الكاتب: مشعل الشويش || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

(( kfJJJhv; gJJ hf, sg'JJJJJJJJhk )) >>>

صح لسااااااانك يابو ذعاااااار مدد بلا عدد
وابو سلطان يستااهل
الله يبارك له فيما شرى

صح السانك وعلى شانك

قصيدة جزله من راسً جزل

قيلت فيماً يستحق الله يبارك له فيما شراء

لاتحرمنا من جديدك يالشويش لاعدمناك

صح لسانك يا يابو ذعار
عز الله انها قصيدة جزله من وافي وجزل
والله يبارك لبو سلطان ويستاهل كل علم طيب
تحياتي لك اخوي مشعل

اشهد بالله انك كفو يابوذعار وعزالله مايمدح الطيبين غير الطيبين شعرك ذهب في رجالن يستاهله مثل ابوسلطان
وابوسلطان علم من اعلام البقوم وطيبه ينومس الجميع
وعسالله يخليله عياله ويرحم شيبانه
ولك كل الاحترام يابوذعار

ايه يارجال عطنا من بحرك يابو ذعاار
صح لسانك من نجد للحجاز
ويعطيك العافيه على هالدرر ويستاهل من كتبت له

صـــح لـــســاااااانـــك مــلايين

قصيدة جــزلــه في رجــالً يــســتــااااااهل

الله يبارك لـ ابوسلطان فـ مـنـومـسـات وعقبال ام رقيبه ان شاء الله

صح لسانك

صح لسااااااانك يابو ذعاااااار مدد بلا عدد
وابو سلطان يستااهل
الله يبارك له فيما شراء

صح لسانك ولاهنت

صح لسانك يابوذعار
قصيدة جزله وابوسلطان يستاهل
لاهنت على النقل

صح لسانك يابو ذعار

جزل وقصيده جزله

ويستاهل ابوسلطان العلم الغانم

ويعطيك العافيه ياكحيلان

لاهنت

صح لساااانك يامشعل وبيض الله وجهك
والله يبارك لبطي المرزوقي في حلاله وماله

صح لــســانــكـ

وبـيــــض الله وجــهــكـ

صح السانك يامشعل وبيض الله وجهك

وبطي بن سلطان يستاهل والله يبارك له في حلاله وماله