قصيده روعه جدااا

قصيده روعه جدااا

اهداء للجميع قصيده رائعه جدااا

. البرق لعيون المولع مناديب

والبيد لأقدام الخلاوي ركايب .

. وأرواحنا لهموم بقعا معازيب

ومعزب الأرواح قبر ونصايب .

. سبحان من يخفي عن العالم الغيب

وخلى الوعد مع نازع الروح غايب .

. كل(ن)يسوق الرجل ويروح ويجيب

أحد(ن) يجيب بسلم وأحد(ن) نهايب .

. أحد(ن) يجيب الفود والعز والطيب

وأحد(ن) يذله كل ماكان جايب .

. ومن لاستر وجهه عن الذل والعيب

ماعاد يلقى لذل وجهه طبايب .

. ومن لاحمى وجهه قبل طلعة الشيب

محد(ن) يعوضه وجه لاصار شايب .

. ولاصار ذكرك فوق روس المراقيب

خلك على دربك ترى الدرب صايب .

. تصير في عيون النشاما كما الذيب

وفي عيون عدوانك عطيب الضرايب .

. موت الفتى بالمرهفات المحاديب

أخير من حي(ن) مع الناس خايب .

. موت(ن) تباكى له عيون الأجانيب

ولاعيشة(ن) تدعي عليها القرايب .

. وإللي نفوسه ماتروم المواجيب

وإللي يدينه ماتسد النوايب .

. عذر الردي ماكل من يجهد مصيب

عود الحماطه كاسرته الهبايب .

. مايخلف الهقوة طوال الأشانيب

صحيح من قال المراجل وهايب .

. يربى على الشاهوق عكف المخاليب

والا الوطى يرباه بوم الخرايب .

. من راقب العالم يشوف التعاجيب

ومن طاول الدنيا يشوف الغرايب .

. غير النبي محد(ن) بليا عذاريب

وكل(ن) على الثاني سيوله جذايب .

. ماكامل إلا وجه جزل التواهيب

ولا رابح إلا إللي من الذنب تايب .

. كل(ن) ذنوبه تغرق الكم والجيب

وكل(ن) عليه من الليالي مصايب .

. ليه الحسد والغل والشك والريب

وليه القطيعه وإندلاع الحرايب .

. يولد الأحقاد شذب العراقيب

والحقد سم(ن) في المعاليق ذايب .

. شرارة(ن) من ملحقين المشاهيب

من ناشته خلت ضلوعه حطايب .

. يومون بالأمواس مثل القصاصيب

ذنب(ن) يوقف منه قطر السحايب .

. لعل من يفرح بشيل المشاعيبب

ويصير في فرقا الرفاقه سبايب .

. تقطع عراويه من الرزق والصيب

ويموت ماتنظر عيونه حبايب .

. وتصفى النفوس ويركدن المشاريب

لابه ذنب عقرب ولابه نشايب .

. هذا بعض ماعلمتنا التجاريب

إللي من الأيام جتني جلايب .

. لاكامل إلا وجه من يعلم الغيب

ولارابح إلا إللي عن الذنب تايب .

الموضوع الأصلي: قصيده روعه جدااا || الكاتب: مناحي بن فيصل بن غضيان السبيعي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

rwd]i v,ui []hhh

صح لسانك

صح بدنك

صح لسان الشاعر

الله .. الله

صح لسان الشاعر

بيـض الله وجهـك يا منااحي على الاختيار الممـيز

سلمت يدك

ابــداااااع

صح لسان الشاعر/خالد بن مدعث الدوسري على الجزله

ولاهنت يابوفيصل الاختيار الموفق

ومشكووورر

الله لايهينكم جميعا
وشاكر مروركم

صح لسان الشاعر

صح لسانه

ولاهنت على النقل