هل اول موسم انتاج لفحل مثل بقية المواسم

هل اول موسم انتاج لفحل مثل بقية المواسم

السلام عليكم ورحمة الله

باختصار هل يااخوان صحيح ان اول انتاج للفحل من اول ضراب له في اول موسم يضرب فيه افضل من انتاجه للمواسم الباقيه او العكس او ان انتاج الفحل لا يتغير سواء كانت اول مو سم او بقية السنوات التي يليها ولكم تحياتي

الموضوع الأصلي: هل اول موسم انتاج لفحل مثل بقية المواسم || الكاتب: فهد البلوي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ig h,g l,sl hkjh[ gtpg leg frdm hgl,hsl

وعليكم السلام ورحمة الله وبركاتةة
اخوي فهد يتغير انتاج الفحل بعض الفحول تنتج من اول بطنة وبعض الفحول من البطنةة الثانية
واكثر الفحول ماتحكم عليها الا بعد بطنتةة الثانية حسب معرفتي
وانشاءالله بيفيدونك الاعضاء الي اكثر معرفةة مني

المعروف عند هل الابل ان اول برق البعير يجي مو هاك الزود ولايحرصون عليه ولاعلى البعير في اول هداده والبعير مايعمر الابل الاعقب ثالث برق او رابع
هذي وجهت نضري

نرجو المشاركه وكتابة خبرتكم

المشاركة الأصلية كتبت بواسطة ثامر فايز

المعروف عند هل الابل ان اول برق البعير يجي مو هاك الزود ولايحرصون عليه ولاعلى البعير في اول هداده والبعير مايعمر الابل الاعقب ثالث برق او رابع
هذي وجهت نضري

كلام الاخ ثامر هو الصحيح

المشاركة الأصلية كتبت بواسطة عبدالرحمن العقيلي

وعليكم السلام ورحمة الله وبركاتةة
اخوي فهد يتغير انتاج الفحل بعض الفحول تنتج من اول بطنة وبعض الفحول من البطنةة الثانية
واكثر الفحول ماتحكم عليها الا بعد بطنتةة الثانية حسب معرفتي
وانشاءالله بيفيدونك الاعضاء الي اكثر معرفةة مني

السلام عليكم ورحمة الله وبركاته
اتفق مع الأخ عبدالرحمن

اول برقين ان الله عطى منها زين فزين على زين

اما البرق الثالث اما ذب الريع وانتج والا بقى على ماهو عليه الا خاطي طرح يجي ويغب هذي معرفتي والرجال عرفها عندها ونستفيد منها

الانتاج يختلف بعض ازمول قعدانه طيبه و بكاره عاديه و بعضها ما ينتج الا على اناقه اطيبه و بعضها ياخذ اسنين طويله و هو انتاجه كل سنه شكل

البدو يقولون ان انتاج البعير يزين بعد البرق الاول
وعلم الوراثه يقول لافرق... الجينات لن تتغير
تقبل تحياتي ..

ماهوب كلها فيه بعارين عند الربع قد انتجت اول انتاجها فاخر جدا واللي عقبه ادون شوي وبقى على المستوى ذا

وبعض البعارين ينتج في الذود الكامله بكره كايفه والاغلب اتلطم وانت تقول للقصاب تعال

العلم الاكيد الحظ وذكر في القرآن (وانك لذو حظ عظيم )
وافلح عن كثر التفاكير الحظ الطيب هو المطلب

الاخوه الاعزاء تقبل الله منا ومنكم صالح الاعمال (بنسبه لوجهه نضري انا الفحول تختلف في الانتاج وعلى حسب الامهات ا.لجولات الاولى تختلف عن الثانيه والثالثه في طيب الانتاج
يعني مع تقدم عمر الفحل يبدء في طيب الانتاج )(ملاحضه الدعوه ارزاق واحد من الاخوان باع على فحله بكره بقيمه قويه وبعد سنتين جته بكره من نفس الام ونفس الفحل وشكلها قصب

اللي اشوفه انا البطنه الاولى لايتم الحكم فيها لا ن البكر من البل يقولون مايفحل ولدها لانها بكر وكذالك الفحل اول انتاجه لايحكم عليه بتاتا في البطنه الثانيه يتم الحكم يامنتج يااقرب دنا والحظ له دور كبير

السلام عليكم ورحمة الله وبركاته.................

اجابة لسؤال الاخ فهد البلوي. فان الحكم على انتاج البعير ليس من أول بطنه أو (برق) ..ولكن لايتأثر انتاج البعير بكبر سنه...

والحظ له دور .....والناقه أصلها له دور كبير حتى لوشكلها ماهو الاقصى.....وتحياتي للجميع.

السلام عليكم ورحمة الله وبركاته........

اجابة لسؤال الخ فهد البلوي. فان انتاج البعير لايحكم عليه من اول بطنه (برق)....وليس لكبر سن البعير علاقه في ضعف الانتاج اوطيبه..

ولكن الحظ له دور .....والناقه وأصلها الطيب حتى لو شكلها ماهو الأقصى له دور كبيييييييير....

وتقبلوا تحياتي.....والله يرزقكم بالانتاج الطيب.