الناقة ما لقحت نهائي

الناقة ما لقحت نهائي

السلام عليكم ورحمة الله وبركاته مساكم/صبحكم الله بالخير ياالربع عندي ناقة من العام اظربها وما لقحت ويوم جاء نص وقت الهداد ما لقحت جبت لها دكتور بيطري مظبوط وفتشها ونظف رحمها واظربتها عقب التنظيف عدة مرات واخر اضراب لها العام عطيتها ابرة تثبيت اللقاح عقب ما اظربها البعير ومافادت معها الابرة.
اما السنة ذي اظربتها في اول الهداد مرة وما لقحت وجبت لها الدكتور البيطري ونظفها مرتين واظربتها عدة مرات والى الحين ما لقحت حتى مابين عليها علامات العشار.

* ملحوظة: الناقة العام عشرا يعني بنتها سنها حقة ذا الزمان.

# نطلب من اخواني الاعضاء وزوار منتدى مزاين من يكون لديه تجارب او خبرات او قد مرت عليه مثل هذه الحالة ان يشاركنا في الموضوع، ويقول الرسول - صلى الله عليه وسلم - (( من فرج على اخيه المسلم كربة فرج الله عليه كربة من كرب يوم القيامة ))، ونرجو من الله سبحانه وتعالى بأن يلقحها ويرزقنا عليها بالبكرة الفردية.

الموضوع الأصلي: الناقة ما لقحت نهائي || الكاتب: عبدالرحمن المري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgkhrm lh grpj kihzd

مسيك بالخير

والله يطعمك من الناقه انتاجن يسرك

والله وانا اخوك تاكد ان كان الدكتور مضبوط والا جب غيره يمكن يده مهيب مبروكه

وغير كذا غير البعير شف بعيرن غيره يمكن الله ماقسم لها عشار منه خيرتن لك

ودقها ابرة جسره وقطع صيدها لان الناقه لاضربت ولا عشرت ينبت الصيد من جديد فحاول تفتش

وقطع عقب مايقوم منها البعير

والله يرزقنا واياك ومن يقرى

الله يبارك لك فيها
اذكر شايب يقول لواحد اتعب النافه بالجري كم كيلو واعرضها للفحل مباشره .... جرب ونسأل الله ان يرزقك منها

تجربة مع الحيل انا اشريها والحمد لله تلقح لكن اهم شي الرحم لا يكون فيه شي اما الباقي والحمد لله مقدور عليه بإذن الله

تجربة
خل الناقة في شبك لحال ولا تعلف ابد لمدة يومين
بعدها عطها نصف حزمة برسيم فقط مع الماء
لا تخاف الناقة ما راح يصير له شي
لمدة عشرين يوم فقط بعدها اضرب الناقة ابرة تنشيط المبايض وبعد يومين .
اطرد الناقة طرد لمس عراقيب الناقة الصدام من الطرد خلها تفحم ثم على جوع الصبح بدري قنعها الفحل بإذن الله تلقح
هذه تجربة ونترك للزملاء المجال

المشاركة الأصلية كتبت بواسطة خالد بن عصاي

تجربة مع الحيل انا اشريها والحمد لله تلقح لكن اهم شي الرحم لا يكون فيه شي اما الباقي والحمد لله مقدور عليه بإذن الله

تجربة
خل الناقة في شبك لحال ولا تعلف ابد لمدة يومين
بعدها عطها نصف حزمة برسيم فقط مع الماء
لا تخاف الناقة ما راح يصير له شي
لمدة عشرين يوم فقط بعدها اضرب الناقة ابرة تنشيط المبايض وبعد يومين .
اطرد الناقة طرد لمس عراقيب الناقة الصدام من الطرد خلها تفحم ثم على جوع الصبح بدري قنعها الفحل بإذن الله تلقح
هذه تجربة ونترك للزملاء المجال

اأخوي خالد وضح اكثر الله يعطيك العافية
وش نوع الأبرة ووقت الطرد السيارة في نفس وقت الضراب ولا ثاني يوم
فصل اكثر الله لا يحرمك الأجر

عطها إبرة استروميت وإبرة أستراديول

وبعد يومين أضربها وأثناء الاضراب عطها ابرة التثبيت

وإنتظر وكرر بعده إذا ما عشرت ولا تعطيها المرة الثانية إلا ابرة التثبيت

أحرص على نوعية العلف برسيم وشعير أو مكعب وإضافة فيتامينات وأهما فيتامين هـ - سيلينيوم


وعسى الله يبارك لك ويمنحك منها