حيا الناقه ينثر دم ؟

حيا الناقه ينثر دم ؟

السلام عليكم ورحمة الله وبركاته

كيف حالكم ياالربع طيبين

وعلى البركه الخيرات والامطار وفك الدهناء

عندي ناقة والد السبت الماضي وابشرك ما تعسر ولادها
وامورها زينه واسلت في يوم ولادها
ما لكم في الطويله امس واليوم حياها نازل منه دم ولاهوب حمر ولا اسود
اتصلت على البيطري وقالي ان ماوقف ابره فيتامين ك وعطها الان بنسلين
وانا ما ودي بالابر وودي اعطيها تمر ورشاد
رايكم

الموضوع الأصلي: حيا الناقه ينثر دم ؟ || الكاتب: عبدالعزيز البريدي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

pdh hgkhri dkev ]l ?

اذا كان الدم واجد فهذ " سفاح" وعلاجه فيتامين K مع تقليل الماء على الناقة

اذا الناقه طيبه واكلها طيب ومرضعه حوارها

اتركها لا تعطيها شي

مرحبا يابو سعود والرحم بامر الله ينظف نفسه بعد الولاده مباشرة وبعضهن من فترة لفترة يخرج منها دم وبعضها مثل قطع الكبد وناقتك مالها الا اسبوع يعني توها في المرحله الاولى وهذا الامر عادي دام شوعها زين ولا لحظت عليه شئ واذا كان الدم ينزف بستمرار فلابد من الدكتور المشهود له في منطقتكم عسى الله يبارك لك في حلالك.

عطها ابرة حديد(ايرون)
معوضة الدم المفقود

المشاركة الأصلية كتبت بواسطة مبارك المري

اذا كان الدم واجد فهذ " سفاح" وعلاجه فيتامين K مع تقليل الماء على الناقة

امس يوم جيتها شفته في حياها ودرت على الشبك وعينته مهوب ناشف تقول يملى البياله
ولاهنت يا مبارك على الرد

المشاركة الأصلية كتبت بواسطة وافي مليح بن موطان

اذا الناقه طيبه واكلها طيب ومرضعه حوارها

اتركها لا تعطيها شي

ابشرك طيبه والحمد مرضعه حوارها وعلومها زينه ما عدى هالدم
ولاهنت يا وافي على الرد

المشاركة الأصلية كتبت بواسطة محمد ابو عدوة

مرحبا يابو سعود والرحم بامر الله ينظف نفسه بعد الولاده مباشرة وبعضهن من فترة لفترة يخرج منها دم وبعضها مثل قطع الكبد وناقتك مالها الا اسبوع يعني توها في المرحله الاولى وهذا الامر عادي دام شوعه زين ولا لحظت عليه شئ واذا كان الدم ينزف بستمرار فلابد من الدكتور المشهود له في منطقتكم عسى الله يبارك لك في حلالك.

البقا يا محمد الناقه قبل ثلاث ايام جاها خمول ( مطلعها وغفل عنها الصبي واكلت الخبز وقلت اكيد منها )
واما الدم متقطع امس واليوم من ولادها ولاهنت يا ابن عدوه على الرد

المشاركة الأصلية كتبت بواسطة ساجربن عدوان

عطها ابرة حديد(ايرون)
معوضة الدم المفقود

الدم الي نزل منها مهوب كايد شئ بسيط ومتقطع ولا ودي استعجل
ولاهنتو جميع على الرد وبيض الله وجيهكم على تفاعلكم وجعلكم ما تشوفون شر

وعليكم السلام ورحمة الله وبركاته

ما فهمت قصدك زين
بس اذا كان قصدك الدم مستمر يعني نزيف فمالك غير الله ثم البيطري
اما اذا كان قصدك دم متقطع ويظهر مع البول(اعزكم الله) فهذا شي طبيعي لان الناقة توها والد
بعض البل يظهر على شكل قطع وبعضها تحصله على رجليها وهذا تنظيف للرحم
اي استفسار انا حاضر

المشاركة الأصلية كتبت بواسطة فراج البقمي

وعليكم السلام ورحمة الله وبركاته

ما فهمت قصدك زين
بس اذا كان قصدك الدم مستمر يعني نزيف فمالك غير الله ثم البيطري
اما اذا كان قصدك دم متقطع ويظهر مع البول(اعزكم الله) فهذا شي طبيعي لان الناقة توها والد
بعض البل يظهر على شكل قطع وبعضها تحصله على رجليها وهذا تنظيف للرحم
اي استفسار انا حاضر

الدم متقطع ولاهوب مستمر ابشرك عاد مدري هو مع الوزر والا
وانا موضوعي هل اعطيها البنسلين او شئ من العلاجات او لا لن ما ودي بها
ولاهنت يا ذيبان على الرد

عطهاا بنسلين ولا راح يضرهاا بنفعهاا ترى ،،

بعدين انا متبع نصائح الدكاتره بجامعة الملك فيصل عند ولادة الناقة أعطيهاا بنسلين سواء فيهاا شيء أو لا ،،

والحمد الله ما شفت من النصيحة إلآ كل خيررر ،،

والراي رأيك أخوي عبدالعزيز ،،

ومن ناحية الدم هذا أمر طبيعي لربما نقص فيتامين أو نظافة رحم مؤقت وتزول بإذن الله ،،

والله ما يطير قلب الناقه ولا يخرب طبعها الا الابر لا كنها شر لابد منه احياناً

المشاركة الأصلية كتبت بواسطة بدر النفيعي

عطهاا بنسلين ولا راح يضرهاا بنفعهاا ترى ،،

بعدين انا متبع نصائح الدكاتره بجامعة الملك فيصل عند ولادة الناقة أعطيهاا بنسلين سواء فيهاا شيء أو لا ،،

والحمد الله ما شفت من النصيحة إلآ كل خيررر ،،

والراي رأيك أخوي عبدالعزيز ،،

ومن ناحية الدم هذا أمر طبيعي لربما نقص فيتامين أو نظافة رحم مؤقت وتزول بإذن الله ،،

بنشوف اليوم وش بيصير معها ان نزل منها شئ نعطيها البنسلين والله المعافي
ولاهنت يا بدر

المشاركة الأصلية كتبت بواسطة بندر الراوي

والله ما يطير قلب الناقه ولا يخرب طبعها الا الابر لا كنها شر لابد منه احياناً

هذا الي مخليني اتنحش عن الابر
ومثل ما قلت شر لا بد منها
ولاهنت با بندر على الرد