رأيكم في فحل الذود؟؟؟؟

رأيكم في فحل الذود؟؟؟؟

السلام عليكم ورحمة الله وبركاته
يالمطاليق أنا شريت هذا الفحل من شهر تقريبا لتضريب إبلي بالرغم
إن معظمها مجاهيم غوريه وأبي رأيكم في شكل الفحل؟؟ وفي لونه؟
وراح أعطيكم نبذه عن نسبه وإنتاجه بعد مانشوف ردوكم
الرجاء عدم المجامله أبد لأن الرأي أمانه.......والصور بالمرفق
وتسلمون

الموضوع الأصلي: رأيكم في فحل الذود؟؟؟؟ || الكاتب: مشبب بن حماد القحطاني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

vHd;l td tpg hg`,]????

وعليكم السلام ورحمة الله وبركاته
بنسبه للفحل يابوشباب اقل من عادي والدعوووه ماهي في شكل البعير الدعووه في اصل ابوه واصل امه وانا اقول بي يطرح سوود من المجهم والله يوفقك في انتاجه

انا راعي مغاتير
لاكن اقول ان الفحل ذا عاااااادي مطلع رقبته ماجازت لي وذنه وغيرها الفخل عاااااااااااااااااااااادي
والله يرزقك منه الانتاج الطيب كم فحل ازقم خشمه تقل سكروب واغنى اهل وكم فحل شكله طيب ولافااااد اهله
واذا انت شايف انتاجه فلا تناضر شكل الفحل

الله يبارك لك فيه

جعل ربي يرزقك بأطيب منه ،،

البعير وانا أخوك دور بداله وأتعب على الساس الي يعمر لك الذود ولا يخسرك ،،

الله يرزقك بالي هو ابرك منه ،،

تحياتي لك ،،

الاخوان تركي ,محيميد,بدر وسعود عسى الله يوفق هالوجيه ويرزقنا وإياكم
الفحل ذا هو معديان ولد غريبان بعير السكيني اللي شراه الامير سلطان بن عبدالعزيز الله يغفر له بسبعة مليون والفحل ذا له انتاج ماهوب واجد من ابل رديه بيع منها بخمسه وعشرين ألف
وأنا والله شريته لساسه وأبيه ان شاء الله يقلب الذود
والملاحظه المهمه هي لونه ناس يقولون أصهب وناس يقولون أصفر
ونوقي غوريات مجاهيم وماأدري ويش ممكن يطرح اللون والعلم بيد الله سبحانه
ولاهنتو عالمرور وننتظر بقيه المطاليق شرواكم

البعير اصهـب ..
سداته زينه وعظامه عظام المجهم اللي تبي
والباقي ( صفر ) بدون مجاملـه ..
..
ولكن الاصل هو العمـود فالقعـود .
والبعير عموده انتاااااااااااااااجـه .
كانك شفت انتاجه بعينك وجاز لك فهدّه واطلب الله التوفيـق .
اما لونه فمـا اشوف فيه اي اشكاليـه .
وسلامتك .

المشاركة الأصلية كتبت بواسطة مشعل الشويش

البعير اصهـب ..
سداته زينه وعظامه عظام المجهم اللي تبي
والباقي ( صفر ) بدون مجاملـه ..
..
ولكن الاصل هو العمـود فالقعـود .
والبعير عموده انتاااااااااااااااجـه .
كانك شفت انتاجه بعينك وجاز لك فهدّه واطلب الله التوفيـق .
اما لونه فمـا اشوف فيه اي اشكاليـه .
وسلامتك .

تسلم ياخوي يامشعل والله يبيض وجهك وأبشرك الفحل ساسه طيب وإنتاجه طيب
لكن ويش يعني سداته؟
وننتظر رأي بقية الإخوان الغالين بدون مجامله تكفون

انتبه لاتهده

والله يرزقك بأفضل منه

هذا بيدمر حلالك

المشاركة الأصلية كتبت بواسطة عبدالمحسن المقاطي

انتبه لاتهده

والله يرزقك بأفضل منه

هذا بيدمر حلالك

أخوي الغالي عبدالمحسن الله يوفقك وتسلم على نصيحتك وإهتمامك وهذا يدل على طيب أصلك يالسنافي
لكن سؤالي حتى لو البعير من ساس طيب وإنتاجه طيب من إبل عاديه ماأهده؟؟؟ لأن توه عندي بعد ماضرب إلا ناقتين فقط
أرجوا التوضيح وأنا خوك وعسى الله لايخلينا من شورك وشوربقيه أعضاء المنتدى المطاليق شرواك ونرجو توضيح عذاريب الفحل ومميزاته إن وجد لأن الصور ظالمته واجد..لاتجاملوني لإن شوركم بأعمل به

اررحب يابوشباب الله يبارك لك فيه ويمنحك منه مايسر خاطرك
البعير عااااادي ولا فيه شي يميزه لكن المعمد الانتاج ان كانك شايف انتاجه وجاز لك
فهده والرازق الله اما اكانك ماشفته فلا تحرص انا اخوك
ملاحظه : معنى سداته او سدوه يعني جنب البعير والله اعلم

بارك الله بأيامك ياخوي ياحزام والله يرزقنا وإياكم بالإنتاج الطيب

اخوي مشبب
الله يبارك لك في الفحل وانتاجه
والفحل ماينشد عنه ولا عن شكله بعد شوف انتاجه
وش نبي من الفحول غيرالانتاج
مادامك مقتنع بانتاجه فهده ولايهمك
تقبل تحياتي

المشاركة الأصلية كتبت بواسطة حاتم العماري

اخوي مشبب
الله يبارك لك في الفحل وانتاجه
والفحل ماينشد عنه ولا عن شكله بعد شوف انتاجه
وش نبي من الفحول غيرالانتاج
مادامك مقتنع بانتاجه فهده ولايهمك
تقبل تحياتي

تسلم ياخوي حاتم عالمشوره والله يبارلك بحلالك

يامشبب وأنا خوك مثل ماقال لك حاتم

الفحل لاعاد تنشد عنه ولا عاد يهمك شكله دامك شفت إنتاجه


تقديري ..