عندي ثلاث مشاكل بالأبل

عندي ثلاث مشاكل بالأبل

1- عندي حواره عمرها ثلاث شهور طقيتها ابرة جرب مع الورك الممخض الحين لها حول شهر ورجلها متخدره تسحبها سحب تقول انها منشله
2- عندي حواره عمرها شهر وخمس طعش يوم لها حول شهر وهي تذرق وعطيتها كل شي من عصارات ومن لبن حامض ومن حليب بوني ون قشر رمان وطقيتها تراسيمين مافاد تذرق بس حالتها لابائس ترضع كويس بس اشعرتها وسط وذرقها له ريحه نتنه وش الحل
3- عندي ناقه لقحه لها حول ست شهور شريتها وهي بها جرب وكانت ضامر مره وعالجتها من الجرب وبريت وبدنت وزانت بس بعد حول شهر رجعت ضامر بس ماهي مثل اول ضمرها يعني رعيها للعلف ترعى م البل بس ماتبدن جنوبها سلت وبها قحه مادري هو هيام اومادري فيه قدام سرها تورم متفرق كبر كف اليد ورم خفيف يوم امسكه قاسي يوم اضغط عليه تجض منه يوجعها ولياقربت لها فيه صوت ارتجاعات بالبلعوم صوت تقول انها تترع الأرتجاع يطلع من المنحر لين حلقها مثل الجره لها صوت تكفون من يعرف لايبخل علينا وجزاكم الله خير الجزا .

الموضوع الأصلي: عندي ثلاث مشاكل بالأبل || الكاتب: ابراهيم الفهيقي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

uk]d eghe lah;g fhgHfg

الناقه فيها ابودبه وماله علاج لكن انا جربت الثوم مع اللقام يساعد الناقه اذا صرت تبي تاخذ منها بطنه ولا مثلها وحرص عليها من الهجيج لانه يذبحها ولكن في النهايه لايوجد علاج يزيل المرض حسب معلوماتي.

يا ابراهيم بالنسبه للحاله الثانيه

انتبه تسقيها في القاليه وخف عليها من الحليب واسقها ماء بارد

عط البكره ام شهر ونصف 15 سنتي بنسلين مع شوي ماء

اشكر جميع من رد على الموضوع ماتشوفون مكروه

يا ابراهيم الحاله الثانية عط البكره ماء بارد براده ادون من براد ماء الثلاجه وعطها حليب السعوديه لمدة ثلاث ايام او اسبوع ولاترضع امها وحاول تنظف ديوس امها من الحليب لان الحليب الحامض يسبب الذراق اعزكم الله

اما الحاله الثالثة ناقتك الله وعلم ان فيها انحاز وله ابره في صيدلية البيطره والله وعلم انك تعطيها ابرتين اوثلاث وراح يعطيك الوصفه الصيدلي
وهذا من واقع تجربه كان عندي ناقه تكح واكلها زين لكن بدا يشين حالها وبعد ابرة النحاز ابشرك ان الناقة زان حالها والحمد لله

واسال الله ان يشفي حلالك وحلال المسلمين من كل داء (مرض)

تسلم اخوي احمد على الرد
بس النحاز اعرفه ماهو نحاز الحين لها ثلاث ثهور على الحاله تقح مره يمكن بعد ساعتين او اكثر وتسمعها تقح مره ثانيه مثل الشرقه مره وحده وعليها والله اني خفت انه ابو بهيدر اللي يسمونه ابو دبه بس الناقه مافيها تورم من المنحر ولا الديد اللي اعرفه ان ابو دبه يصير تورمات مثل العجينه

مساء الخير ابراهيم بالنسبه لحالة الناقه اللقحه فيه شراب نازل جديد للجرب والديدان تخلطه
مع الماء انا استعمله هالحين لنياقي بالنسبه لأعارض الدود وبدنة الابل جاب نتيجه والله الشافي
اما الجرب ماتأكدت منه وانا توني في المراحل الاولى والجرب يبي له فتره

يعطيك العافيه ابن ربيع بس وش اسم العلاج اللي عن الدود له اسم

العلاج اسمه

أيفرميك _أورال
1لتر
قيته 35ريال

مرحبا يا ابراهيم

اولا الحواره االاولى : عطها بنسلين لين يظهر الخراج مكان الابره واذا ماظهر حاول تلقى احد يحلق على مكان الابره بالكي ..!
ثانينا الحواره الثانيه : احلب امها اقل شي مرتين يوميا وبنتها لا ترضعها الا فالليل والصباح فقط ..! وعطوها ماء يارد وبيوقف ان شاء الله
اما من ناحية الناقه فهي مصابه بمرض اسمه ابودبه ويسمى ب ابا النحور وهو ماله علاج وحاول تبيعها لانها ماتسلم واللي في بطنها ماراح تستفيد منه

والله يوفقك لما تحبه وترضاه
اخوك

الاخوان كفّو وماقصروا بس بالنسبة لابو دبة فيه له علاج يقطعه لمدة سنه او اكثر يعني نقول مؤقت

ابرة الجرب انا مجربها في اكثر من ناقة وتسلم سنة ويعود لها

المشاركة الأصلية كتبت بواسطة ابراهيم الفهيقي

1- عندي حواره عمرها ثلاث شهور طقيتها ابرة جرب مع الورك الممخض الحين لها حول شهر ورجلها متخدره تسحبها سحب تقول انها منشله
2- عندي حواره عمرها شهر وخمس طعش يوم لها حول شهر وهي تذرق وعطيتها كل شي من عصارات ومن لبن حامض ومن حليب بوني ون قشر رمان وطقيتها تراسيمين مافاد تذرق بس حالتها لابائس ترضع كويس بس اشعرتها وسط وذرقها له ريحه نتنه وش الحل
3- عندي ناقه لقحه لها حول ست شهور شريتها وهي بها جرب وكانت ضامر مره وعالجتها من الجرب وبريت وبدنت وزانت بس بعد حول شهر رجعت ضامر بس ماهي مثل اول ضمرها يعني رعيها للعلف ترعى م البل بس ماتبدن جنوبها سلت وبها قحه مادري هو هيام اومادري فيه قدام سرها تورم متفرق كبر كف اليد ورم خفيف يوم امسكه قاسي يوم اضغط عليه تجض منه يوجعها ولياقربت لها فيه صوت ارتجاعات بالبلعوم صوت تقول انها تترع الأرتجاع يطلع من المنحر لين حلقها مثل الجره لها صوت تكفون من يعرف لايبخل علينا وجزاكم الله خير الجزا .

الحالة الأولى
أنت أعطيتها الأبرة على الفخذ من جنب وهذا خطأ .. وأبضر مكان هو الرقبة أو الفخذ من الخلف.

الحاله الثانية
1- تسقي الحوارة ماء بارد يومياً الصبح مقدار بنصف غرشة ماء صحة (أم نص ريال) لين يوقف الذراق الله يعزك.
2- أمنع أمها من البرسيم .. وأعطها الله يعزك تبن وشعير فقط لمدة شهر على الأقل.
3- يجب تنظيف ديد الناقة بعد كل عطفه.

الحالة الثالثة

أنصح بعزل الناقة أولا ثم :

1- أعطها شراب الدود .. وبعد 14 أعطها نفس الكمية .. وتأكد من الجرعة الكافية من البيطري.
2- أعطها أبرة الجرب الزرقاء (( دكتوماكس )) 15 مل وبعد 14 يوم أعطها نفس الكمية
3- أعطها أبرة هيام الفرنسية (( سيميلر سان )). بعد ما تعطيها إبرة الجرب بيوم.
ولا تستعجل بإتخاذ أي قرار ولا تستعجل نتائج العلاج.
فالأمر يحتاج وقت (( حول الشهرين ))
من الممكن إعادة إبرة الهيام مره أخرى بعد مرور شهر.