( عطــــايا الله ) من ساق فيها المال ماهوب خسـران

( عطــــايا الله ) من ساق فيها المال ماهوب خسـران

اهدي لكم هذه الابيات للشاعر ناصر ابن لقرع الهاجري

شاعر يمتاز في وصف الابل والمرابيع



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
دار الفلك وسهيل عقب الفجـر بـان=وعدو هل البـل ناهيـات المفاريـد
واستاقو المظهور من كـل مقطـان=وصار الضحى كله هبوبـه تباريـد
تسابقو قفـر المنـادي علـى شـان=يرجون وسميـا" سحابـه مراجيـد
تصبـرو خمسيـن ليلـه بحسبـان=واثمر رجاهم من صدوق المواعيـد
اقبل سواده تختلـف منـه الاذهـان=دهم المزون اللي مطرهـا تراديـد
سيله صدوق ويلحـق السيـل ودان=ويحوز من سيله بعض شرد الصيـد
جرة كريم ربعـت كـل الاوطـان=وكل ثنـى للـرب شكـر وتحميـد
وراحو عسوس القاع ذربين الايمان=فوق الجيـوب مقربـات المباعيـد
تمثنو السبسب ومن فـوق رزحـان=فوق ام زور يسار ماضمـه الحيـد
تنصو الشيـط ودار ابـن رشـدان=وتيامنو بالدرب مـن عقـب تسنيـد
ومرو على جو الصـداوي مسيـان=والفو على بعض الوجيـه الاجاويـد
يوم اصبحو عاذوه من كل شيطـان=ساقـو عليـه وزبنـوه المقاصـيـد
وداجو وراجو في صحاصح رميثان=ولا عن الرقعـي وشعبـه تصاديـد
جاو الشعيب اللي من الخير مليـان=زافات عشبـه غاديـا" لـه عناقيـد
ثم لزمـوه الـدرب يمـة رمـادان يوم ان=كفو جابـو علـوم التساعيـد
وكل عقد رايـه مـع وقـت الاذان=وقاد الحـلال وقربـو نـازح البيـد
ماطاوعو شور المزورب وكسـلان=ساقو يبون فياض عشـب مجاديـد
كنهـا لياقـادت دخاخيـن نيـران=ولا البواخر بيـن صـادر وتوريـد
قم يافهد** واحسب احسابك من الان=البل تبي مثلك صبور علـى الكيـد
صوت لها واطلق عن القيد خشبـان=لاتربطـه ماهـوب يستاهـل القيـد
شوفـه يباريهـا ويبـراه قطـعـان=يزود في الـروح القصيـره تماديـد
يبرى لسود نوعهـا غـال الاثمـان=كنهـا خـراج موثقيـن البـواريـد
سود البكـار اللـي فحلهـا هديـان=علط الرقاب جلال عظـم ومسانيـد
ومرق الغوارب ضافية وجه وذهـان=واطيمس عرضة عيـون المقاريـد
من ساق فيها المال ماهوب خسـران=نـقـاوة ماولفـوهـا الـرعـاديـد
تفرح قلوب اللي على الصدق صدقان=وتكوي قلوب اهل القلـوب المغاديـد
وتطلق لسان اللي على المدح ماخان=وتربـط لسـان مدوريـن المناقيـد
بعض البشر ينقد وهو فيـه نقصـان=ومشقيا" نفسـه مـع زيـد وعبيـد
يلوي حنوكه يشتـم فـلان وفـلان=ويرفع جنابـه بالحكـي والهرابيـد
هذا وانا مالي مع هل الـردى شـان=غرامي اللي تفعـل الطيـب وتزيـد
كرمان في عسر الليالـي وظفـران=فـي حـزة" فيهـا التفاهـم تهاديـد
قلتـه وانـا طالبـك يالله غـفـران=رحمـة كريـم مالفضلـه تعـاديـد
لاجـاء نهـار بيـن دايـن وديـان=يشيب منه الرضع اللي علـى الديـد
تجعل لنا في دار الابـرار مسكـان=ويشفع لنا اللي مرسلا للبشـر سيـد
[/poet]


منقول من النداوي

الموضوع الأصلي: ( عطــــايا الله ) من ساق فيها المال ماهوب خسـران || الكاتب: عايض بن مبارك || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

( u'JJJJhdh hggi ) lk shr tdih hglhg lhi,f osJvhk

الله يعطيك العافيه

صح لسان الشاعر
ولا هنت على النقل المميز
وشكرًا

قم يافهد** واحسب احسابك من الان


البل تبي مثلك صبور علـى الكيـد


صوت لها واطلق عن القيد خشبـان

لاتربطـه ماهـوب يستاهـل القيـد

بيض الله وجهك ياعايض

وصح لسان ابن لقرع


تم نقل الموضوع بواسطتي

أررررررررررررحب يا عايض



وسلمت يمينك


وصح السان الشاعر



لاهنت على النقل المميز



تقبل تحيات


محمد بن جاري

أرحب يا عايض

سلمت وسلمت يمينك


وصح لسان الشاعر المعروف ناصر بن لقرع



ولاهنت على النقل المميز

أخوك

تسلم على النقل الرائع
اخوك

لاهنت يا عايض

وصح السان ابن لقرع شاعر البل


تحياتي

تسلم على النقل الرائع