 الإهداءات | |
مركز رفع الملفات  | ||
|
 |  |
| ||||||||||
 |  |
| الأسئلة والإستشارات لطلب الرأي والمشورة في زين الابل واطباعها ومستلزماتها |
| آخر المواضيع |
 |
| | أدوات الموضوع |
 21 / 03 / 2007, 28 : 02 PM | #1 | ||
| عضو فعال  تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239 
|  عدة أستفسارات الله لا يهينكم السلام عليكم أخواني في هالمنتدى الرائع عسى الله يوفقكم ، قولوا أمين الحمد لله أني تمكنت من التسجيل ، وهذا من فضل ربي العلم سلامتكم أنا طالب بالجامعة، ومن مده وأنا أفكر أشتري لي بكره وأضربها بفحل طيب عسى الله يرزقنا ومتحمس للفكرة ، ودخلت منتداكم وأعجبني وحرصت على التسجيل معكم والحمد لله تيسر لي هالشيء والفكره الي تدور ببالي أني(بعد مدة وليس الآن)أشري لي بكره(بحكم أني طالب تكون من 6 الاف وجاي)وأضربها بفحل طيب علها تجيب لها قعود طيب أو بكره مزيونه وبعد ماتصفحت منتداكم أستفدت بشكل كبير من المعلومات الموجوده بالمنتدى ، ولكن فيه شيء نغص علي وهو فيه واحد من الأعضاء كل مايعرضون قعود ويطلبون الشور يرد ( أن كانت أمه غاليه وأبوه أغلى أحتفظ به) أكيد عرفتوه..وعسى الله يعطيه طولت العمر والسلامة(ابن صلبوخ)وهذا الشيء الي ماكنت حاسب حسابه ، كان ببالي أني يوم أشري بكره وأضربها بالفحل يصير السؤال عن أبو الحوار ، ولكن يوم شفت هالرد تحطمت ، ولكن مازال عندي أمل ومازلت أفكر بجدية ولذلك حبيت أستفسر منكم عن عدة أشياء وأن شاء الله أنكم ماتقصرون: 1-الـ 4 أو 6 الاف تجيب لي بكرة يرضى عنها أبن صلبوخ ؟ أقصد أن الدراهم الي معي تجيب لي بكرة معروف ساسها لو أنها عاديه جدًا جدًا جدًا جدًا أو شينه بعد(على فكرة الرغبة مابين المجاهيم والمغاتير) 2-القعود هل يلزم أن تكون أمه معروفه وأبوه معروف ؟ والبكرة هل يلزم أن تكون أمها معروفه وأبوها معروف؟ 3-الناقة بأي عمر يضربها الفحل ؟ وكم البكرة(وضحا أو ملحا)ومايهم الزين،المهم تكون خاليه من الأمراض - تكون بكرة أو أم واحد - وماتكون حايل-ولا جاها الفحل لإني أبي أخذها وأضربها على فحل عليه الكلام) 4-وش صفات الجمال الي تفرق بين المجاهيم والمغاتير(فيه صفات موحدة مثل أرتفاع السنام ، وقصر العيز وغيرها ، ولكن وش الصفات الي تكون صفات جمال بالمغاتير ، وماهي صفات جمال بالمجاهيم ، والعكس...أظن الأذن القصيرة بالمغاتير من الصفات الفارقة بالزين) 5-كساب(فحل عبدالرحمن العتيبي)ماشاء الله عليه ، وعسى الله يرزقهم الأنتاج الطيب عليه ، مكتوب على صورته *لا تعيبه الناقة إذا كانت شينة جدًا *الأنتاج يجذب الأم باللون فقط *إذا كانت الأم سوداء الأنتاج يصبح مثل الأم ولكن الفحل يجذب الشكل فقط وحبيت أستفسر عنه منك ياراعي الفحل -لو أني شريت لي بكرة هل تسمحون لي أن الفحل يضربها؟ -كيف أنتاجه من المجاهيم ؟ لو أني شريت لي بكرة مجهم وضربتها عليه كيف يجي لون الحوار(مجهم أو مايل للشعال)؟ولو كانت لون البكرة زين ( شديدة السواد)الحوار يجي مثلها أو يجي لونه أخف) -هل وصاف الحوار أقرب للمجاهيم أو للمغاتير(من خبرتك السابقة)؟لإني مثل ماعرف أن صفات الجمال بالمجاهيم تفرق عن صفات الجمال بالمجاهيم -أجمل أنتاجه مع الوضح والا الملح؟ -الفحل بأي ديرة؟ 6-فيه سؤال للجميع : الناقه وش أعلفه غير الرودس ؟وأنا سمعت أن تكثير العلف يخلي الناقه تحيل(ماتلقح)فلو أني فكيت ربطة الرودس بالشبك هل هذا يضرها ؟ أو الي يضرها الأعلاف الثانية؟(لإني دايم أشوف أهل البل فاكين ربطة رودس كاملة) 7-شيء ثاني نغص علي وهو أن الناقة تكسر؟فهل معظم النياق يكسرن بعد مايجي الربيع ؟ والا قليل ؟ ووش أسباب كسار الأبل؟ نصايحكم الله لا يهينكم والله يعينكم علي لإني مبتدي وابي اغثكم بالأسئلة وشكرًا المصدر: منتـديـات مــزايـن u]m Hsjtshvhj hggi gh didk;l | ||
 |  |
| 21 / 03 / 2007, 05 : 04 PM | #2 | ||
| عضو تاريخ التسجيل: 15 / 02 / 2007 الدولة: عند الـمـقــهــــور.. المشاركات: 212 معدل تقييم المستوى: 228
| الجواب 1 أخوي بالرياض اعتقد انه ما تجيب لك شي ولا في حائل ومناطق صغير يمكن تجيب لك بكره ما فيه من الزين شي واذ انت تبي تضربها من الفحل طيب الافضل اشتر بكره طيبه أقل شي 10 الالف الجواب 2 الافضل ان يكون ابوه معروف لانه يشكل من صفات أبوه 75% وامه يشكل 25% وغالبا عند أهل الابل يتسالون عن الاب الجواب 3 الجمل لا يلقح بكره الحتي تتجاوز عمره 3 سنوات وبعض البكار لزم تتجاوز 4 سنوات وناقه الكبيره في سنة لا تلقح الجواب 4 لا أعرف شي بامجاهيم الجواب 5 الفحل الكساب ماشاء الله علية عند ناقه قيمتها 10 الالف لقحها و جبت بكره بعد مرة ثلاث سنوات سيمة بـ150 الالف وبالانتاج من الاب 75% والام 25% الجواب 6 لا أعرف | ||
| | |
| 21 / 03 / 2007, 14 : 04 PM | #3 | ||
| مجموعة التكريم   تاريخ التسجيل: 22 / 03 / 2006 الدولة: الرياض المشاركات: 1,198 معدل تقييم المستوى: 258
| الموضوع طويل ويقلب الراس اترك الاجابه للاعضاء ومفقين اخوكم __________________ | ||
| | |
| 21 / 03 / 2007, 16 : 04 PM | #4 | ||
| عضو فعال تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239
| الأخ كامل الرشيدي أشكر لك ردك وتوضيحك ، والله لا يهينك ولا مانع من الزيادة من باقي الأعضاء | ||
| | |
| 21 / 03 / 2007, 23 : 04 PM | #5 | |||
| عضو فعال تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239
| اقتباس:
أشكر لك ردك الجميل وأنا هويت الطيور بعد وصارت عندي خلفية جيدة عن الطيور (أميز أشكالها ، أعرف متطلباته و..و..و.. ، بس نقل الطير مانقلته مع أن تهيأت لي فرص كثيرة لنقل الطير ومانقلته،ولإني كنت ناوي أن أول طير أنقله يكون لي)و بعدين هونت عن الصقارة والتفت للبل(شف بالي)، وأنا من عادتي قبل أدخل أي شغله أنشد الي مصلك وشرواك ، وأسأل وأتشوف وبعدين أدخل الشغله أدري أشغلتك بكثرة سواليفي ، ولكن تحملني شوي أشكرك لرفعك لمعنوياتي | |||
| | |
| 30 / 03 / 2007, 38 : 02 AM | #6 | ||
| مجموعة التكريم تاريخ التسجيل: 13 / 02 / 2006 الدولة: المملكة العربية السعوديه العمر: 37 المشاركات: 1,869 معدل تقييم المستوى: 273
| أخوي خالد انا بحاول اجاوب على الأسئله أول شئ البكره ــ البكره الاغلبيه ماينشد عن ابوها احد الا ان كانت بكرة مزاين او انتاج فحل طيب وتبي فيها قيمه ببالك للبيع والضراب _البكره اذا سارت لقيه تلقي للبعير كان البدو منول عندهم مثل _لابغيت تكثر البل ضربها حقه _وهي غير صحيح ماتلقح لكن مثل يقال للمعرفه وان كنت تبي انتاج طيب كل ما تشتري اطيب واغلى ان شاء الله بيجيك اطيب واطيب لكن !!!! القعود لازم يسأل عن امه وابوه ان كنت تبيه فحل فحل ويكون ساسه طيب جدا وواثق فيه وعارف اصله مرررره وبالنسبه لكساب زي ماقلت لك تحت امرك تهده ولاتضربه وبالنسبه ان كنت بتضربه مجهم ما أأيدك لان مواصفات الزين للمجهم غير اول شئ المجاهيم _الاذن مرتكزه _المغاتير الاذن خرع فاهقة ورى_ثانيا _السنام _المجاهيم السنام وسط _المغاتير السنام فاهق بالحيل ورى_ثالثا--الذيل _المجاهيم الذيل طويل - المغاتير الذيل قصير --ـرابعا_المجاهيم الخف لازم يكون كبير وجبر وبالنسبه للون انتاج كساب الانتاج الموجود ناقه صفرا_بكره صفرا اوضح_اوضح اشعل _اشعل على لون الام | ||
| | |
| 30 / 03 / 2007, 41 : 02 AM | #7 | ||
| مجموعة التكريم تاريخ التسجيل: 13 / 02 / 2006 الدولة: المملكة العربية السعوديه العمر: 37 المشاركات: 1,869 معدل تقييم المستوى: 273
| لأن السنه هذي عندنا حمرى جاب منها قعود اوضح بردي وعندنا حمرى جاب منها احمر مثل لون الام بالظبط واتمنى اني افدتك اخوي خالد تحياتي لك علي عبدالرحمن | ||
| | |
| 30 / 03 / 2007, 09 : 03 PM | #8 | ||
| عضو فعال تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239
| وبيض الله وجهك وأنا أشهد أنك ماقصرت وعسى الله يبارك لكم بالفحل كساب ماني مبالغ لو أني قلت ياعتيبي = هـونـت عن شريت الـمـجـهـم ولا أبـيـهـا ورجعت أحسّب لها وأعيد ترتيبي = والـوضـح أن كـان ربـي شـاء أبشريها يامالكين(الكرم)و(الجود)و(الطيبي) = من شان كساب أبشري الوضح واقنيها وبيض الله وجهك __________________ ]  | ||
| | |
| 31 / 03 / 2007, 27 : 11 PM | #9 | ||
| عضو تاريخ التسجيل: 15 / 02 / 2007 الدولة: عند الـمـقــهــــور.. المشاركات: 212 معدل تقييم المستوى: 228
| | ||
| | |
| 01 / 04 / 2007, 06 : 09 AM | #10 | ||
| عضو مجلس الادارة  تاريخ التسجيل: 06 / 12 / 2005 الدولة: قطر العمر: 49 المشاركات: 3,300 معدل تقييم المستوى: 305
| وين جاي عكس الماره اختار المسلك الميولي واطلب النصيحه بعده وفالك المليون ......... | ||
| | |
| 01 / 04 / 2007, 44 : 02 PM | #11 | ||
| مجموعة التكريم تاريخ التسجيل: 13 / 02 / 2006 الدولة: المملكة العربية السعوديه العمر: 37 المشاركات: 1,869 معدل تقييم المستوى: 273
| خالد المضياني بيض الله وجهك وصح لسانك كامل الرشيدي لاهنت يالطيب على التوقيع بالقصيده ولاهيب غريبه عليكم والفحل فحلكم وفي اي وقت تحت امركم ان بغيتوه للضراب ولاتهدونه فابلكم وياخالد اشر المغاتير وان شاء الله بتعين خير وتسير علينا وتشوف كساب عالطبيعه مايحتاج صووور وعموما ارجع واقول بيض الله وجيهكم ولاهيب غريبة عليكم | ||
| | |
| 01 / 04 / 2007, 43 : 09 PM | #12 | ||
| عضو فعال تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239
| السلام عليكم الأخ كامل الرشيدي صح بدنك ، وشرفتني بردك الأخ محمد علي الهدفه أشكر لك مرورك وردك ، وردك غامض شوي ، أول ماقريته حسبتك تستهبل على لجنة شاعر المليون وبعدين قلت لا أنت تقصد البل والماره هنا على كل أتجاه والميول للثنتين(المغاتير والمجاهيم) ووالله أني شفقان عليهن ، ولكن أن شاء الله أني أجمعهن أثنينهن(بعدين ماهو الحين) والبل كلها زينه ، وأنا طلبت النصح وأغراني بالمغاتير طيب أهلها ، والمغاتير زينه والمجاهيم زينه وصبركم علي كان الله كتب لي عمر أقنيها أثنينها ، ولكن أبي أبدأ بالوضح كان الله يسر لي والمجاهيم فيه الزين الفارط المغري ، مثل الي بتوقيعك ماشاء الله تبارك الله. الأخ علي العتيبي مابغيت أرد عليك تدري ليش؟ لإني مهما كتبت ماراح أوفيك حقك بيض الله وجهك ، وأنا أن كان الله يسر لي وشريت أشري ناقة وحدة بس(لإني طالب) وبيض الله وجهك ، وكان الظروف جت على الكيف يلزم أني أسير عليك ( حتى لو ماشريت شيء)ومعرفة الي شرواك تجارة ، ولا هنت على ردك الي طنخني يالذيب __________________ ] | ||
| | |
| 01 / 04 / 2007, 30 : 11 PM | #13 | ||
| مجموعة التكريم تاريخ التسجيل: 13 / 02 / 2006 الدولة: المملكة العربية السعوديه العمر: 37 المشاركات: 1,869 معدل تقييم المستوى: 273
| اذا كان الدعوه على ناقه ارسلها نضربها وتقعد مع البل تسرح مع البل لين تجيب لك بكره اوقعود طيب وان اخذتها الله يستر عليك ويرزقك وان خليتها مع امهاتها لو عشر سنين لين تاخذها ومرحبا بك في اي وقت | ||
| | |
| 02 / 04 / 2007, 00 : 12 AM | #14 | ||
| عضو فعال  تاريخ التسجيل: 23 / 03 / 2007 الدولة: الرياض ( عند أبو متعب ) المشاركات: 1,882 معدل تقييم المستوى: 260
| وبعد أخوي خالد حياك الله وشتر الناقه أو البكره الي تبيها وحياك في اي وقت وعندي فحل طيب من فحول الأمير مشعل اوضح وضرب به والله يطرح البركه وهذا شئ علمه عند الله بس الله يعينك تستنى حتى يظهر سهيل وتهيج الفحول ودمت بخير | ||
| | |
| 02 / 04 / 2007, 44 : 06 PM | #15 | ||||
| عضو فعال تاريخ التسجيل: 20 / 03 / 2007 الدولة: $((الـــخــــرج))$ المشاركات: 828 معدل تقييم المستوى: 239
| اقتباس:
وكفو ياعلي تقول وتفعل وهذا يدل على طيب أصلك وأنا كاني شريت أبخليها حولنا نتونس بشوفتها ، ونمرها صبح وعصر ، وأنت ماقصرت وبإذن الله أن كاني شريت راح امركم وأضربها على فحلكم وكان أبلكم قريبه منا حتى لو ماشريت لا بد أني أسير عليكم وأشوف كساب على الطبيعه ومشكوووووووووووووور اقتباس:
وأنا والله كلي فخر أني مشارك معكم بمنتدى الأجواد منتدى مزاين هذا وأنا ماشريت جاني عرض على فحلين طيبين كيف لو أشري بيض الله وجهك ووجه علي وعز الله أنكم ماقصرتوا معي __________________ ] | ||||
| | |
|
| |
أرجو أن يكون ردك على الموضوع بصيغة جميلة تعبر عن شخصيتك الغالية عندنا يا غير مسجل
الذين يشاهدون محتوى الموضوع الآن : 1 ( الأعضاء 0 والزوار 1)
تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
BB code is متاحة الابتسامات متاحة كود [IMG] متاحة كود HTML معطلة
المواضيع المتشابهه الموضوع كاتب الموضوع المنتدى مشاركات آخر مشاركة نبي النصيحة فقط الله لا يهينكم خالد بن عبدالعزيز عيادة مزاين البيطرية 5 07 / 08 / 2011 17 : 02 PM
 |
