يا أخوان الفحل مدري وشفيه فزعكتم للاهمية

يا أخوان الفحل مدري وشفيه فزعكتم للاهمية

السلام عليكم

صبحكم/مسيكم بالخير جميعا

اخواني فحل الأبل مدري وش فيه يضرس ويزبد بس مايشتر واذا جا بيضرب يفشح فوق الناقه ويقوم منها ماهو يمها

ويوجد في لحية من داخل هدب على ما اظن مثل ماهو موضح بالصوره والبعير ضامر
بس ماله نفس بالضراب

احد يفزع لنا وش الحل يالربع ضروري جدا لاهنتم

الموضوع الأصلي: يا أخوان الفحل مدري وشفيه فزعكتم للاهمية || الكاتب: محمد بن عايض || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dh Ho,hk hgtpg l]vd ,atdi t.u;jl gghildm

عليكم السلام
امكن البعير عوقة في لهاته يقط او (يقص) منها
اذا كان البعير يرفع راسة ويزبد ولا يبغي العلف احتمال انه منها وعلاجة ان تقطعها بسرع وقت وهذا
والعلم عند الله ونستفيد من الربع
سعيد حمدالمري

وعليكم السلام

البعير ياكل العلف ويرفع راسه ويزبد بس مايشتر

ولا يضرب ولا يبي الضراب

ان كان البعير ممشاه زين ومبركه ومقامه مافيها شي
اذا ماخاب ظني ان اللي فيه نفس او بالاصح عين
البدو يقولون له منفوس او منفوسه وله علاج مع الايام يتحسن بس انت تاكذ منه
او انه ماهاج وانتم معسرين على الضراب
او انه مرض ثاني الله اعلم

مشكور اخوي على التوضيح

بس الجروح موضحه بالصورة

يمكن البعير ما كل شيء (مكثر في النخاله أو الشعير أو البرسيم او ماكل رز او أي شيء آخر)
الله لا يوريك مكروه

أخوي بعيرك والله أعلم بلاه الهدب والهدب هذا يجي في الأبل ويسد نفسها عن الأكل عشانه يطعنها مثل الشوك و علاجه مثل علاج الحمام الي يجي في اللثه من فوق تقطع روس الهدب عقب تفركه بملح خشن
والله يشفيه

عطه أبرة هيام (( سيميلر سان )) الفرنسية
وبإذن الله ما عليه شر

لاهنتم ياخوان وماقصرتو

اخذنا ابرتين وحده للحراره والثانية مضاد والحمدلله خلال 6 ساعات رجع البعير يشتر وياكل وهو بخير

بس المشكله اللي باقي هي انه ماله نفس في الضراب ابد يوقف فوق الناقه ويتركها وهي ميسر

والله مدري وش مشكلته بعد

الاخ محمد ..


اذا انت جربت علاج وتحسنت حالته استمر على العلاج يومين زياده لكن انصحك تكشف على قضيب الفحل عندك واتاكد ان مافيه شي

وغير كذا تكشف على الناقه اذا فيه صديد او التهاب بعنق الرحم لانه بهالحاله مايضربها الفحل .


وفيه علاج ينفع للتنشيط الجنسي للفحول استخدمه وان شاء الله يفيدك اسم العلاج ( vitamin E + Selenium )


يعطى بعضلة الفخذ يومين .



اتمنى افدتك آخوك د / طلال الخالدي

لاهنت اخوي طلال ولاقصرت وتسلم

بس السؤال اللي يطرح نفسه انه يضرب اماته بس فيه ناس تضرب يجي فوق ابلهم ويقوم منها