 الإهداءات | |
مركز رفع الملفات  | ||
|
 |  |
| ||||||||||
 |  |
| الأسئلة والإستشارات لطلب الرأي والمشورة في زين الابل واطباعها ومستلزماتها |
| آخر المواضيع |
 |
| | أدوات الموضوع |
| الإهداءات | |
| مركز رفع الملفات | ||
|
| | |
| ||||||||||
| | |
| الأسئلة والإستشارات لطلب الرأي والمشورة في زين الابل واطباعها ومستلزماتها |
| آخر المواضيع |
|
| | أدوات الموضوع |
 07 / 12 / 2006, 43 : 09 PM | #1 | ||
| ضيف المشاركات: n/a
|  استفسارات يالاجواد السلام عليكم كيف حالكم , أن شاء الله بخير عندي كم سؤال اذا ماعليكم كلافة *كيف تعرف الناقة الزينة(مواصفاتها المطلوبة)؟ *الي يبي يبدل انتاج ابله من مجاهيم لمغاتير ويضربها من فحل اوضح الانتاج يجي اوضح والا فيه من الاشعل ؟ *لو ان الناقه عادية والفحل طيب تتوقعون يجي انتاجها طيب؟وهل صاحب الفحل الطيب يرضى اني اضرب ناقتي منه ان كانت عادية والا لازم من المزاين؟ لو بغيت افحل قعود وش المواصفات المطلوبة به؟ لو فيه قعود او بكره زينة بس مجهوله (مايعرف امها وابوها)هل هذا ينقص من سعرها؟أو يجعلها ماهي زينة بنظر اهل الابل؟ *الي يبي يفحل قعود كم سنه يبدا يضرب؟ والبكرة كم سنة وتلقح؟ فحول الوضح مثل المجاهيم بنجد(من حيث كثرتها .لان هواي الوضح وقليل اسمع عن فحول وضح .دايم اسمع فحول مجاهيم.لكن فيه فحلين وضح بشعار المنتدى فوق يمين ردن لي الامل ماشاء الله عليهن )؟ *الناقة اذا عوشرت من الفحل عقب سنه تلد .هل ممكن ان تضرب بنفس الموسم؟أو ننتظر لين يرضعها حوارها سنه وبالسنه الثانيه نضربها؟ *الضراب من الفحول الطيبة بفلوس والا ناموس؟ وشكرا وناسف للاطالة والله لا يهينكم المصدر: منتـديـات مــزايـن hsjtshvhj dhgh[,h] | ||
 |
| 08 / 12 / 2006, 20 : 02 AM | #2 | ||
| عضو شرف مجلس الادارة   تاريخ التسجيل: 26 / 10 / 2004 الدولة: الكـويت المشاركات: 4,379 معدل تقييم المستوى: 339 
| حياك الله أيها الزائر الكريم ويسعدني أن أحاول الإجابة على أسئلتك بقدر استطاعتي ويمكن للأخوة الاضافة وتزويدك بما لديهم 1 - كيف تعرف الناقة الزينة(مواصفاتها المطلوبة)؟ مواصفات الزين في الناقة كثيرة ويمكن لك من خلال متابعة هذا الموقع وما يعرض فيه أن تتوصل لمواصفات الزين في الإبل من ناحية الوجه والرأس والغارب والرقبة والذيل والطول والعرقوب والوبرة والآذان وغيرها من مواصفات الزين مع الأخذ بعين الاعتبار أن مواصفات المجهم تختلف عن مواصفات المغتر 2 - *الي يبي يبدل انتاج ابله من مجاهيم لمغاتير ويضربها من فحل اوضح الانتاج يجي اوضح والا فيه من الاشعل ؟ هذا في علم الغيب ولكن هناك فحول تقلب اللون وتوحده لون واحد ولكن لابد وأن يأتي بملاوين ولو قليلة وقد يغلب عليها لون الصفر والشقح 3 - *لو ان الناقه عادية والفحل طيب تتوقعون يجي انتاجها طيب؟ وهل صاحب الفحل الطيب يرضى اني اضرب ناقتي منه ان كانت عادية والا لازم من المزاين؟ الفحل الطيب يجيب انتاج طيب من الناقة الردية والطيبة إلا أن هناك بعض الإبل تعيي على عيالها وراعي الفحل الطيب حسب أخلاقه والناس أجناس وليس لجمال الناقة دور في القبول والرفض 4 - لو بغيت افحل قعود وش المواصفات المطلوبة به؟ القعود اللي تبي تفحله يجب أن يحمل مواصفات الفحل من ناحية الزين والأصل وطيب أبوه وأمه 5 - لو فيه قعود او بكره زينة بس مجهوله (مايعرف امها وابوها)هل هذا ينقص من سعرها؟ أو يجعلها ماهي زينة بنظر اهل الابل؟ القعود المجهول الأب غير مرغوب فيه كفحل أما البكرة فجمالها يكفيها 6 - *الي يبي يفحل قعود كم سنه يبدا يضرب؟ والبكرة كم سنة وتلقح؟ القعود عندما يبدأ بالضراب ويلقح عندما يكون عمره أربع سنوات والبكرة يمكن أن تلقح من ثلاث سنوات وفي بعض الحالات سنتين ولكن الأصح أربع سنوات كي لا يغضرها اللقاح 7 - فحول الوضح مثل المجاهيم بنجد(من حيث كثرتها .لان هواي الوضح وقليل اسمع عن فحول وضح .دايم اسمع فحول مجاهيم. لكن فيه فحلين وضح بشعار المنتدى فوق يمين ردن لي الامل ماشاء الله عليهن )؟ اللي تشوفهم في الصورة من الفحول الوضحان أحدهما الفحل الشهير (تمام) ملك هيف بن عبود القحطاني والآخر الفحل الشهير (شرهان) ملك فهيد بن فنيسان السبيعي والله يبارك لأهلها فيها ويستر عليها 8 - *الناقة اذا عوشرت من الفحل عقب سنه تلد .هل ممكن ان تضرب بنفس الموسم؟ أو ننتظر لين يرضعها حوارها سنه وبالسنه الثانيه نضربها؟ الناقة يقال لها ( عشرّت ) في بداية اللقاح ويمكن أن تضرب في نفس السنة وتسمى في هذه الحالة ( كساب ) 9 - *الضراب من الفحول الطيبة بفلوس والا ناموس؟ الضراب بالناموس أما الضارب بالفلوس فهي عيب في قاموس البدو وشكرا وناسف للاطالة والله لا يهينكم العفو وحياك الله وحاضرين لكل استفسار __________________ العمر رحله والليالي ركايب=خطواتنا قدام لا يمكن تعود نأخذ من الدنيا دروس وتجارب=والله يجمّلنا مع كل مردود | ||
 | |
| 14 / 12 / 2006, 56 : 12 AM | #3 | ||
| مجموعة التكريم   تاريخ التسجيل: 24 / 06 / 2006 الدولة: المملكة العربية السعودية المشاركات: 2,477 معدل تقييم المستوى: 281 
| | ||
| | |
| 14 / 12 / 2006, 12 : 03 PM | #4 | |||
| مجموعة التكريم تاريخ التسجيل: 20 / 10 / 2006 الدولة: مدينة بحجم الكف المشاركات: 649 معدل تقييم المستوى: 240
| اقتباس:
وفيه حالات نادرة.. وحصل عندنا بعد ماضربنا بعير عفر قاطع لناقه مجهم .. وكلهم ماشاء الله عليهم في الزين .. جات بنت البعير العفر عفراء قاطعه مثل ابوها بالزين واللون ووبرتها حرشاء لامها لكن طلعت اذنها اذن ملحا ماهيب فاهقه.... وهذا يدل على قوة تاثير الفحل بشكل عام حتى لو طلع بنظرك موب الناهي لكن البعير دايم يرده اصله مهما كان.. والبكره بصراحه احتفظت فيها.. | |||
| | |
| 24 / 12 / 2006, 35 : 08 AM | #5 | ||
  تاريخ التسجيل: 23 / 05 / 2005 المشاركات: 6,063 معدل تقييم المستوى: 373
| لازيادة ابو عبدالله كفى ووفى __________________ | ||
| | |
|
| |
أرجو أن يكون ردك على الموضوع بصيغة جميلة تعبر عن شخصيتك الغالية عندنا يا غير مسجل
الذين يشاهدون محتوى الموضوع الآن : 1 ( الأعضاء 0 والزوار 1)
تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
BB code is متاحة الابتسامات متاحة كود [IMG] متاحة كود HTML معطلة
المواضيع المتشابهه الموضوع كاتب الموضوع المنتدى مشاركات آخر مشاركة استفسارات مهم... تركي القحطاني الأسئلة والإستشارات 12 08 / 07 / 2007 26 : 03 PM استفسارات حول الابل عبدالله بن عبدالرحمن العنزي الأسئلة والإستشارات 7 27 / 06 / 2007 36 : 01 AM رايكم يالاجواد عجلو عليه رائد الحربي الأسئلة والإستشارات 5 28 / 01 / 2007 57 : 01 PM استشاره يالاجواد رائد الحربي الأسئلة والإستشارات 3 29 / 12 / 2006 27 : 04 PM
 |
