 الإهداءات | |
مركز رفع الملفات  | ||
|
 |  |
| ||||||||||
 |  |
| خيمة مزاين للمواضيع الاسلامية و العامة التي لاتختص بالابل |
| آخر المواضيع |
 |
| | أدوات الموضوع |
 04 / 07 / 2010, 07 : 05 AM | #1 | ||
| عضو فعال  تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240 
|  ظافر القحطاني(( خوي المطاليق)) والشايب المقبور 1. ساعة ظهر لي شايبٍ له حول قرنيـن محجـور في جوف قبرٍ عن هـل الدنيـا طـواه ويعزلـه سلّم وجا صوبي يقول : ابنشـدك يللـي تـزور عن حالة الدنيا وعن وضع الزمان وعـن هلـه 2. قال : افتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه 3. قال : افتني عن حالة الخفـرات ربّـات الخـدور اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور بين الفريق بـبشتهـا الضافـي وثـوبٍ تسبلـه 4. قال : افتني بحال الشباب الصلب صيّـاد النمـور الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند امّـه وابـوه وعلـم ربعـه يشغلـه تعال شف رد الشاعر يالله وانا طالبك تغفـر لـي ذنوبـي يـا غفـور ارجيك والجا لك وانـا سالـك واعيـد المسألـه لوما تطهرنـي بعفـوك مـا تطهرنـي البحـور جيتـك وذنبـي قـد تعـلاّ غاربـي يـا مثقلـه أنا من الطين انخلقت , أخطـي ولانيـب معـذور قامت علي الحجّـه بدعـوة رسلـك المرسلـه مؤمن بتوراتـك و إنجيلـك و مؤمـن بالزبـور و بسنّـة محمـد وآيـات الكـتـاب المنـزلـه لكن خُدعت بزخـرف الدنيـا وزادتنـي غـرور أبدت مفاتنهـا و ورتنـي مـن العمـر اجملـه طبعاً بما إنـي بنـي آدم حصـل منّـي قصـور واذنبت يـا مـولاي ذنـبٍ بالخفـا مـا تجهلـه أسألك تغفر لي و تستر موقفـي يـوم النشـور اليا القفت خلقـك صحايفهـا وهـي مستذهلـه من يستلمها بالشمال افلس وهـو يدعـو ثبـور ومن يستلمها باليميـن افلـح لخيـر المنزلـه واسألك يا ربـي تعاونّـي علـى نيـل الأجـور أحيا حيـاةٍ مكسبـي فيهـا مـن البـر افضلـه واسألك جاهٍ مع هـل الدنيـا وحـظٍ مـا يبـور أيضاً وعرفٍ مـع هـل الحكمـه ورزقٍ تكفلـه من لا تهيّا لـه مقـامٍ مـع طويليـن الشبـور يبكي على ما ضاع من عمره وخيبـات عملـه وان شاب راسه لا ترجّى فيـه تجبيـر الكسـور لا خير فـي تالـي زمـانٍ مـا تغانمـت اوّلـه ومانيب ناسي قصةٍ صـارت وانـا ازورالقبـور لازلـت افكـر فـي غرابتهـا وبالـي تشغلـه ساعة ظهر لي شايبٍ له حول قرنيـن محجـور في جوف قبرٍ عن هـل الدنيـا طـواه ويعزلـه سلّم وجا صوبي يقول : ابنشـدك يللـي تـزور عن حالة الدنيا وعن وضع الزمان وعـن هلـه أنا مضى وقتي ومـرّت بـي طويـلات الدهـور والباقـي بعمـري بعيشـه بينكـم واستكملـه قلت : الزمان اللي يبارينا علـى خبـرك يـدور الوقت نفسـه مـا تغيّـر ماشـيٍ فـي جدولـه أما البشر , , , لا والله الاّ غير من حد الجـذور صار انتقالٍ مـن يميـن الـى يسـار المنقلـه استغرب الشايب من اللي قلـت وبليّـا شعـور حط اليمين اعلىالشمال وخاطـره فيـه اسئلـه قال : افتني عن حالة الشيبان والشيـخ الوقـور أهل الخبر والراي والحكمـه وضـرب الأمثلـه القدوه اصحاب الأمور اللي تطـاع بكـل شـور اللـي يفضّـون النـزاع ويحكمـون المشكلـه قلت : البعض منهم على ما قلت في وصفك وقور قدوه ولكن رايهـم مـا ينفـرض فـي مسألـه الطاعه العميـا بقـا منهـا مجاملـة الحضـور اللـي تلاقيهـا مـع اوّل فـرصـةٍ متنصّـلـه والبعض لا عبـدٍ يخـاف الله ولا عبـدٍ شكـور لا زهّـده شيبـه مـن الدنيـا ولا هـو جمّلـه بهيمةٍ يرجـع علـى منحـاه الاوّل ومحصـور فـي لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجـور ينقـل جـوازه للسفـر مـن مزبلـه لا مزبلـه أشيمطٍ زانـي قضـا عمـره بحانـات الخمـور والعايلـه ورعٍ يغـرّر بـه وبـنـت مهمّـلـه قال : افتني عن حالة الخفـرات ربّـات الخـدور اللي تصـان بـبيـت عايلهـا و بابـه تقفلـه شيهانةٍ تشمخ عفاف وتصقـل فـروخ الصقـور بين الفريق بـبشتهـا الضافـي وثـوبٍ تسبلـه قلت : العـذارى فـي زمنّـا ببغـاوات الطيـور تقليد هرج و عرض ريـشٍ خلفهـا تستخملـه تلبس عباةٍ ضيّقـت حـول الردايـف والخصـور فضيحةٍ تكشف جسدها مـن علـوّه لـاسفلـه وموضة شيالٍ تكشف الوجنات والـوان الشعـور والمحـرم تبـدّل بـجـوالٍ بيـدهـا تحمـلـه لا فوّحت صفر الدلال ولا عرفت غـش القـدور تطبـخ لـهـا خـدّامـةٍ بالعايـلـه متوكـلـه الأم ما صانت عفاف البنت من عمـر الزهـور والأب ديّـوثٍ تحكـمـه حـرمـةٍ مسترجـلـه وشلـون يتربّـى عيـال ام التبـرّج والسفـور الاّ خنـازيـرٍ دمـاهـا بــارده ومغـفّـلـه قال : افتني بحال الشباب الصلب صيّـاد النمـور الفـارس اللـي ينطـح خصومـه بزنـدٍ يفتلـه الوافي الشهم الغيور اللي لعرض الجـار سـور البار عند امّـه وابـوه وعلـم ربعـه يشغلـه قلت : الشباب بوقتنا وجهه مثـل بـدر البـدور والجسم من زود الرخا ما تنفتـل فيـه عضلـه قصّـة شعـورٍ صيّرتهـم لا إنـاث ولا ذكـور والثـوب راح ولا بقـى الاّ عـالـمٍ متبنطـلـه ناسٍ ( فلنتينو ) وناسٍ تلبـس ( كرستانديـور ) صار التنافـس بينهـم فـي لبسهـم والجنتلـه من كان يشرب من قرار البير مشروبه ( بيور ) والبل راعيها غدا يشـرب حليـب ( النستلـه ) مامنهم اللي قام دون اعـراض جيرانـه غيـور من قام قالو , , وشـملقّف حضرته ؟ وشـدخّله والوالدين حقوقهم ضاعت وعنهـم فـي نفـور ان غـاب عنهـم لا تذكرهـم ولا جـاه الولـه بدّا عليهم شلّـةٍ تهـوى الوطـا بيـن الجحـور لو تعزله عنهم تبـي لـه شـان كنّـك تقتلـه ما راح يوم يشارك ربوعه بحـزن ولا سـرور حتى ابن عمّه يعرفه بالوجـه واسمـه يجهلـه بدّل حكاه وضيّـع سلومـه وحالـه فـي دبـور وان شاف ضيف يخش حتى انّه يفـارق منزلـه ناظر لي الشايب بعينٍ تجمـع السبـع البحـور يقول : انا لا يمكـن ادخـل مجتمعكـم واقبلـه انتو لكم وقتٍ تصـدّع مـن بلاويـه الصخـور ما يقعد الجمّال به ساعـه ولـو ضـاع جملـه الموضوع الأصلي: ظافر القحطاني(( خوي المطاليق)) والشايب المقبور || الكاتب: محمد الشكره || المصدر: منتديات مزاين المصدر: منتـديـات مــزايـن /htv hgrp'hkd(( o,d hgl'hgdr)) ,hgahdf hglrf,v | ||
 |  |
| 04 / 07 / 2010, 25 : 05 AM | #2 | ||
| عضو نشيط  تاريخ التسجيل: 09 / 06 / 2009 الدولة: السعوديه المشاركات: 441 معدل تقييم المستوى: 204
| السلام عليكم ورحمة الله وبركاته طال عمرك القصيده ماهيب لبن فطيس القصيده للشاعر ظافر بن لعور القحطاني"خوي المطاليق" وسلامتك ولاهنت على العرض الطيب | ||
| | |
| 04 / 07 / 2010, 27 : 05 AM | #3 | ||
| عضو مجلس الإدارة  تاريخ التسجيل: 22 / 10 / 2009 المشاركات: 1,114 معدل تقييم المستوى: 213
| | ||
| | |
| 04 / 07 / 2010, 57 : 05 AM | #4 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| تم التعديل بعد ان سويت بحث وطلعة القصيده ل الشاعر خوي المطاليق والله لايهينك على التنبيه والعتب على اللي مرسلها لي ولاهنت على مرورك الطيب | ||
| | |
| 04 / 07 / 2010, 59 : 05 AM | #5 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| الله لايهينك على مرورك الطيب والرائع تقبل تحياتي | ||
| | |
| 04 / 07 / 2010, 23 : 07 AM | #6 | ||
| مجموعة التكريم   تاريخ التسجيل: 18 / 11 / 2009 المشاركات: 5,157 معدل تقييم المستوى: 299
| | ||
| | |
| 04 / 07 / 2010, 29 : 08 AM | #7 | ||
| عضو مجلس إدارة  تاريخ التسجيل: 29 / 03 / 2010 الدولة: نجـــد المشاركات: 3,163 معدل تقييم المستوى: 253
| صح لسان الشاعر خوي المطاليق عز الله انه ماقصر وفا وكفا وكل بيت في القصيده حكمه بيض الله وجهك يامحمد على النقل | ||
| | |
| 04 / 07 / 2010, 55 : 02 PM | #8 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| عادل الروقي الله لايهينكم على مروركم الطيب تقبلوا تحياتي | ||
| | |
| 04 / 07 / 2010, 42 : 04 PM | #9 | ||
| مجموعة التكريم  تاريخ التسجيل: 02 / 11 / 2009 الدولة: السعوديه المشاركات: 8,520 معدل تقييم المستوى: 364
| | ||
| | |
| 05 / 07 / 2010, 00 : 02 AM | #10 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| الله لايهينك على مرورك الطيب تقبل تحياتي | ||
| | |
| 07 / 07 / 2010, 51 : 01 PM | #11 | ||
| مجموعة التكريم  تاريخ التسجيل: 17 / 06 / 2007 الدولة: السعوديه المشاركات: 1,259 معدل تقييم المستوى: 245
| __________________ | ||
| | |
| 07 / 07 / 2010, 58 : 02 PM | #12 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| صح بدنك ولاهنت على مرورك الطيب | ||
| | |
| 11 / 07 / 2010, 34 : 09 PM | #13 | ||
| عضو فعال  تاريخ التسجيل: 04 / 12 / 2009 الدولة: تحت أديم السماء المشاركات: 1,559 معدل تقييم المستوى: 221
| __________________ لا ما علي لو دموع عيني هماليل * * * * الموت دمع القلب لا صار همال | ||
| | |
| 12 / 07 / 2010, 31 : 11 PM | #14 | ||
| عضو فعال تاريخ التسجيل: 02 / 08 / 2009 الدولة: الافـــــــــلاج المشاركات: 2,342 معدل تقييم المستوى: 240
| لاهنت على مرورك الطيب | ||
| | |
|
| |
أرجو أن يكون ردك على الموضوع بصيغة جميلة تعبر عن شخصيتك الغالية عندنا يا غير مسجل
الذين يشاهدون محتوى الموضوع الآن : 1 ( الأعضاء 0 والزوار 1)
تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
BB code is متاحة الابتسامات متاحة كود [IMG] متاحة كود HTML معطلة
 |
