الفزعه يارجال...الفزعه ياعيد المنصوري

الفزعه يارجال...الفزعه ياعيد المنصوري

اخواني الاحبه ... اخوي عيد المنصوري
عندي ناقه شاريها خفوت من اطيب البل
لقحت ولها الان 7 شهور وبدت تبدي اذا تفاهقت واستوزرت
وش الشي الصحيح اللي المفروض اسويه الان بخصوص التقليل من البديه واثارها
وهل لها علاج؟
هل اقلل الاكل للناقه؟
هل امنعها من المسراح مع البل؟
وخاصة ان باقي لها على الولاد خمسه اشهر
افيدونا الله يوفقكم ويبارك في جهودكم
مع الشكر مقدما

الموضوع الأصلي: الفزعه يارجال...الفزعه ياعيد المنصوري || الكاتب: حاتم العماري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.ui dhv[hg>>>hgt.ui dhud] hglkw,vd

البدية مالها علاج ولكن يمكن التقليل من تاثيرها

والمشكلة ان البدية جزء من مالد الناقة ومع ظهورها من حيا الناقة وتعرضها للهواء تلتهب ويكبر حجمها

والعلاج هنا هو محاولة عدم ظهورها وذلك بوضع شبكة على حيا الناقة وشدة بشكل مناسب حتى لاتظهر البدية

ويكون من مادة مناسبة وحجم مناسب حتى لايجرح المنطقة بين الديد واخر الفخذ من الداخل

والمشكلة انها عند الولادة تحتاج عناية خاصة لانها اكثر عرضه لخروج المالد من غيره من الابل

ولا اشور عليك بمنعها من السرحة مع اماتها اما العلف فاذا كانت سمينة واجد خفف عليها

واذا كان حالها زين فخلها لاتمنعها

لا ازيد على كلام أخوي مبارك
كفى ووفى
اغسل البدية قبل لا تشبكهااا اذا ظهرت على شان تحميهاا من البكتريا والجراثيم
والله الله بالناقه العنايه عند ولادهاا

الله يجزاكم الجنه ووالدينا ووالديكم
والله كل يوم نستفيد منكم شي جديد
الله يبارك فيكم وفي حلالكم وعيالكم

ياحاتم إن شاءالله ماعندها إلا العافيه مثل ماقالوا الأخوان حبلها ( أشبكها ) وشف لك بيطري يعملها لك وقبل لاتخيطها نظف البديه زين عشان البكتيريا والجراثيم والله يرزقك منها البكره الطيبه إن شاءالله

سبحان الله ..من كمن يوم اشوف شوابي يخففون البرسيم عن الابل عندنا .. وخصوصا المداني .. سألتهم ليش .. قالوا لي " لو تسمن المطيه طبيعي تبدي وتدفع بالجنين برا الرحم " .. نصيحتي لك اخوي خفف اكلها كانها سمين .. وعطها بس ياللي يكفيها ولا يسمنها .....

والباقي اتركه للي قالوه الاخوان

احاب ازيد انه عندي ناقه مدني اول نبط لها قطعوه في بطنها لانه كان كبير وهيه بكر .. وابدت الناقه .. وتبهدلت .. وسوت مقاطيع وبديه .. قالي الدكتور طبيعي لانه ملتهب ..بس بعد الميلاد كل شي يرجع طبيعي ..والحين لله الحمد والمنه لقحه واسأل الله العظيم ان يبارك لك في حلالك يا اخوي .. ولا لا يريك مكروه فيه ولا في غالي

أشكر جميع الاخوان على المشوره الغاليه والله لايحرمنا منكم ويبارك للجميع في حالهم ومالهم
واسال هل الخياط يفيد بحيث يفك ليا قربت تلد؟ وهل احد جربه؟
تقبلوا تحياتي

سؤال اخر
سمعت ان فيه طرقه كحل نهائي وهي ربط البديه وتركها حتى تطيح وانها ماعاد تبدي في المستقبل
هل احد جرب الطرقه ولا يعرف احد يسويها
نع الشكر والتقدير

للرفع لمزيد من المشوره

أشكر جميع الاخوان على المشوره الغاليه والله لايحرمنا منكم ويبارك للجميع في حالهم ومالهم
واسال هل الخياط يفيد بحيث يفك ليا قربت تلد؟ وهل احد جربه؟
تقبلوا تحياتي

حياك الله يا حاتم

انا جربته في ناقه عندي يوم امخضت شليتها وتابعها الراعي وابشرك ولدة ولا به اي مشكله

عادي لا حل ولادت الناقه خل الراعي يقطع المخيط وهي تولد عادي جداّ وإن شاءالله ماعندها إلا العافيه