طريقة عسف أو تطبيع الخلفة البكر ؟

طريقة عسف أو تطبيع الخلفة البكر ؟

مساء الخير على الجميع


أولا : ما هي أفضل طريقة لتطبيع الخلفة البكر وحلبها بدون رباط مع التوضيح والشرح الممل وهل يوجد عدة طرق من خلال تجاربكم .



ثانيا : عندي خلفة ام ثاني كانت هدية وطبعها زين شاريها من السوق وحلبتها عندي بالمراح لمدة يومين ولين جاء العامل وحلبها وعقبها صارت قشرا وما حد يقربها ولي الان 10 أيام ما تحلب لي الا برباط فخذها بقوة
وما تغيرت ووالله ان حليبها صار ما يهنيني وكرهت الوقت الي أحلبها فية ويش الحل فيها وما هوسبب تغير هداوتها.

الموضوع الأصلي: طريقة عسف أو تطبيع الخلفة البكر ؟ || الكاتب: سالم محمد اليامي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

'vdrm ust H, j'fdu hgogtm hgf;v ?

[ناصر اليامي]

المشاركة الأصلية كتبت بواسطة سالم محمد اليامي

مساء الخير على الجميع


أولا : ما هي أفضل طريقة لتطبيع الخلفة البكر وحلبها بدون رباط مع التوضيح والشرح الممل وهل يوجد عدة طرق من خلال تجاربكم .
* هذي طال عمرك بسيطه اول ما تلد الناقه البكر قبل ما يرضع حوارها ادحنها وادخل فيها وخلك جسور واحلبها .وبعد ما تحلبها ارضع حوارها وانشاء الله انها وحده بوحده .



ثانيا : عندي خلفة ام ثاني كانت هدية وطبعها زين شاريها من السوق وحلبتها عندي بالمراح لمدة يومين ولين جاء العامل وحلبها وعقبها صارت قشرا وما حد يقربها ولي الان 10 أيام ما تحلب لي الا برباط فخذها بقوة
وما تغيرت ووالله ان حليبها صار ما يهنيني وكرهت الوقت الي أحلبها فية ويش الحل فيها وما هوسبب تغير هداوتها.

وهذي اسأل العامل وش سوا بها ؟ يمكن وهو خبطها ولا سوا بها شي يخليها تستجن .

ابو سالم اتمنى اني افدتك ولو بالقليل .
أخيك / علي اليامي

طولت البال تجيبها
والعامل خله يقص اضافره الفين في الميه انها طويله

طريقة حلب البل خاصة مهوب كل واحد يعرفها حتى رعيان الغنم لا جا يحلبها يقبصها كنها عنز وأكيد بترمحه

والبكرة البكر ياطويل العمر لازم لها الحبل لانها تنكر الحالب وهو يحلبها مهيب متعودة على الحلب
لكن عندي طريقة اسويها مع بكاري
اول شي ان كانها تنكر العقال وتخبط وتعض فعودها على التنويخ والتخييخ بحيث لا كنت برا الشبك ما غير تقل لها إخ إخ وعلى طول تبرك ثم عقلها ثم ثورها وخل واحد عند راسها يلقمها خبز ويداريها بالخبز وتأبط الخيزرانة عشان تشوفها بس ولا تطقها حتى تتعود على الحلب وتتسنع وطرق تهدية الخلفة البكر كثيرة وعلى حسب البكرة

الثنو اللي عندك مثل ماقال محمد اليامي خل العامل يقص أضافره ولا يقبصها ومادام أصلها هديه فابشر انها ترجع على أصلها لكن يبغالها تعويد على الحلب النظيف
تحياتي لك ياخوي سالم أرجوا اني افدتك

جـــــزاكــم الله خــــير الجــــزاء على المعلومات القيمه والمفيده للجميع .

يمكنه يعور ديدها وهو يحلبها او انه ذابحها بالطق

الله يجزاكم خير على المعلومات المفيده.

أرجو ان يثبت الموضوع . وكون فيه مشاركات من اهل الخبره والمعرفا فى التطبيع والعسف لانه موضوع مهم جدا للجميع

وتقدر تقول فى الصميم والكل يتعرض الى هذا النوع من البل. وفيه فائده للجميع وخاصه الجديد من المربين ( الى اخوكم منهم)

بالنسبة للبكر لايدنسها إلا راعيها لمدة أيام حتى تعود ولكن بعض الاباكير قشرا من الولادة تترك ثم يعاود راعيها عليها وهذا خطأ والصحيح من أول الولادة تكون يدك فيها مع المقاردة واحد يقارد لها والأخر يحلب بشويش حتى تعود البكرة ولمدة اسبوع وأكثر وإذا رحت لاتخلي العامل يحلبها قل له قارد لها بدون حليب لين تجي...

يا اخوان اللبل مع المهاداه تجي

مع العماله اللي ماتخاف الله طق وترويع

البل تبي واحد يتكلملها لا جاها ويهاديه بعقال بحبل على ماطبعها
العمال يعيفون الواحد بحلااااااله

تحياتي

عندي ناقه بكر وولدت بداية شهر عشره ولا رامت ولدها ولا تخلي أحد يقربها !
وش الدبره وش نسوي ؟
السوداني يدخل عليها يبي يحلب للحوار ترمح وتدور في الشبك وودها تبرك ،، اللهم انها عطفت مرة بأمر من الله وشرب الحوار ،،، بالعربي الناقه متطيره وانا نبيها تروم الحوار ،،، أو تعطينا حليب ولكن حالتنا حاله ،،، إنا لله وإنا إليه راجعون ،،، قام العامل وحط في رجليها قيد ثابت بكيس شعير !
ولا فيه فايده تدف الشبك وهي مغمضه عيونها تبي الهجه ،،، ولكن مافيه فايده ،،، قال السوداني فيه طريقه ممتازه ! قلت وش الطريقه قال بحط لها رسن في راسها كم يوم وإذا ماطاعت سفرني ،،،، الحقيقه في وقتها أنا خايف على الحوار لايموت ماعندنا حليب أبل في المراح أبدا ... وهي مارامته لحد ثاني يوم ،،،
حط لها رسن في الراس وربطه في أعلى مرباع في الشبك ،،، وبعد ماتم السيطره على حركتها ،،، بدأت مرحلة التسبيح والتهليل ومقاردت الديس لمدة ثلاث أيام تعطف بعد نصف ساعه من المقارد وتعطف لكن ما بعد رامت الحوار وعلى خامس يوم رامت أبشركم الحوار وأتحداك تلمس الحوار وتقربه . وبعد مرور شهر 15 يوم فك الرسن وبعد مرور شهر فك القيد والآن نحلب بدون أي شيء والأمور على مايرام .

أي والله الأبل مع المهاداه وتراعي خاطرها وهي تطيع

عني انا ان البلا من عاملك ..

كان عندي عامل يماني يقرص البل في ديوسهااااا

حسبه الله ..

لين طير البل ..