عن رمان فحل الفصام الي عند الامير عبد العزيز بن فهد

عن رمان فحل الفصام الي عند الامير عبد العزيز بن فهد

السلام عليكم ورحمة الله وبركاته
كل عام وانتم بخير
اذا ماعليكم امر ابي صورة الفحل رمان الي عند الامير عبدالعزيز بن فهد الاوضح
ومعلومات عن انتاجه وطيبها

الموضوع الأصلي: عن رمان فحل الفصام الي عند الامير عبد العزيز بن فهد || الكاتب: فيصل العنزي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

uk vlhk tpg hgtwhl hgd uk] hghldv uf] hgu.d. fk ti]

وعليك السلام ورحمه الله وبركاته


الفحل اسمه ابو يد شراه الامير عبد العزيز بن فهد من الفصام مع جمله ابل

وانتاجه خيالي ومن انتاجه

فحل عند عبدالله بن دلمخ السبيعي يسام بسبعه مليون وخمس ميه

فحل ابراهيم المهيلب يسام بتسعه ملايين

فحل عميق بن فهد الغييثي

وفنجال الشيباني شرا ثلاث من بناته الوحده بمليون وسبع ميه

وانتاجه انتشر مع الابدوان


تقبل مروري

بيض الله وجهك ورحم ولديك من النار
اخوي عناد

وساسه غييثي من المناديع

عزالله انك تجيب العلم يا عناد

وبيض الله وجهك يا (موسوعة العفر)

والله انك مكسب للمنتدى واهل العفر بالذات

وجعلك تبطي حي

[ماجد عبيد الشيباني]

المشاركة الأصلية كتبت بواسطة أحمدالعشري

وساسه غييثي من المناديع

ابل الدواسر مجاهيم

اما رمان ساس ابل الجبعه اي بعير وناقه ساسها رمان فهي على رمان الجبعه

ومثل ماذكر الاخ عناد العتيبي

ان ابل الغييثات اللي ساسها رمان مشترا وهدايه من الملك خالد بن عبد العزيز (رحمه الله)

الاخ العزيز الابل ماهي حكر على ناس دون ناس والدواسر خاصه الغييثات والحراجين هل وضح من خلقو وارثينها جد عن جد الشي الثاني رمان الملك خالد ماهدوه الغييثات في مجاهيم هدوه في وضح طيبه وجابت الفحل الطيبه

يعطيكم العافيه كلن باأسمه
وياليت صوره ان امكن

[ماجد عبيد الشيباني]

المشاركة الأصلية كتبت بواسطة حمد الغواص

الاخ العزيز الابل ماهي حكر على ناس دون ناس والدواسر خاصه الغييثات والحراجين هل وضح من خلقو وارثينها جد عن جد الشي الثاني

رمان الملك خالد ماهدوه الغييثات في مجاهيم هدوه في وضح طيبه وجابت الفحل الطيبه

الاخ حمد الغواص

انت قلتها بنفسك رمان الملك خالد هدوه في وضح ماهدوه في مجاهيم

ورمان الملك خالد ساسه على الجبعه

يعني لو بنذكر مصدر البعير او الناقه نقول من انتاج فلان الغييثي

مانقول ساسه غييثي

لن الرمانات ساس ابل الجبعه

والغييثات ماخذين رمان شي هدو وشي مشترى من ابل الملك خالد

حبيت اوضح النقطه هاذي

حمد الغواص اشكرك على ردك المنصف والواقعي والحيادي تقبل تحياتي

السلام عليكم ز رحمة الله و بركاته

(أخوي ماجد عبيد الشيباني)

تقول في كلامك برد على أخونا حمد الغواص

(انت قلتها بنفسك رمان الملك خالد هدوه في وضح ماهدوه في مجاهيم

ورمان الملك خالد ساسه على الجبعه

يعني لو بنذكر مصدر البعير او الناقه نقول من انتاج فلان الغييثي

مانقول ساسه غييثي

لن الرمانات ساس ابل الجبعه )

لو قلنا نبي نمشي على كلامك ما صرت من أبل الجبعة

لأنه لا زم يكون فيه أحد قبلهم؟؟؟؟ فلو نمشي على كلامك ما وقفنا على الجبعة و لا غير هم


وبيض الله وجيهكم

ماجد بن عبيد

الدواسر هل مجاهيم نادره واهل مغاتير ماشيف مثلها

وان كان تبي تعرفهاا اسال عنها فنجال الشيباني اللي اغلب حلاله الطيب من سنين مضت مشراه من الغياثات قبل رمان وغيره

وكل عرب عندهم من الحلال الطيب مايكفيهم

الغياثات اهل مغاتير من قبل حكم الملك عبدالعزيز وقبل مايولد الملك خالد الله يرحمه

السلام عليكم جميعاً ...
بودي أعقب على تعقيب الأخ / ماجد عبيد الشيباني بخصوص أن الرمانات أصلها من الجبعاء الدويش ...
أولاً أصل رمانات الغيياثات ماهيب من الجبعاء الدويش بتاتاً .
آل الرمانه تنقسم قسمين القسم الأول وساسه الجبعاء الدويش والي من سلالتها البعير ألي درج على حياة الملك خالد من الجبعاء الدويش واستهده وجاه مشترى عن طريق وكيله حياة المرحوم عجمي بن منيخر الي أستهد من أنتاج بعير معزبه وهي الى الآن ابل مقيمه عند ابناءه ويهدون من سلالته وأكثر العجمان هادين من سلالته ومنهم ابن كمعان وغيره .
وأيضاً أحب أفيدك أن البعير ألي عند الطهيمي (كحيلان) ألي درج عليه من حياة ابن غصين الدوسري هو أيضاً من سلالة رمان عجمي ابن منيخر الي سلالته تنقاد إلى بعير الملك خالد (رمان الجبعاء ) ورمان الجبعاء كسب لدوشان وأصله من أبل الظفير .
ثانياً : السلاله الثانيه هي سلالة آل الرمانه (المناديع الغيياثات ) وهي مقيمة من أكثر من 200عام وهي كسب من ابل الظفير أيضاً وليست على بعير الجبعاء .ولكن بعير الجبعاء وبعير المناديع كلهن آل الرمانه وساسهن من الأصل هي من أبل الظفير .
ولكن الأبل والمرحان حسنت وغيرت بعض مواصفاتها فنجد سلالة فحل المناديع الغيياثات تختلف أختلاف كلي عن سلالة فحل الجبعاء وهذا من الأبل الي استهدت فيها البعارين الي أصلاً ساسها واحد ولكن الأبل الي استهدت فيها غيرت من سلالتها ومواصفاتها.
الفرق بين سلالة بعير المناديع وسلالة بعير الجبعاء واضح جداً للي يعرف أبجديات زين الأبل أو حتى مواصفاته .
بعير المناديع يتميز سلالته بطول العظم ووسع الجنب وأرتفاع الغارب وتقدم الظهر وطول الرقبه وكبر الراس ورهى السبال ووسع الشدوق ووسع المنخر وطفاح الحي وكبر المتن وعكرشة الوبره واللون وطول الذيل وذهان الأذن بدون حده .
وسلالة بعير الجبعاء يتميز بوضاح اللون وهزاعة العرقوب وقصر الذيل وتنكاس الظهر وقصر الغارب وكثر اللحم واستجلال الرقبه وتكون الرقبه ماهي طويل ولاهي قصيرهوكبر الراس وطول اللحي والسبال الزينه وتكون الناقه كبر متنها أكثر من طول عظمها وحجمها حجم مغتر شماليه .

أخواني : ودي أعقب على كلامه أن ابل الدواسر مجاهيم ماهيب مغاتير . أخي الفاضل ماجد أخواني الأعزاء أبل الدواسر تنقسم إلى قسمين مجاهيم ويقتنيها من مئات السنين الفرجان من الدواسر والصهبه وعيال سالم وعيال تغلب المصارير والعمور وغيرهم من القبائل العزيزه على مدى التاريخ وأطيب سلالات المجاهيم ولافيها جدال .
ثانياً المغاتير : وهي حلال الغيياثات والحراجين والشرافا والشكره من زايد ومن تغلب حلالاً ل المشاويه والخييالات وبنو عمومتهم .
كما أني ودي ابين ان ابل الغيياثات ماهيب كلها على رمان المناديع لا ولكن فيها معامق فحول فمنها آل بويضان ألي أنتشر أنتاجه مع ابن بليدم ومن ثم مع ربعه الغيياثات وسلالته ألى الحين موجوده عند أكثر الغيياثات وهو درج ل ابن بليدم من ابن بصيص المطيري وأصله من الجبعاء ايضاً ومن ثم الظفير وأيضاً بويضان آل خلف وأيضا البريهي ألي عند آل قاعد الغييثات ومنها أيضاً فحل ابن كديس أل يرجع آل اصل بويضان ومنه فحل الباتل المشهور غافلان هذا المعلومات الي أنا أعرف وأذا نسيت شي فأرجو العذر منكم ومن أهلها .
وللمعلوميه يا أخ ماجد ابل جماعتك وخاصتاً ملاك الأبل المشهورين /فنجال بن سلطان وابن مجيهير أكثر من النصف تجد عليها وسوم الدواسر وخاصتاً الغيياثات ولو أسألك الآن وش فحولهم الي هادينها هل تعلم أن فحل ابل فنجال هو فحل مشتريه من الباتل على غافلان الي درد من ابن كديس الغيياثات وقبله رمان الي اشتراها من الفصام واهداه على حياة الأمير سلطان ولي العهد رحمة الله عليه وأيضا فحل ابن مجيهير اشتراه ابن مجيهير وسنه جذع من أخت عويس الغيياثات بمبلغ 300ألف وهو على بعير عويس الغيياثات رمان
هل تعلم أن أكثر حلال أم رقيبه والأسعار الخياليه ألي نسمعها ها اليومين أكثر من أنتاج ابل الدواسر وانتاج ابلهم .
أنا ودي أعرج على فحول أهل أم رقيبه
1/الطهيمي بعيره أصله دوسري (كحيلان وسلالته) 2/ فنجال بعيره رمان الفصام وسلالته وبعير الباتل وبعير ماخذه من الحبردي وسلالته الهارب .
3/ابن دلمخ بعيره العالمي على ابو يد على رمان الفصام على رمان المناديع .4/ الميموني بعيره رمان على بعير آل حديد الغيياثات واشترى بعير على تمام .
5/غازي ابن عتيق بعيره الهدب على بعير الأمير سلطان الهدب والامير سلطان مشتريه من الرواعيه الدواسر وأصله ظفيري معامقه أصفر وهو أوضح .
6/ ابن قريع بعير خروفان الي شراه الأمير تركي بن محمد شاريه من الحراجين الدواسر وشرى ها الزمان أو تمنح من ابل ابن حريول بعير جذع على رمان الي اصله بعير المناديع 7/المهيلب بعيره ألي هاده من كم سنه وـقريباً ثلاثين بكره أو أكثر من الابل الي تشارك بالمزاين انتاجه هومن سلالة بعير الأمير عبدالعزيز بن فهد ابو يد ألي شاريه من الفصام ألي من ابل المناديع الغيياثات .
8/سلمان الفراج الي باع ابله على عبدالعزيز بن فهد بعيره ألي مع ابله شاريه من ابن صاهود وابن صاهود شاري أمه لقحه به من المصارير الدواسر وهي لقحه على الطريبل والطريبيل يرجع ساسه على ريمان وريمان على بويضان وبويضان ملك ابن بليدم الغيياثات الي شراه من ابن بصيص من حفر الباطن قبل حو ل 40سنه وهو من الطوافح والطوافح من ابل الظفير .
أخيراً وليس آخر إذا تبي تعرف الفرق بين بعير المناديع وبعير الجبعاء . طالعابل الامير عبدالعزيز بن فهد ,أبل الفصام وأبل ابن دلمخ وابل ابن حريول وابل المهيلب .
وأيضاَ طالع ابل الطهيمي وابل آل غصين الدوسري وابل آل كمعان العجمي وآل منيخر وتعرف الفرق بين سلالةبعير المناديع وسلالة بعير الجبعاء.
آسف على الإطالة ولكن جرى التوضيح إذا أصبت فمن الله وأن أخطت فمن نفسي . آسف إذا أخطأت في معلومه وهذا أجتهاد مني وحسب معلوماتي من أصحابها .
مع الشكر الجزيل للجميع ....... والسلام عليكم ورحمة الله وبركاته .