الفاطر تشاول

الفاطر تشاول

عندي فاطر تشاول إذا جاها الفحل وهي ماجاها ظراب أبد تقول أنها لقحه وهي ماهيب لقحه وجبت لها بصير ودس عليها وقطع منها الصيد لكن بعد ذلك لازالت على وضعها تشاول

الموضوع الأصلي: الفاطر تشاول || الكاتب: هادي الجابري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgth'v jah,g

هاذي حايل والله يعوضك احسن منها

هذي يا طويل العمر والسلامه ومن يقرا يبيلها دكتور يدس يده في حيا الناقه وينظفه،، يمكن معشش ولا غيره ..

وان شاء الله تلقح ناقتك .. وبالتوفيق .

الاخوان يقولون حايل ولا فهمت وش قصدهم بالكلمه
مسمى الحايل للي تحول سنه بدون لقاح
والاخ يقول انها تشاول للفحل وهي ماذاقت الضراب
يعني المشاول اسمه حيال؟
صححو المعلومه يااخوان الرجال يسئل عن المشاول واسبابه ولا كل حايل تشاول
الناقه معشش واذا انت بالرياض او حوله فيه رجال بصير مجرب

جزاكم الله خير على المرور الناقه عشرا وماحالت أبد وبنتها مفروده ذا الزمان

اناقه الله يسلمك معشش

مرحبا ياهادي مثل ماقالوا الاخوان او انها لقحة كسب يمكن اضربها بعيروانت مادريت عنها .

أخي ياليت تتأكد من الناقه

يمكن يكون فيها صيد

ودمت بخير

أًصبر عليها لين تتأكد

السلام عليكم ورحمة الله وبركاتة
أذا تأكد من نظافة الناقة فترى بعض الشوال خوف وهذا من كثر التحميل في الدينات ورفع وشد ذيل الابل عطلها ابرة يسره وبركها للفحل بعدها بفترة وتوكل على الله

ناقتك معش أنا بعلمك بتجربي مرت علي مثل ناقتك
أول شيء دقيت الناقه ابرة هيام
ولمدة ثلاث ايام مضاد ترامسين وفي اليوم الرابع قطعت عنها الصيد واضربها البعير والحمدلله القحت
وهي كانت تشاول اكثر من ست اشهر وكانها القحه

ناقتك مابعد جسرت انا عندي ناقة العام مثل ناقتك وبعد ماجسرت اضربها البعير ولقحت والله يرزقك منها

الناقه معشش

او انها خايفه من الفحل

الناقة ما تشاول الا لثلاث
1- معشر
2- معشش
3- خوف
و نت اتعرف ناقتك وختارلها وحدة من الثلاث

[ناصر اليامي]

المشاركة الأصلية كتبت بواسطة محمد ابو عدوة

مرحبا ياهادي مثل ماقالوا الاخوان او انها لقحة كسب يمكن اضربها بعيروانت مادريت عنها .

يمكن ,,
ويمكن انها بروووق ,,
ورايي انك تدخلها على فحل رباع ولا ازود معاود وهو ما يهمه شوال الناقه ,
البعير اللي يحكم عليها ودها تشاول ولا ما تشاول .