 الإهداءات | |
مركز رفع الملفات  | ||
|
 |  |
| ||||||||||
 |  |
| خيمة مزاين للمواضيع الاسلامية و العامة التي لاتختص بالابل |
| آخر المواضيع |
 |
| | أدوات الموضوع |
 27 / 12 / 2008, 19 : 08 AM | #1 | ||
| عضو  تاريخ التسجيل: 03 / 12 / 2007 المشاركات: 17 معدل تقييم المستوى: 0 
|  تكفا ترى تكفا تهزّ الرجاجيـل تكفا ترى تكفا تهزّ الرجاجيـل لولا ضروف الوقت ماقلت تكفا بيت مشهور من أكثر القصائد التي كثر اللغط حولها .. وهي للشاعر: محمد الدحيمي الشهري المعروف بــ (أخو تكفى (.. .اليك القصيدة بمحتوى البيت السابق. اما لطمنا العيل والا الطم العيل مادام شب النار مندوب الاطفا من ذاق حر القايله يعشق الليل ومن شب ضوه ليلة البرد يدفـا امسيت في جيلٍ ولاهوب ذالجيل واصبحت والا ديرتي شبه منفـا واللي حما بيته بطيـرن ابابيـل ماجيت ادور كل من صد وقفا ولاجيت ابشحذ يانما دلّه وهيل جيتك وجرح الظلم غاديه يشفا جيتك بكلمه كنها صعقة الويل ان قلت تكفا لاتهـاون بتكفـا تكفا تراها كلمةٍ تقطم الحيـل لابالله الا تنسف الحيـل نسفـا تكفا ترا تكفا لها هدرة السيـل في صدر حرٍ ينتف الطيب نتفـا تكفا ترا تكفا لها تسّرج الخيـل ان كان لك في مجمع الخيل عسفا تكفا تراني من قرومٍ مشاكيـل حماية الساقه بسيـفٍ وشلفـا تكفا وتكفا ماتسـاق لمهابيـل تكفا تخلّي القرم لاشٍ وهطفـا تكفا ترى تكفا تهزّ الرجاجيـل لولا ضروف الوقت ماقلت تكفا المصدر: منتـديـات مــزايـن j;th jvn j;th ji.~ hgv[h[dJg | ||
 |  |
| 27 / 12 / 2008, 44 : 08 AM | #2 | ||
| عضو نشيط تاريخ التسجيل: 15 / 04 / 2006 المشاركات: 305 معدل تقييم المستوى: 242
| الشاعر محمد الدحيمي اذا سمعت او قريت شعره عرفت ان اغلب اللي في الساحه هم من جماعة المليون صياح وكلام اغلبه حتى اللي قايله ما يعرف معناه ولك مني والجميع احدى روائعه : يمه غدرني الشيب قبل أفرح بشيٍ مشتهيه ....... أثري نحرت البحر وانا كنت اخاف من البلل يمه ترى حتى العسل نـــاسٍ تعرفه ماتبيـه ....... والا ترى الله مطريٍ في سورة النحـل العسل يمه ترى لوكل رجلٍ جــــــا مثل جدّه وابيــه ....... ان كان صاروا كل خلـــق الله نبيين ورسل كم كنت القح نخل جدّي رحمةالمولى عليه ....... وان قلت برد يقول "عمر البرد مالقّح نخل" وكم قلت فاسي ثلّمه جذع الأثل وازريت فيه ...... والبيد سيل من الجفاف وشلون ابحطب لك أثل والبير يــــــــاجدي حِثل والحِثل ماحدٍ يرتويه ....... وشلون ابرمي الدلو في بيرٍ وصافيــها حِثل ويقول"مزن الغيب يذبحه الظما من يحتريه ....... لابد مــــانشرب همـــــــاجٍ لين نلقى له بدل ولّم حطبك وماك واللي كتب له رزقٍ يجيه ....... ودنياك داريها قبل مايسبـق السيف العذل " طفولتي كانت رجـوله مـــــابها افراحٍ وتيه ....... في داخلي حتى البراءه عاشت رجـــولة طفل طفولتي همّ,, وشقى يمّه ولا قد قلت ليـــه ....... حتى مراجيـــــح الطفوله كانت شداد وجمل أكبر ويبقى الهـمّ فيني مثل ضيفٍ بالوجيه ....... أهـــــجّ من رمضـــا الضياع لمربعانية ملل يمّه ومن حظّـه مثل حظـــّي ردي لا تعذليه ....... لو ساقته فوضى الزمن لديــار عاقلها خبل حاولت من عاري الزمان اخذ سمل ثوب ارتديه ....... واثري مثل من حاول بياخذ من الحـافي نعل أحلى شبابي وانتهى في غربتي قبل ابتديه ....... ما لولشت له بنت بدو اتمشط اطراف الزعـل رجعت مثل اللي طلب ثار ولده من عند اخيه ....... شديت بـــالقعدان حملي يـــــوم ضيعت الزمل يمه وكلٍ قال مــــــــا لأمه مثيـــــل ولاشبيه ....... واللي خلق كلّ النســـا مالك شبيه ولا مثـــل يمه دخيل تراب ماطا رجلك الدمع احبسيه ....... هالكون كله مايساوي دمع عينـــــك لانهمل يمه فـرح والا حـزن دمع الغـلا لاتسفحيه ....... تبقى دموعك غاليـــــه لــوكان سبتها بصل ولاّ انا حظي كــذا مــافـرح بشيٍ مشتهيه ....... يمه مادام اني غرقت وشلون اخاف من البلل | ||
| | |
| 27 / 12 / 2008, 39 : 12 PM | #3 | ||
| مجموعة التكريم   تاريخ التسجيل: 01 / 09 / 2006 الدولة: بلاد ابومتعب المشاركات: 789 معدل تقييم المستوى: 246
| بيض الله وجهك00000 | ||
| | |
| 28 / 12 / 2008, 10 : 03 AM | #4 | ||
| مشرف ساحة عرض المغاتير العامة تاريخ التسجيل: 22 / 05 / 2007 المشاركات: 5,318 معدل تقييم المستوى: 334
| بيض الله وجهك0 | ||
| | |
| 29 / 12 / 2008, 14 : 06 AM | #5 | ||
| مجموعة التكريم تاريخ التسجيل: 09 / 06 / 2008 الدولة: السعوديه...الرياااض المشاركات: 3,873 معدل تقييم المستوى: 287
| والله يعطيك العافيه | ||
| | |
| 29 / 12 / 2008, 59 : 07 AM | #6 | ||
  تاريخ التسجيل: 23 / 05 / 2005 المشاركات: 6,063 معدل تقييم المستوى: 374
| اهم شيء اني عرفت صاحب البيت لانه انتشر في الجوالات واعرف واحد يقول انه له __________________ | ||
| | |
| 29 / 12 / 2008, 38 : 09 AM | #7 | ||
| عضو مجلس الإدارة تاريخ التسجيل: 12 / 06 / 2005 الدولة: الدوحة المشاركات: 1,776 معدل تقييم المستوى: 281
| لاني بالحقيقة ماكنت اعرفه قبل موضوعك وقد بحثت في النت عن هذا الشاعر واشعاره واتفاجأت للاسف انه كان من ضمن المشاركين في شاعر المليون ولم يظهر ضمن ال 48 مما يدل على ان البرنامج له حسابات اخرى غير الشعر وهي محاولة اثارة التنافس والتعصب بين الدول العربية للفوز بما في جيوبهم على حساب الشعر واهله ومتذوقيه وهنا اطالب الجميع بعدم التصويت في هذا لبرنامج ويكفينا لعب على عقولنا آسف على الخروج عن الموضوع ولكنه هاجس يراودني واردت طرحه... ونعود للشاعر وهذه نبذة عن شخصيته واحدى قصائده: هو الشاعر محمد الدحيمي .. ابن شاعر بني شهر المعروف رافع بن دروش الدحيمي الشهري .. يعتبر من أشهر شعراء قصائد النظم في منطقة الخليج .. لما يمتلك من موهبة شعرية فذة ومعين لا ينضب من الجزالة والمعاني القوية .. ويمتلك اسلوب خاص في قصائده لا يجيدها غيره .. قال عنه الشاعر الكبير مساعد الرشيدي .. (محمد الدحيمي شاعر سيلغي جميع التجارب السابقة فقط انتظروه) .. له قصائد كثيرة منشورة في المجلات الشعرية والشعبية والجرائد اليومية و المواقع الشعرية في الانترنت .. بالاضافة لإقامته العديد من الامسيات الشعرية مع كبار الشعراء في مختلف مناطق المملكة .. له قصيدة بعنوان (ملحمة الجن) فازت بالمركز الأول في مهرجان الجنادرية شاعرٍ له مع هـل الطـولات والعليـا مقامـي=جاء يقول الصدق لو كان اعذب الشعر اكذبـه في زمانٍ صار عذب الشعر من حشو الكلامـي=والقصايـد روّحـت عـذراء ورجعـت ثيبـه يرتوي من جـم معنـاه المعاطيـش الحيامـي=الشعـر يكتبـه مانـتّـف شـعـره بيكتـبـه يارجيلي عانش الله في غبوشـش والجهامـي=السنيـن عجـاف والدنيـا قـفـارٍ مجـدبـه والله اني ماقدرت اصبر وانـا مقهـور كامـي=من ورى صبري على ضيم السنيـن المحنبـه كنت اخايل بارقٍ ضوحه فتق صـدر الظلامـي=نوب يجذبني سنا برقـه وانـا نـوب اجذبـه بـارقٍ خايـن كـذوبٍ ياعيونـي يالحـلامـي=عادته يجهرش نوضه ليـن تقذيـش اشهبـه البلا اني كل مـادورت لأسـم مـن الاسامـي=طحت بإسمٍ ضايـعٍ معنـاه وازريـت اعربـه شرهتـي ياكبرهـا يـادرع جنبـي ياحزامـي=الهبود الجرب ينشر فـي حمـا الـذود جربـه واللحى يادرع جنبـي ستـر لوجيـهٍ حشامـي=وانت تدري ماستر وجـه الثعـل غيـر ذنبـه ماعطيت اللاش وآخيه الثعـل جـل اهتمامـي=خابرن بين الثعل والـلاش وش وجـه الشبـه وان تبي تعرف علامي يوم تنشد وش علامـي=لدّ عينك يـم نجـم سهيـل والشـوف اندبـه فاطري تضلع وانا صـدّرت جـم العـد ظامـي=نذر ياعـدٍّ يمـنّ المـاء لامـوت ولا اشربـه ومن بنات الفكر في فكـري ثمـانٍ بالتمامـي=سبع منهن طاهـراتٍ .. غيـر وحـده مذنبـه عاربـه يالعاربـه ياللـي عيونـش ماتنامـي=ماقـذى عينـش سـوى سبّابـة المستعربـه جعلها تبطـي الحراميـه علـى ذمـة حرامـي=الحنش يلقـى الحنـش .. والعقربـه للعقربـه مادفن وسط الثرى راسه سوى ربـدا النعامـي=ومن عجز يادّبه ابيه .. يحصـل اللـي يادّبـه ياحلالي والله ان تخسا يديـن ابـن الحرامـي=ماتنوشش حد لي عـرقٍ يـدق النبـض بـه ووالله ان تبطين وانا اهيم في حبـش هيامـي=ويبطي اسمش نقش في قلبي ولا احدن يشطبه فدوتش من تردف الغدفه على مثنـى اللثامـي=عذربينـي منـش ياحلـو العـذل والعـذربـه وابشريبـي ماكـرٍ ماطـاح بشْبكـة الحمامـي=من حرار الطير لامـن جـاع شبـع بمخلبـه ميل لاهبت هبوب النـود يـا عـود البشامـي=ميل والعوشز عجبه او جعل عمـره ماعجبـه (قزوعي .. يالقزوعي) ميّل على (ربخة تهامي=)ادقل ( المدقال) عرضه .. عقبها (اللعب ) العبه ماذخرتش يايميني فـي رجـا طـق الدمامـي=ولاني اللي هـز حقـوه عقـب ماطـق رْقبـه يانما ماكل من شل (ام خمس ) يصيـر رامـي=كـل وادي خابريـن مـاه ونعْـرف حطـبـه يانما هرشـك فطيحـه لاكبـر جـاه السقامـي=الجرب قبل يتعـرش غـارب الهـرش اكربـه والذلول اللي شحـم وركينهـا كبـر السنامـي=اعرف ان السّن نابت فـي جماهـا .. وانتبـه قدهي تـوّرد وتصـدر .. مايعقّلهـا الخطامـي=والـردي اللـي زملهـا .. نوختـه بتركـبـه يانما في ذمتـي مـن لايضيـم انـه يضامـي=ومن كبر راسه كبـر صالبـه وابطـى يتعبـه ياعسى ليل الشتا يخطيـش بـرده ياعظامـي=وياذلولي درهمـي مابيـن ( بيشـه وتربـه ) وياخوالي كل ماهتـز القنـا بانخـى عمامـي=مايقص الـراس غيـر اللـي بحكمـه ركبّـه مانتخيت الا ( دحيم ) مخضبة حـد الحسامـي=لابةٍ لو هازاهـا جنّـي .. تجـن الجـن بـه والوفا مثل الدخيل اللي زبـن وجـه الكرامـي=طامـنٍ فـي لحيـة النشمـي ويطلـع بشْنبـه ماشبعنـا شبعـة المعـدوم بايـام الصرامـي=لـو مكالفنـا تغـنـي ( حبـنّـا ياجنـدبـه) والقليب اللي جمع (شهري بقحطانـي ويامـي=)والله ان تسفح عجـوزه دمعهـا مـن يقربـه وياسلام الله على دار الوفـا واثنـي سلامـي=من جنوبه للشمـال .. لمشرقـه .. ولمغربـه __________________  | ||
| | |
| 29 / 12 / 2008, 13 : 10 AM | #8 | ||
| مجموعة التكريم تاريخ التسجيل: 28 / 11 / 2006 المشاركات: 1,186 معدل تقييم المستوى: 251
| شاعر مبدع ومظلوم اعلاميآ. | ||
| | |
| 27 / 04 / 2009, 08 : 02 PM | #9 | ||
| مجموعة التكريم تاريخ التسجيل: 21 / 02 / 2008 الدولة: الســــــــعوديه المشاركات: 2,558 معدل تقييم المستوى: 264
| حمد العرق , ماجد الدوسري , مبارك المري , كل الشكر لكم على تسليط الضوء على الشاعر محمد الدحيمي , | ||
| | |
|
| |
أرجو أن يكون ردك على الموضوع بصيغة جميلة تعبر عن شخصيتك الغالية عندنا يا غير مسجل
الذين يشاهدون محتوى الموضوع الآن : 1 ( الأعضاء 0 والزوار 1)
تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك
BB code is متاحة الابتسامات متاحة كود [IMG] متاحة كود HTML معطلة
 |
