# دلـونـي عـلى الأنـسـب يا أعـضاء مـزايـن . أيـهمـا أختـار .؟ #

المشاركة الأصلية كتبت بواسطة محمدالروقي

الساس الساس الساس


والجنادريه خير دليل مليانه فحول اشكالها فاخره والنتيجه تسام قصب ب5000 و6000

بس صورة المقارنه اللي انت حاطها تخوف اهد فحل شكله عادي بس زي اللي انت حاطها

عقوووووووووووووبه حط صورة مقارنه معقوله

بالتوفيق ومشكور على الموضوع الهادف

المشاركة الأصلية كتبت بواسطة مبارك الرمالي

اضم صوتي لأخي محمد الروقي

والدليل رح لسوق الأبل وشوف الشكل الي يعجبك واشتر بالقيمة الرخيصة وهده .

بس صوووور المقارنة هي الي مسوية تخوف من الثاني .

اضم صوتي للاخوان محمد الروقي ومبارك الرمالي

الساااس الساااس الساااس قبل الرااااااس
ـ

الساس وانا اخوك الساس

والا الشكل ماعليك منة وترى القعود اللي امة طيبه وابوة طيب قليل اللي يجي

شكله طيب عادة يجي ماهو بذاك الزود

اذكر سالفة مرة على رفيق يقول

جينا نضرب عند واحد من الربع والرجال منصح لنا وقال ضربوا القعود الجذع

يقول يومنا برقنا في القعود اليا هو الموت قلنا حنا ما جينا الا نبي الهرش قال على راحتكم

يقول وضربنا وتلاقحت اباعرنا وعلى الحول وينتج القعود ويجيب شي لا اله الا الله وانتاجة اطيب من انتاج ابوة بمراحل

والسبب لتوفيق الله عز وجل ثم لان امة طيبة وابوة طيب

في الختام اهتم في الساس والشكل لا يغرك

اخـوي السسـآس ،، الشكل لايهمك

أنا اقول الساس ولا غيره
وبخصوص هذ الموضوع أنا عندي مقارنه على الطبيعه
عندي بعير ساس قوي جداً وإمعانه وخواته وقفن ام رقيقه توقيف وهو من ابل الشيخ فهيد بن فنيساان السبيعي ابوه شرهان الي مات عند ابو سلمان
وامه طيبه جداً مع العلم ان شكله عادي جداً
ولله الحمد اضربوه الجماعه وانتج عندهم بكار تسام على ٢٠٠٠٠ و ٣٥٠٠٠ وأمهاتهن جداً عاديه من اباعر الشمال
والآن لقحات عليه ٣ من ابلي أحلى وازين من الي الجماعه وإنشاءالله يرزقنا منه الانتاج الي يسر
وأبي اعرض لكم إنتاجه فيما بعد

نرجع للموضوع اهتمو بإلساس الساس ولا غيره

الزين الزين يا ابو بندر

هلا يابو بندر
القعود الاول اطيب وراسه زين والثاني وده للقصاب وتصدقبه

عليك بالسااااااااس والشكل لايهمك

يعطيك العافيه

لاهنت على هذا الطرح المفيد

وعلى ما قال راعي الاوله


الزين فارض نفسه
وما جاء الزين من فراغ

هذا ولك تحيتي

المشاركة الأصلية كتبت بواسطة خالد الفالح

عدم معرفة اصل القعود لا يدل على ان اصله ردي فزينه ما جاء من فراغ
وياكم قعود اصله معروف وانتاجه ردي
وبالنسبه لي بهد الزين لو ما اعرف سره
وان تساوو في الزين او تقاربوا في الشكل هديت معروف السر

مع ابو فالح

بصراحه ياطلال

موضوع محيير

ويقول المثل لا بغيت تحيره خيره

الزين والاصل

الزين ماياتي زينه من فراغ كما ذكروا الاخوان ويمكن يكون فحل طيب اضرب ناقه عاديه جدا وجابت فحل شكله عادي واتاجه بيجي على ابوه

وانا بنفسي شاهدت فحول لا تصدق في انتاجهااا

الخلاصــــــه

علـــــيك بـ الســــــــــــــــــاس قبل كل شي

مثال بسيط وطريف

لو يجيك رجال يخطب بنتك شكله عادي وانت تدري انه من ذاك الحموله الطيبه اكيد بتزوجه

ولو يجيك رجال شخصيه و مرسم بالكوبرا والموتر رنج والحركات وانت ماتدري من وينه لافي اكيد انك بتطرده

تحيتي

..

لاتــــهـــد الا الــزيــن

الساس الساس الساس الساس الساس الساس الساس الساس الساس
عليك ابه كب اللي مايدرى وش اصله

اكيد اباخذ الاول لو ماعرف اصله منين جاب الزين ماهو راح بعيد