وش الحل اللي تاكل الدمن

المشاركة الأصلية كتبت بواسطة ثامر فايز

ياسمي الله يخليك لي البل ماتاكل الشعير
البل طعامها مكعب وذره

والله مدري وش حله عاذي بس عطها ملح ابيض وانشاء الله خير

الاخوه الكرام اسعدني مروركم وتعليقاتكم

ياثامر انت صادق كانت عندي وعزلتها عن البل ولا خليت دبره ما دبرتها اخر شي قمت احط لها شوي جاره فالما قطرتين وتشربه يوم اعطيها ويوم ما اعطيها 0 جاني رشيدي مضير بيضير عندي ناقه وخليته يشوف البكره وقال لي البكره اكلت قراد مع الاكل ويعيش في بطنها وترتاح لااكلت الدمن وضحكت عليه وبعد فتره قلت ليش ما احط شوي جاره فالما البدو يحطون الجاره للبل ما ضرها بس ما يكثرون وجربتها والبكره تشرب ان كانها ضميانه وهي عايفه بس عطها على الجوع ولا تعطيها علف عقب الما الا بعد نصف ساعه اسبوعين وعطها زيت خروع في فمها قاروره صحه ام اريال ولا تملاها و بتذرق ما في بطنها وعقبها عطها حبوب الدود اللي تجي خمس حبات في شريط يعطيك غيرها يقول اقوا لاتصدقه ام خمس حبات هي اقوا شي شريطها ب15 ريال وهذي اهم شي كل عشرة ايام لمدة شهر يعني ثلاث مرات فالشهر 0 وتحياتي

الله يعطيكم العافيه ع التعليقات

الاخ تميم الله لايهينك على الشرح المفصل ويعطيك العافيه بس الحبوب الدود وش نوعها هل هي الهنديه
لان فيه ناس واجد يمدحونها وفيه كثرهم يذمونها

هي هنديه لكن الهنديه انواع عليك باللي شريطها فيه خمس حبات لان الاخرى فيها اربع حبات في الشريط وانا ابروح للبل وابشوف اسمها انتظرني الليله انشالله 0تحياتي

الله لايهينك قل اخلاف راح استناء منك اسم الدواء

الدمن تاكله حتى وهي في الربيع ماعلفوها اهلها

المشاركة الأصلية كتبت بواسطة ثامر فايز

الله لايهينك قل اخلاف راح استناء منك اسم الدواء

البونيل اسم الدواء وهي نوعين قوي وخفيف ونفس الاسم خذ القوي وتعطي المفرود حبه وحده كل عشر ايام واللقيه والجذعه حبتين والناقه الكبيره ثلاث على الجوع وخلها نصف ساعه بعد العلاج وعلفها 0 حنا نحط الحبه في خبزه صامولي نحفر لها فالصامولي وندفنها ونلقم البكره ولا تطرحها ولا تتعب وعطها عقبها الما اهم شي يملا كرشها وامعاها مع الدواء ويذبح دود الكرش والامعاء

المشاركة الأصلية كتبت بواسطة فايز بن محمد

الدمن تاكله حتى وهي في الربيع ماعلفوها اهلها

صح السانك وهذا دليل انه دود ياكل نصف ماتاكل البكره وتحس بالجوع وتعود على الدمن والله اعلم ويمكن الرشيدي كلامه في محله

الاخ تميم الاخوه الاعضاء لكم كل الشكر على تجاوبكم
وتعلقاتكم