شوال مستمر على مدار السنه

عندي ثنتين شريتهن حيل مع جملة ابل وهن ازين اللي شريتهن وفيهن المشاول وما خليت عنها جبت لها دكاتره بيطره وشعبيين و ماش فايده ومن حبي لوحده منهن رحت للمصلخ وطلبت رحم فاطر وشرحته كامل وعرفت اجزاء الرحم الكلام كله ماهو على قربة الرحم اللي يغسلونها الدكاتر الكلام على قراين الناقه وهي اللي فيها اللقاح والقراين تختلف من ناقه لناقه ويلتوي اقصاه احيانا بعد ولادة الناقه وتحيل بعدها وتدس عليها وتشوفها ما فيها شي بس العقده با اخرها وهي مثل الماصوره يدخل اصبعين فيها والا اصبع احيانا والعقده سبب المشاول وهذي لقيت لها بعد سنتين تجارب وابشرك لقحن الثنتين وانتجن لا زم تطرح الناقه على جنبها الايمن وتدخل على الحافظه اليسرى وتلقاها مرتخيه وتجرها بشويش تكفا تراها ان عسرتها شديت على العقده زود واعميتها جب الرحم كله بشويش بعد ما تطرحه ويلين ثم اسحب القرينه ابتتعب يدك واجد لكن ان لقيتها جرها من وراها كنك تفسخ شراب كرمت وافركها وعصرها بشويش وغرقها زيت وتلين وابيطلع دم ووسخ كرمت ورجعها كنك معدل الشراب للداخل دف با اصابعك واسدحها يسار وادخل على اليمنى ونفس العمليه 0
والشي الثاني اللي يخليها تشاول وهو ابسط من العقده وهو ما يسمى علاقة بول البعير وعدم اتمام عملية اللقاح ويحتاج الى غرف من الناقه وتنظيف القربه وبعدها تحتاج الى ابرة جسره ثلاث مرات كل اسبوعين وهي بمثابة تنظيم وتنشيط جسرة الناقه لانها متعطله فتره ولا تضربها الفتره هذي انتبه الا بعد الابره الثالثه با اسبوعين عطها ابره رابعه وبعدها بثلاث ايام فك البعير عليها
ولا تطرحها له

اما الناقه اللي حايل ولا تشاول عندي طريقه وسهله وبتستغربون وان شالله تدعون لي وشيباني اذا استعصت مره بعد ادخالك وكشف الدكتور والتنظيف اطرحها على جنبها الايمن (الايمن )ودور بعير عليمي جذع وخلها يضربها وانتم سادحينها 0 اللهم انفع بها واجعل اجرها لي ولوالديني 0 اعتذر عن الاطاله

السلام عليكم ورحمة الله وبركاته
انا اختلف معكم الراي واوافق الاخ تميم التميمي بس بعد ماتنضف الرحم وتفتح القرن سرح بالرحم تسريحه وهذي ممكن انه غريبه شوي عليكم واوصف طريقتها
ارطى وملح ويكون مطحون بشكل جيد ثم يوضع في شال يكون شفاف ويربط في خيط ثم يوضع برحم الناقه ويربط الخيط بذيلها طبعا راح يخرج الشال من رحم الناقه بعد يوم تقريبا وهذا يعتبر شد لرحم الناقه لان بعض الابل اذا تقدمت بالعمر يكون الرحم لديها رخو اما المشاول فكما ذكر اخوي تميم فتح القرن

اخوى تميم التميمى
اخوى منيخر ال منيخر
مرحبا والله ومسهلا والله انى عاجز عن شكركم وبا قى الاخوه السابقين وبيض الله وجيهكم
اخوى تميم تجربتك رائعه وما هى سهله تبغى واحد بصير بالحيل ويمكن تكون هى الحل لكن الله يرحم شيبانك عن النار اذا تعرف دكتور عنده درايه تامه بالطريقه هاذى زودنى برقمه واسمه لاهنت واكون شاكر ومقدر
ويجعلها فى موازين اعمالك الخيره
وبالنسبه لاضافة النشمى منيخر الله يجزاه خير ويرحم والديه عن النار الملح والارطا سهله مثل ما تفضل
لكن ياخوان فيه حاجه فى الناقه ودى اذكرها يمكن تفيد بشى عن سبب الشول بالعاده الحايل يكون ديدها ناشف
لكن الناقه هاذى قادم الحوار من سنه كامله وهى فيه مثل الماء وانظفه بالحلب ويرجع فى كل مره هل هذا يدل على شى او امر عادى ولكم منى جزيل الشكر والتقدير

اخوي انا مافهمت القصد قصدك ان اللي يخرج وتنظفه من ديدها او من ايش يخرج وللمعلوميه العلاج اللي ذكرته لناقه اللتي حالت بعد ولاد لان رخاوة الرحم مايكون في الحايل العقيم
اقصد التي لم تلد سابقاً والارطى والملح والرمان يكون دباغ لان الرحم مثل الصميل اذا تعرض في غسيل اوغيره يرتخي ويتعفن طبعاً هذا الشي لايعرفه الا الشيبان الكبار الذين مارسو الطب
الشعبي ولم يكن على دورهم صيدليات ودكاتر علم وكله من واقع تجارب وان افضل ذالك ولو لم يكن بطريقه علميه لانه جرب من قبل وافاد

اخوك منيف لاهنت طال عمرك
اى نعم اللى اقصده مويه فى الديد قادم الحوار احلبه وانظفه وترجع له المويه والحايل حسب معرفتى ديدها ناشف اخوى منيف ولك منى خالص الشكر والتقدير

الاخ تميم لاهنت وش قصدك تجيب الرحم كله بشويش وتطرحه هاذى الله يجزاك خير ما فهمتها ياليت اخوى تميم توضح ولا احد الاخوان الله يجزاكم خير

طيب اذا مافيه مانع الاتصال0566630609

ابشر والله بسعدك يامنيف والله يشرفنى ويسعدنى انى اتصل بك وبالحوات الغانمه مثلك وشرواك والله يجعل والديك فى الجنه ويرحمهم عن النار

مرحبا يا سعد بالنسبه لناقتك شف اقرب بيطري فالقويعيه خله ينظف عنها ويعطيها كورس لان طريقتهم وحده ابر تنضيف وابر جسره وحبوب رحم كلهم كذا وهي مهمه ويقطع لناقتك الصيد جبه الان علاجه قبل الضراب يمكن تبي لها اسبوعين والا شهر اذا فيها التهاب وهذي علاجها اسمه دكسول فايف يعني خمسه بانجليزي جهازي ما يكتب الاعربي ممتاز ومجرب
مية سم عطها كورس علبتين 0 اهم شي اذا ادخل عليها وعقبه تركت المشاول ما عليها خلاف ما غير عش وهذا بسيط وكثير فالابل واذا ما تركت المشاول علمنا والله يكتب لك الخير تيسر ان شالله
بالنسبه للديد هل اللي تحلبه منه له ريحة عفونه اذا له ريحه0 العلاج اللي ذكرته لك ممتاز مع بنسلين 0
وفي اعتقادي انها جتك مضيره ولا هيب مره مرتين والا ثلاث وكلهن ما ركبن ترى الرشايده اللي يبيعون الحليب اغلب خلفاتهم ضيار حيل ياخذها الاول ولا يركب ضيارها ويجي اللي بعده ويجرب 0عنده ان الاول ما سكر مناسمها زين ولا عرف يضيرها ويعزر فيها ويخليها شهرين ويضيرها بعد هو والا غيره والحين فيه طريقه ما يحزون مدمنها ولا يبين يسمونها كبس ويبيعون الحايل خلفه الله لا يربحهم
ويمكن مزر فالديد وهذا ما يردها تلقح 0
اعرضها وعلمنا يا سعد 0تحياتي

اخوانى الزملاء اعضاء وزوار منتدى مزاين مساكم الله بالخير
الشهر الكريم عليكم مبارك وجعلنا الله واياكم من صوامه وقوامه وختامه لتا ولكم بالعتق من نيرانه
اخوى تميم التميمى لاهنت وبيض الله وجهك ولاهانو الربع كلهم
انا اليوم طلعت عليها دكتور مصرى وبدا معها الكورس طبعا يقول نظيفه لكن يقول فيها حاجه غريبه يقول ان الرحم يوم جا يدخل محلول الغسيل عشان يدخل داخل الرحم بالعاده يفتح بيده عشان يدخل المحلول لكن فى ناقتى يقول راح المحلول على طول ويقول بالمصر ى رحمها عامل مثل البلونه وانا بتابع معها وبطلعكم على النتائج ولكم منى خالص الشكر والتقدير

المشاركة الأصلية كتبت بواسطة سعد العريفي

اخوانى الزملاء اعضاء وزوار منتدى مزاين مساكم الله بالخير
الشهر الكريم عليكم مبارك وجعلنا الله واياكم من صوامه وقوامه وختامه لتا ولكم بالعتق من نيرانه
اخوى تميم التميمى لاهنت وبيض الله وجهك ولاهانو الربع كلهم
انا اليوم طلعت عليها دكتور مصرى وبدا معها الكورس طبعا يقول نظيفه لكن يقول فيها حاجه غريبه يقول ان الرحم يوم جا يدخل محلول الغسيل عشان يدخل داخل الرحم بالعاده يفتح بيده عشان يدخل المحلول لكن فى ناقتى يقول راح المحلول على طول ويقول بالمصر ى رحمها عامل مثل البلونه وانا بتابع معها وبطلعكم على النتائج ولكم منى خالص الشكر والتقدير

مرحبا ياسعد وكل عام وانت بخير

تابع وعطنا العلوم خلت المشاول بعد ما ادخل عليها البيطري والا على حالها وهل غرف عنها ونظف ووش يقول سبب المشاول براي سعادته

المشاركة الأصلية كتبت بواسطة مبارك العازمي

الاخ سعد انا كانت عندي ناقه نفس ناقتك بالظبط وجبتلها دكاتره وجبتلها ناس فاهمه ودسو عليها ونظفو وقطعو وماكو شي ماسويته لها وسنتين مافيه بعير ماضربها ولاكو فايده شف وانا اخوك انت تقول الناقه فاطر شف حلمات ديدها كانهن وانا اخوك صغار ترى الناقه ماعمرها ولدت يعني عقيم لاتعب نفسك وتخسر عليها انا بعتها قصاب عسى الله يرزقك باحسن منها

كلامه صحيح والله يعوض عليك

اخوى تميم التميمى صبحك الله بالخير يالطيب
بالنسبه للناقه ما تركت المشاول بعد التنظيف وعطاها ابر ه فيها 2ملم اسمها سايستوريلن جر عتين مره وحده وكررتها بعد 48ساعه هذا بالاضافه الى ابرة تنظيف اوكسى توكسن ثلاث ايام متتاليه والشول لازال
ودورت فى الرياض على الابره اللى قلت دكسول 5 ماحصلتها فى الصيدليات اللى على طريق الحاير ويقولون الابره ويش هى له هى حقت الخيول ليت توضح لى طال عمرك وين احصلها ويش هى له
هذا والله يجعل والدينك فى الجنه ويرحمهم عن النار وتقبل الله منا ومنك صيامنا وقيامنا ومن جميع المسلمين آمين يارب العالمين

اخوي سعد 3 امور وارده إصابة الناقه في وحده منهن اتصل بي
ج =0590911730

اخوى سعود الشهرانى الشهر عليك مبارك ولاهنت على المرور الطيب وانا ببذل الاسباب والباقى على الله سبحانه ولك منى جزيل الشكر