علاج للين او التفدع

علاج للين او التفدع

بسم الله الرحمن الرحيم
كل عام وانتم بصحه وعافيه ولامه الاسلاميه جميعا
هذا علاج جربته ونجح معي لعلاج الزند او الين او الطرق الي يجي بيدين الحشو ويضا الي يجي بالركب
طريقته سهله 10 سم فاللحم وبعد 20 يوم يكرر فقط
المهم بالامر عدم التساهل بهذا المرض لانه اذا تمكن صعب يتعالج ولايستطيع المشي فاول ماترا بدايه في يدين الحيران ماعليك سواء شراء هذا الدواء وطعن المصاب


اسم المنتج
MINRCAL

الموضوع الأصلي: علاج للين او التفدع || الكاتب: حمود العتيبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ugh[ ggdk h, hgjt]u

الله يجزاك خير ياحمود الين مشكله ومنتشر بكثره

السلام عليكم

ياخوان انا عندي نفس الحاله لكن في الفحل وسنه ثني واضح للين في اليدين تحديداً تحت الزند .. واضح في المشي ويتضح اكثر في الركض ويصعب عليه طرد الناقه ..


اتمنى من الجميع إفادتي بتجاربهم في هذه الحاله..

هلابك ياسلطان الين يجي المفاريد والحقايق
معناته قديم في الفحل ماضن ينفع فيه العلاج والاخوه يفيدوك انشاء الله لاتخلية يسن يطرد دخل الضرايب عليه

هلابك اخي حمود واشكرك على المبادره بالمشاركه .

نعم صحيح قديم لكن كان خفيف وقلت يروح مع الزمن ومن سن جذع اتضح اكثر وسن ثني اكثر واكثر,,

الآن صرت ادخله الشبك والضرايب ادخلها عليه . خفت عليه من الطرد واضح اللين فيه . عسى الله يشفيه..



اشكرك بيض الله وجهك..

السلام عليكم ورحمة الله وبركاتة
اخ / حمود جزالك الله خير
عندي حوارة مزاين وصايبها اللين او اتفدع باليدين وجربت علاجات واجد مانفعت
لكن هالعلاج ماجربته
ابجربه وان شاء الله يفيد
مع العلم ان الحوارة عمرها 6 شهور
طيب اذا مانفع تفيد الكوي او لا
وهالتساول موجه لجميع الاخوه

الله يبيض وجهك يا حمود

الله يجزاك خير

المشاركة الأصلية كتبت بواسطة سليمان العمروي التميمي

السلام عليكم ورحمة الله وبركاتة
اخ / حمود جزالك الله خير
عندي حوارة مزاين وصايبها اللين او اتفدع باليدين وجربت علاجات واجد مانفعت
لكن هالعلاج ماجربته
ابجربه وان شاء الله يفيد
مع العلم ان الحوارة عمرها 6 شهور
طيب اذا مانفع تفيد الكوي او لا
وهالتساول موجه لجميع الاخوه

حياك الله ياسليمان
حط البكره بالشبك وقت فترت العلاج لاتخليها تسرح شهر ولا اكثر وانشاء الله تشوف مايسرك بس اعجل بالدواء والله يكتب كل خير

المشاركة الأصلية كتبت بواسطة محمد العجمي

الله يبيض وجهك يا حمود

الله يجزاك خير

وجهك ابيض يامحمد الله يوفقك

جزاك الله خير

الله يعافي حلالكم يارب من كل مرض .. ويبعد عنها كل عين ما باركت ..

ماحبيت افتح موضوع وودي استفيد من خبراتكم الله يجزاكم خير ..


عندي قعود رجله اليسار لا وقف ردها ورى ورفعها ما يرتكز عليها ..

وان مشى يبين فيه عرج بالمشي بس يبيلها تدقيق ..

شفته قبل يومين ولا سويت فيه شي كان ودي احبسه بس قلت بخليه اسبوع واجي اشوفه ..

وانا والله لا اعرف الامراض ولا غيره .. كان تفيدونا بخبرتكم .. الله يعطيكم العافيه ..

واعتذر من صاحب الموضوع

الله يجزاك خير يا حمود
من الواضح ان الرمله والسرحه والوراثه لها دور لذا حط حلالك في ارض عزاز و منبسطه و حاول تشبك الحيران لين يصير حق

خله في الشبك وقيده فترة العلاج

للرفع لتعم الفائده

لاهنت وبيض الله وجهك