الفزعـه يالربـع ( الناقه الغاليه )

الأخ العزيز / ممدوح الشريـف
الله يجزاك خير ويقبل منا ومنك , ولايريك مكروه بحال و مال ,
وصدقت التحليل مهم , ولكن ماعندنا ألا مختبر واحد في ميدان الهجن والزحمه عليه بشكل غير طبيعي , وباذن الله بآخذ لها تحليل ,
..
الأخ العزيز : ابو صالح
بيض الله وجهك . وجزاك الله خير , ورحم الله وآلديك ,
صدقت لكن من خوفنا من الهيـآم وسوس بناا ,
والله العالم أنه هيام , لن الناقه تتبع الشمس من امس , !
وانا مراقبها , ولافيها مغص ولاغصه ولا شي ,
قل شهيّـه + حراره والله اعلم + ضمور + شين نظر , حتى ممشاها مختلف
.. وابرة الهيام موسوستن بي , لنها قد اصعدت معي بناقه لقحه ,
..
شكراً للجميـع ,
وجزاكم الله خير
افادني مروركم جميعاً واشكركم من القلب

السلام عليكم
قس حرارتها اذا ما عندك جهاز حراره اشتر من الصيدليه والأفضل الالكتروني
يمكن حراره ما تخلي المطيه تأكل
ومن صوب أبره الهيام أنا مجربها في لقحه عندي ولا ضرتها ولدت عندي من تجربه والأفضل الفرنسيه
وجهاز الحراره ضروري عند راعي الحلال سعره رخيص حوال ٣٠ ريال
وان شاء الله ما تشوف شر الله يوفقك

حياك الله خوي مشعل

اسال الله العظيم رب العرش الكريم ان يعافيك وحلالك وجميع المسلمين اميـــــــن

فعلا الحالة غريبه لكن الخوف وانا اخوك على اللي فبطن الناقه يمكن ميت فبطنها احتمال ! بس لازم تسوي تحليل دم بالمختبر

تحياتي

هلا يا بو ذعار ابره الهيام الفرنسية ما منها ضرر ان شاء الله على اللقحه من 5 اشهر وطالع اما ابره الهيام الهندية تضر لانها حاره

اخوي مشعل اسال الله ان يشفيها ويبارك فيها ويرزقك البكره المزيونه منها دور اي واحد يبيع ماء زمزم واقرء فيه المعوذات
وآية الكرسي ودعاء الشفاء مع النفث وباْذن الواحد الاحد ماتشوف شر

الله يشفي ناقتك والتحليل ..التحليل يابو ذعار
اسحب منها 10 سم دم وروح لمختبر الهجن ويومين بيطلع
تقبل تحياتي

الناقة عليها حرارة فقط لاغير

مسيك بالخير يامشعل

عندي ناقه مثل ناقتك بالضبط الفرق ان اللي عندي عشرا
نصيحه لا تحلل أنا حللت اللي عندي وقال المختبر دود وكريات دم بيضا منخفضه وأنزيمات كبد
وعطاني علاجات بودره مع ما وثلاث انواع ابر ولا فأدت بشئ
والا هال لحين مدري وش علتها فتحت فمها مافيها هدب الجمعة انشالله بكويها وبعطيك الاخبار
نصيحه لاتكثر على ناقتك العلاجات والله مابقى ابره ماعطيتها واني رحمتها اخر الطب الكي
وان لقيت علاج لناقتك علمني وانا ان لقيت انشالله علمتك
عسى الله يشفي حلالك والمسلمين
للمعلوميه ناقتي لها ثلاث اسابيع

الله يشفي حلالكم وحلال المسلمين ويبارك لكم ..

ابو ذعار مساك الله بالخير انت ومن يقرا

اولا الناقه ذلحين محتاجه للتغذيه لانها صار لها كم يوم ما ذاقت شي دور لمحلول فتح الشهيه كيس يبيعونه الصيدليات ب 10 ريال وهو اساسا للتخمه لكن فيه فيتامينات ويفتح الشهيه وبعدين عط الناقه لبن اذا عندك عشاير.

اما العلاج فالناقه الله العالم ان اللي فيها هيام وما دام وصلت الى ذا الحال فلا عاده بنافعها بعد نفع الله الا الابره الفرنسيه وهي باذن الله امنه من رايي انك توكل على الله وتعالجها ان طابت وضمت لقاحها فابرك واسعد وان طرحته فهي اغلا منه اهم شي الناقه لانك لو ما عالجتها خايف من صعادها يمكن يلحق عليها المرض ..
واخيرا الله يشافيها ويبارك لك فيها وجعلها تجيب لك البكره اللي انت هاقي بها

المشاركة الأصلية كتبت بواسطة مفلح العمور

السلام عليكم
قس حرارتها اذا ما عندك جهاز حراره اشتر من الصيدليه والأفضل الالكتروني
يمكن حراره ما تخلي المطيه تأكل
ومن صوب أبره الهيام أنا مجربها في لقحه عندي ولا ضرتها ولدت عندي من تجربه والأفضل الفرنسيه
وجهاز الحراره ضروري عند راعي الحلال سعره رخيص حوال ٣٠ ريال
وان شاء الله ما تشوف شر الله يوفقك

عليكم السلام ورحمة الله
لا والله ماعندي ولااعرف له ,
مايجيك الشر يامفلح والله يجزاك خير

المشاركة الأصلية كتبت بواسطة عابد الحربي

حياك الله خوي مشعل

اسال الله العظيم رب العرش الكريم ان يعافيك وحلالك وجميع المسلمين اميـــــــن

فعلا الحالة غريبه لكن الخوف وانا اخوك على اللي فبطن الناقه يمكن ميت فبطنها احتمال ! بس لازم تسوي تحليل دم بالمختبر

تحياتي

البقاء بك يالحربي ,
الله يقبل منك ويجزاك خير ويرحم وآلديك ,
والناقه ابشرك تحسنت ولاعليها خلاف لها حول ال3 ايام بخير

المشاركة الأصلية كتبت بواسطة بندر الراوي

هلا يا بو ذعار ابره الهيام الفرنسية ما منها ضرر ان شاء الله على اللقحه من 5 اشهر وطالع اما ابره الهيام الهندية تضر لانها حاره

ارحب يابندر ,
صدقت , لكن اللي اصعدت بناقتي قبل فتره اظنها الفرنسيه الغاليه ألاّ أني غلطان ,

المشاركة الأصلية كتبت بواسطة فرج البقمي

اخوي مشعل اسال الله ان يشفيها ويبارك فيها ويرزقك البكره المزيونه منها دور اي واحد يبيع ماء زمزم واقرء فيه المعوذات

وآية الكرسي ودعاء الشفاء مع النفث وباْذن الواحد الاحد ماتشوف شر

الله يجزاك خير يافرج ,
وصدقت وبيض الله وجهك ,

المشاركة الأصلية كتبت بواسطة حاتم العماري

الله يشفي ناقتك والتحليل ..التحليل يابو ذعار
اسحب منها 10 سم دم وروح لمختبر الهجن ويومين بيطلع
تقبل تحياتي

مرحبا بك عدد وبل المطر ,
وابشرك كفانا الله من التحليل باذن الله

المشاركة الأصلية كتبت بواسطة مساعد بن سعود المطيري

الناقة عليها حرارة فقط لاغير

لاهنت يامساعد ,
جزالك الله خير

المشاركة الأصلية كتبت بواسطة محمد بن عمير

مسيك بالخير يامشعل

عندي ناقه مثل ناقتك بالضبط الفرق ان اللي عندي عشرا
نصيحه لا تحلل أنا حللت اللي عندي وقال المختبر دود وكريات دم بيضا منخفضه وأنزيمات كبد
وعطاني علاجات بودره مع ما وثلاث انواع ابر ولا فأدت بشئ
والا هال لحين مدري وش علتها فتحت فمها مافيها هدب الجمعة انشالله بكويها وبعطيك الاخبار
نصيحه لاتكثر على ناقتك العلاجات والله مابقى ابره ماعطيتها واني رحمتها اخر الطب الكي
وان لقيت علاج لناقتك علمني وانا ان لقيت انشالله علمتك
عسى الله يشفي حلالك والمسلمين
للمعلوميه ناقتي لها ثلاث اسابيع

الله يمسيك بالنور يابن عمير ,
ماحللـت , يامحمد وان شاء الله انها طيّبه
الناقه لها 3 ايام تاكل وتشرب وانطلق وجهها , والحمد لله حمد الشاكرين ,
عندي احد الاخوان جزاه الله حير الجزاء كل عصر يمرها يرقيها وينفث عليها ويقرأ عليها مايقارب نصف ساعه ,
والحمد لله الناقه طيّبه وبخير , ولاحظت انها تحسنت بعد هالامر , والشكر لله
وناقتك جاء عندي عشرا مثل حالت ناقتك
حلّلت وقالوا هذا ألتهاب كبدي , ولايفيدك العلاج بشي وأصريت عليه وعطاني العلاج , إبر ومحلول عن طريق الفم ,
ولانفع . وماتت الناقه الله يعوضنا بخير ,
لكن نصيحه وانا اخوك استعجل بالكي , وفيه مواضيع فالمنتدى بتفيدك عن هالحاله , وأماكن الكي ,
وجعلك ماترى باس بحال ومال

المشاركة الأصلية كتبت بواسطة سالم المسعودي

الله يشفي حلالكم وحلال المسلمين ويبارك لكم ..

جزالك الله خير , وتقبل الله منك

المشاركة الأصلية كتبت بواسطة حاصل اليامي

ابو ذعار مساك الله بالخير انت ومن يقرا

اولا الناقه ذلحين محتاجه للتغذيه لانها صار لها كم يوم ما ذاقت شي دور لمحلول فتح الشهيه كيس يبيعونه الصيدليات ب 10 ريال وهو اساسا للتخمه لكن فيه فيتامينات ويفتح الشهيه وبعدين عط الناقه لبن اذا عندك عشاير.

اما العلاج فالناقه الله العالم ان اللي فيها هيام وما دام وصلت الى ذا الحال فلا عاده بنافعها بعد نفع الله الا الابره الفرنسيه وهي باذن الله امنه من رايي انك توكل على الله وتعالجها ان طابت وضمت لقاحها فابرك واسعد وان طرحته فهي اغلا منه اهم شي الناقه لانك لو ما عالجتها خايف من صعادها يمكن يلحق عليها المرض ..
واخيرا الله يشافيها ويبارك لك فيها وجعلها تجيب لك البكره اللي انت هاقي بها

ارحب يابوعبدالله ,
صدقت , الفيتامين ذا عطيته الناقه أول ماشرهت عليها ولانفعها , والنفع من الله ,
والناقه ابشرك انها بخير وتحسنت وزان نظرها والشكر لله من قبل ومن بعد
الله يجزاك خير , ويرحم وآلديك ولايريك ماتكره بحال ومال ويحفظنا وإياك وجميع المسلمين ,




شاكر ومقدّر للجميـع ,
وانصحكم بالرقيه الشرعيه ,
والله لايريكم مكروه ان شاء الله

الحمد لله والله يبشرك بالخير

يابو ذعار عطها خافض حراره

واسحب عينه من دمها

ولا تتهاون ويمر الوقت عليها ماستفدت شي