استشارة يادكاترة المنتدى

استشارة يادكاترة المنتدى

فية رجال عنده ناقة طيبة مجهم
وفيها حلل في رجليها يعني تاطا على اخر خفاف رجليها او في عرض المفصل
هل لها علاج ؟ وهل هذا يضرها في اللقاح ؟او انها ممكن تلقح وتنتج عادي ؟
مشيتها بطية جدا وقومتها فيها صعوبة لكن قصدي اخذها انتاج واخليها في الشبك.
الفزعة والمشوره يا اهل الخبرة.

الموضوع الأصلي: استشارة يادكاترة المنتدى || الكاتب: منير البقمي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hsjahvm dh];hjvm hglkj]n

انت طلبت الدكاتره بس ماني بدكتور للأسف بس بعطيك نظرتي في هالحاله
اتوقع انها عصب وان كانه في بدايته فيه علاج عند البيطري ان شاء الله يفيد وان كانه مبطي فيها ماهوب فايد

ان كانك تبيها أنتاج هي بتضرب وتلقح عادي وان تبي تمشيها تمشي بعد بس مشيها بيكون بطئ
والمشكله اذا جيت تضربها لازم انت اللي تبركها عشان ماتسنّد الناقه ويوجعها الفحل
ان شاء الله افدتك

كان عندي ناقة فيها حلل وولدت عندي
ثلاث ولدات وكانت تسرح مع الابل و
لا ضرها الحلل

ان شاءالله يفيدونك الاخوان

الله يشفيها ان شاء الله ويبارك لك

يمكن الناقة فيها كول اذا فيها كول لها طريقه يفطر حبوب الكول بالبره حتى يسحب دم اصفر لين يصفى الدم وبعدين تريح الناقة لمدة شهر ويمكن بعد عصب مشتد صعب ليونة بس فيه ابرة حقت الاعصاب زينه جدا اسمها كوتوفين إن شاء الله ينفع معها والناقة مايضرها اضراب ولقاح علمه عند الله وإن شاء الله انا فدناك

مرحبا يامنير والحلل صوت طقطقة في مفاصل الناقة اما ناقتك اللي فيها كول وليس له علاج وكان الناقة غالية وتستاهل تتعب على شانها فالله يعينك ولا يمنعها الكول من اللقاح بس خلها حمامة دار في العزبة وحولها .

بارك الله فيكم جميعاً
لكن سؤالي : ماهو الفرق بين الكول و الحلل والعصب .
حتى يستفيد الجميع.

الكول تطرق الخف والمفصل
والحلل اذا قامت الناقه تسمع لها صوت طقطقه
العصب لا جت تبرك الناقه تطيح على احد جنوبها واذا قامت تطيح اكثر من مره لين تنهم عمرها وتقوم واذا تطور فيها تجلس لمدة يومين او 3 ماتبرك

مساء الخير ـ عندي ناقتن لقحة سنها سديس ـ في الشهر العاشر ، ولا تشره عليها في شيء الا انها احيانا تقف وتعطف خف رجلها اليسار ، يعني كنها ساحبة رجلها للأمام وراكزة الظلف على وجه الارض ، هل لديكم تفسير للحالة ، وهل هو بوادر مرض ، أم من ثقل اللقاح وشكرا,,,,,,,,,,,

المشاركة الأصلية كتبت بواسطة عبدالله بن فاضل السهلي

الكول تطرق الخف والمفصل
والحلل اذا قامت الناقه تسمع لها صوت طقطقه
العصب لا جت تبرك الناقه تطيح على احد جنوبها واذا قامت تطيح اكثر من مره لين تنهم عمرها وتقوم واذا تطور فيها تجلس لمدة يومين او 3 ماتبرك

بيض الله وجيهكم جميعاً اخوي عبدالله هل للكول علاج
وهل للعصب علاج
عندي وحدة تطرح نفسها على الجهه اليسرا كل ماجت تبرك

بيض الله وجيهكم جميعاً اخوي عبدالله هل للكول علاج
وهل للعصب علاج
عندي وحدة تطرح نفسها على الجهه اليسرا كل ماجت تبرك

حياك الله يا منير الكول له علاج بس علاجه على فتره طويله

والعصب الى الان مالقو له اي علاج

وسلامتك

المشاركة الأصلية كتبت بواسطة فارس القصاب

مساء الخير ـ عندي ناقتن لقحة سنها سديس ـ في الشهر العاشر ، ولا تشره عليها في شيء الا انها احيانا تقف وتعطف خف رجلها اليسار ، يعني كنها ساحبة رجلها للأمام وراكزة الظلف على وجه الارض ، هل لديكم تفسير للحالة ، وهل هو بوادر مرض ، أم من ثقل اللقاح وشكرا,,,,,,,,,,,

الاخوان ماقصروا
حبيت اعلق على استفسار اخوي فارس
الناقه مابها الا العافيه وهذا طبيعي ونوع من الاستراحه تسويه بعض البل ولا له علاقه باللقاح او المرض
وفقك الله

بيض الله وجيهكم جميعاً اخوي عبدالله هل للكول علاج
وهل للعصب علاج
عندي وحدة تطرح نفسها على الجهه اليسرا كل ماجت تبرك

الكول علاجه بسيط وهو كوي بس موب اي واحد يكوي
والعصب ان كانها في بدايه فيه ابره تقوي الاعصاب وان كان العصب من زمان فيها مايفيد فيها الابره
ابنشدك ناقتك تقعد أيام ماتبرك ؟
لأن اذا زاد فيها العصب تتدهور الناقه اذكر في واحد من الربع يقرب الوايت يم الناقه عشان تسند عليه ماعاد تقدر تبرك
الله يعافيها ان شاء الله

المشاركة الأصلية كتبت بواسطة عبدالله بن فاضل السهلي

الكول علاجه بسيط وهو كوي بس موب اي واحد يكوي
والعصب ان كانها في بدايه فيه ابره تقوي الاعصاب وان كان العصب من زمان فيها مايفيد فيها الابره
ابنشدك ناقتك تقعد أيام ماتبرك ؟
لأن اذا زاد فيها العصب تتدهور الناقه اذكر في واحد من الربع يقرب الوايت يم الناقه عشان تسند عليه ماعاد تقدر تبرك
الله يعافيها ان شاء الله

لا ابشرك تبرك بس تتأخر ساعة وتبرك وترمي نفسها على اليسار .
تكفى يا ابو فاضل بشرني عسى لها علاج .
وبالنسبة للكول من اين تفطر حبوبه حتى يسيل الدم.
ومن وين يكوى وكيف.
تقبل تحياتي