بكره مخروشه ويش طبها

بكره مخروشه ويش طبها

يعطيكم ربي العافيه يالربع


عندي بكره ثنيه كنها صيد ماتخلي احد يقربها توددتلها بالخبز وأحاول اغنجها لكن مافيه فايده مخروشه


رايكم يالربع في مثل هالحاله هل اقيدها بارك الله فيكم


ام هناك طب ثاني وشكرا

الموضوع الأصلي: بكره مخروشه ويش طبها || الكاتب: عبدالرحمن المحسن || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

f;vi lov,ai ,da 'fih

الناقة هذي صابها جفال من الناس ،،

انا كان عندي ناقة نفس حالتهاا ،،

تعاملت معاها بدون قيد بس أخذت لي فترة طويلة وانا بها الحالة إلين ربي سخرهاا لي ،،

خبز ولا لقوم وكل ما قربت جلست أقارد لها وهي تسبرني بعين وعينها الثانية على الخبزه ولا اللقوم وبعد فترة طويلة هداهاا ربي ،،

مثل هذه الحالات يتم علاجهاا بطريقة تعتمد على صاحب الابل بالخبز ولا اللقوم والصبر بالاول والاخير ،،

ويمكن اخوننا عندهم بعد حلول لمثل هذه الحالات لعل وعسى أن يفيدوناا ،،

الخبز يجيبها واحرص على الخبز الهش
وعطى اخواتها وهي تشوف لين تذوقه من يدك ولاتحرص عطه الكسره وقف عنها
لحد ماتصير مقارديه

جزاكم الله خير

ومبارك عليكم الشهر

المشاركة الأصلية كتبت بواسطة بدر النفيعي

الناقة هذي صابها جفال من الناس ،،

انا كان عندي ناقة نفس حالتهاا ،،

تعاملت معاها بدون قيد بس أخذت لي فترة طويلة وانا بها الحالة إلين ربي سخرهاا لي ،،

خبز ولا لقوم وكل ما قربت جلست أقارد لها وهي تسبرني بعين وعينها الثانية على الخبزه ولا اللقوم وبعد فترة طويلة هداهاا ربي ،،

مثل هذه الحالات يتم علاجهاا بطريقة تعتمد على صاحب الابل بالخبز ولا اللقوم والصبر بالاول والاخير ،،

ويمكن اخوننا عندهم بعد حلول لمثل هذه الحالات لعل وعسى أن يفيدوناا ،،

نفس الكلام
ولدت عندي بكرة بالصيف وخليتها لحالها في النهار بشبك حتي ماترضع من أمها (والظاهر هذا اللي جفلها )
وحاولت فيها وقيدها ولا فيه فايدة
قمت وعزلتها بالعلاف العصر مع بكرة ثانية وقمت أعطي البكرة الثانية الخبز وهي تشوف ,,بعد مدة جاب راسها الخبز والحليب (نحلبلها ونعطيها ) هاللحين تبلشني تجيب خشمها عند خشمي كل ماجت علي العلف
الخبز سحر لعموم الحلال

الربع ماقصروا

الخبز سحر للبل

اذا ما نفع الخبز عطها تمر

عندي بكره ماهي مقارديه ويوم من الايام سرت لحالها ودورناها مالقينا البكره والحقيقه استغربت انها تروح وتترك ولايفها تفقدت الابل لانها كامله
المهم وانا ادور مالقيت رجعت للعزبه الا يوم دق الجوال قالي واحد من عمال الربع انها جته وركبت ورحت يوم جيتها لانها اول ماتشوف السياره تنحاش واثر اهل الحلال يطردونها .
واخذت ايام وهي جافله والحين ماشاء الله هدت ومقارديه واحرص على الخبز ترى الحلال يحبه كثير وشوي شوي تتهدي
وسلامتكم

الله لا يهينكم يا أحبابي

لاهنتوا يالربع

والله يسخرلك بكرتك يا عبدالرحمن

اخوي عبد الرحمن ,, هذي سالفتك صارت معنا بناقة من ازين نياقنا والمصيبة قعدت موسم كامل محد يقدر يمسكها لاحنا ولا بعيرنا

والله ابتشنا فيها لادرجة انها حالت هذيك السنة الابل اذا فلت هي تعبد عنها مسافة كيلو تقريبا واي سيارة تجى طقة والله تقول نعامة

المهم الشايب عافها والمصيبة مشتراها غالي جدا هي ناقة فاخر قال والله لبيعها لو مقصب بس مابي شوفتها ,, قلت له عطني فرصة اخيرة

ان شاء الله اتزين الناقة قال لك شهر اذا ما زانت والله لبيعها للقصاب

المهم اتصل على شخص عندنا بالكويت خبير بالابل اسمه ابو شافي الشمري كذا مرة كتبت عنه بالمنتدى

وقلت له عندي ناقة جفول بمعنى الكلمة اذا خليتها تقارد باعطيك الي تبي

المهم الرجال جاني بعد 10 ايام وقام وقالي وين اهدا البل ( الهدية من البل ) قلت له ذيك الشحقة الفاطر

قال طيب جيب لي حبل قطن طوله 4 متر وسوى رسن وربط الناقة الهدية مع الناقة الجفول وقالي اول يومين ردهن عن العلف

10 ايام ولا ناقتنا ماعندك ازين من طبايعها تقارد وتقرب

وسلامتك

وملاحضة بالنسبة لموضوع الخبز انا اعطيت مش بس خبز مخليت شي معطيتها

مابقى الا الجلاكسي والحليب بالموز معطيتها بس مافاد فيها

اذا كانت الفكرة جازت لك ادعلي بالتوفيق ولصاحبها ايضا