رعية الغنم يا هل البل

رعية الغنم يا هل البل

مساكم الله بالخير جميع

اشار علي رجال شروى من يقرا اني احط مع الذود رعية نعيم

يقول ان النعيم تبي تسدك علف البل يعني من دخل النعيم نعلف البل

وانا والله مالي بالغنم ولا لي شف فيها

لكني تفكرت بناس حولي لقيت كلامه صحيح

فيه كم واحد اعرفه حاط مع رعية البل رعية غنم ويعلفون ابلهم علف ماهو صاحي

عطونا رايكم الله لا يهينكم

الموضوع الأصلي: رعية الغنم يا هل البل || الكاتب: عبدالرحمن الوهبي التميمي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

vudm hgykl dh ig hgfg

الغنم تاكل اكثر من الابل
الابل حمله دنه فيها 250 بلكه برسيم تكفيك شهرين
اما الغنم 250 تكفيها شهر وسلامتك انا خايف تجيبلك غنم وتزيد عليك مصاريف العلف وتضيع الابل الغنم يبيلها خمسه شهور الى ان تلد يعني يبيلك خمسه شهور علف للغنم
وراعي الصنعتين مايقدر يلحق اما ابل او غنم

وجهت نظر

كلام الاخ عادل 100% خذها من مجرب

من وجهة نظري أن الغنم تعلف الإبل أحياناً

ويعتمد ذلك ع عدد الإبل والغنم والرعاية الجيده

الغنم غنيمه

كلام صحيح
أنا اعلف الإبل من الغنم
لكن إذا عندك 10 من الإبل يقابلها 200 من الغنم
لكن اهم شئ الراعي فهو اللي يسنع كل شئ
وسلامتكم

الف شكر لجميع من مر وشارك

الآن صوتين تؤيد وصوتين تعارض

وبانتظار آراء الاخوة

انا اعارض مع العلم اني شايف انه مجديه
انت ولم العصابه قبل الفلقه
الاوله ما عندك خلفيه عن الغنم وامراضه
والثانيه ماعندك راعي يسنع ولوعندك راعي يبي واحد فاهم بالغنم ويعزل ويضبطه
واثالثه انشاء العزبه للغنم مكلف نوع ما لانه تبي شبوك وأجد وترحيل كل فتره علشان الامراض تقل
اذا وفرت الثلاث توكل بالله وعسى الله يوفقنا واياك الخير

اذا ما عندك خبره بالغنم. لا تقربها
أو انك يكون عندك استعداد تخسر لمدة سنتين على الأقل لما تعلم من اخطإك

راعي البل ما يفضي للغنم والغنم يقولون ام ليله يعني لو وجعت ولا سيبتها يوم ماتت وكل شي بيد الله
لكن اسألني ما بعت الغنم الا قبل عشره ايام جلست سنه والله مغير زيادة خساير

الاخوان فواز وبدر وحمد

شكر الله لكم المشاركة

الان خمسة اصوات مقابل اثنين

اخوي اذا ماعندك خلفية عن الغنم لاتقربها !¡
معا العلم ان خير الغنم واجد وفضيل بس عقب ماتتعب عليها وتخسر فيها
:mwalat39:
اتمنى لك التوفيق

مرحبابك. انا اشوف ان فكرت الغنم طيبه لاكن لاتقرب النعيم اذا ماعندك خبره. لانها تبي اهتمام اكثر من التعليف يعني يبيلها شبك تكلفه اكثر وعلف اكثر

لاكن انصحك. بالعوارض. لانها نفس قيمة النعيم حاليا ماتنقص عن 1300.
وافضل لانها معروفه ولادتها تجيب اثنين اغلبها
يعني. اذا شريت. 30 راس عوارض. راح يكون الانتاج دبل
وراح تكسب ربح اكثر. بإذن الله وتعلف الابل بشعير وبرسيم وتنسئ الرودس. لين تزيد شحم

وجهة نظر. مع نصيحه من قلب محب لك بالخير وشكرا

الشكر للاخوة الكرام سالم وثامر على المشاركة

والنتيجة حتى الان ستة مقابل ثلاثة

وانا بديت اغير رايي

انحش إلا ان كأنك فاضي لها ،،،،ما شفت منها إلا الغثا،،، الغنم مكلفه وحساسة مهيب مثل عطايا الله جبرة على الجوع والمرض والشديد ،،،،وحتى لو بدون راعي تقدر تدابلها،،،أما الغنم لازم راعي صاحي وعلف ما ينقطع وعين وتفحصها ليل ونهار عن جوع ومرض،،،،

السلام عليكم
الغنم الي اقل من 300 راس ماتعلف نفسها وراعيهابل تكد عليها من جيبك .
لان 150 راس تاكل 4000 ريال وعليك الحساب
الغنم فوق 500 بتكد على الابل وتطعم انفسها وتركبك موتر جديد
ويبلها عصب عمامه وشكرا