|
رعية الغنم يا هل البل مساكم الله بالخير جميع اشار علي رجال شروى من يقرا اني احط مع الذود رعية نعيم يقول ان النعيم تبي تسدك علف البل يعني من دخل النعيم نعلف البل وانا والله مالي بالغنم ولا لي شف فيها لكني تفكرت بناس حولي لقيت كلامه صحيح فيه كم واحد اعرفه حاط مع رعية البل رعية غنم ويعلفون ابلهم علف ماهو صاحي عطونا رايكم الله لا يهينكم |
رد: رعية الغنم يا هل البل الغنم تاكل اكثر من الابل الابل حمله دنه فيها 250 بلكه برسيم تكفيك شهرين اما الغنم 250 تكفيها شهر وسلامتك انا خايف تجيبلك غنم وتزيد عليك مصاريف العلف وتضيع الابل الغنم يبيلها خمسه شهور الى ان تلد يعني يبيلك خمسه شهور علف للغنم وراعي الصنعتين مايقدر يلحق اما ابل او غنم وجهت نظر |
رد: رعية الغنم يا هل البل كلام الاخ عادل 100% خذها من مجرب |
رد: رعية الغنم يا هل البل من وجهة نظري أن الغنم تعلف الإبل أحياناً ويعتمد ذلك ع عدد الإبل والغنم والرعاية الجيده |
رد: رعية الغنم يا هل البل الغنم غنيمه كلام صحيح أنا اعلف الإبل من الغنم لكن إذا عندك 10 من الإبل يقابلها 200 من الغنم لكن اهم شئ الراعي فهو اللي يسنع كل شئ وسلامتكم |
رد: رعية الغنم يا هل البل الف شكر لجميع من مر وشارك الآن صوتين تؤيد وصوتين تعارض وبانتظار آراء الاخوة |
رد: رعية الغنم يا هل البل انا اعارض مع العلم اني شايف انه مجديه انت ولم العصابه قبل الفلقه الاوله ما عندك خلفيه عن الغنم وامراضه والثانيه ماعندك راعي يسنع ولوعندك راعي يبي واحد فاهم بالغنم ويعزل ويضبطه واثالثه انشاء العزبه للغنم مكلف نوع ما لانه تبي شبوك وأجد وترحيل كل فتره علشان الامراض تقل اذا وفرت الثلاث توكل بالله وعسى الله يوفقنا واياك الخير |
رد: رعية الغنم يا هل البل اذا ما عندك خبره بالغنم. لا تقربها أو انك يكون عندك استعداد تخسر لمدة سنتين على الأقل لما تعلم من اخطإك |
رد: رعية الغنم يا هل البل راعي البل ما يفضي للغنم والغنم يقولون ام ليله يعني لو وجعت ولا سيبتها يوم ماتت وكل شي بيد الله لكن اسألني ما بعت الغنم الا قبل عشره ايام جلست سنه والله مغير زيادة خساير |
رد: رعية الغنم يا هل البل الاخوان فواز وبدر وحمد شكر الله لكم المشاركة الان خمسة اصوات مقابل اثنين |
رد: رعية الغنم يا هل البل اخوي اذا ماعندك خلفية عن الغنم لاتقربها !¡ معا العلم ان خير الغنم واجد وفضيل بس عقب ماتتعب عليها وتخسر فيها :mwalat39: اتمنى لك التوفيق |
رد: رعية الغنم يا هل البل مرحبابك. انا اشوف ان فكرت الغنم طيبه لاكن لاتقرب النعيم اذا ماعندك خبره. لانها تبي اهتمام اكثر من التعليف يعني يبيلها شبك تكلفه اكثر وعلف اكثر لاكن انصحك. بالعوارض. لانها نفس قيمة النعيم حاليا ماتنقص عن 1300. وافضل لانها معروفه ولادتها تجيب اثنين اغلبها يعني. اذا شريت. 30 راس عوارض. راح يكون الانتاج دبل وراح تكسب ربح اكثر. بإذن الله وتعلف الابل بشعير وبرسيم وتنسئ الرودس. لين تزيد شحم وجهة نظر. مع نصيحه من قلب محب لك بالخير وشكرا |
رد: رعية الغنم يا هل البل الشكر للاخوة الكرام سالم وثامر على المشاركة والنتيجة حتى الان ستة مقابل ثلاثة وانا بديت اغير رايي |
رد: رعية الغنم يا هل البل انحش إلا ان كأنك فاضي لها ،،،،ما شفت منها إلا الغثا،،، الغنم مكلفه وحساسة مهيب مثل عطايا الله جبرة على الجوع والمرض والشديد ،،،،وحتى لو بدون راعي تقدر تدابلها،،،أما الغنم لازم راعي صاحي وعلف ما ينقطع وعين وتفحصها ليل ونهار عن جوع ومرض،،،، |
رد: رعية الغنم يا هل البل السلام عليكم الغنم الي اقل من 300 راس ماتعلف نفسها وراعيهابل تكد عليها من جيبك . لان 150 راس تاكل 4000 ريال وعليك الحساب الغنم فوق 500 بتكد على الابل وتطعم انفسها وتركبك موتر جديد ويبلها عصب عمامه وشكرا |
| الساعة الآن 20 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |