|
العضو اللي عنده بعير منتج يدخل ولا عليه امر السلام عليكم ورحمة الله وبركاته ليت الركاب الطيبه عند الرجال الطيبيـن = عند الرجال اللي قبيلتهـا تـزود بزودهـا اللي الى جا ذكرها قالوا ونعم الحاظريـن = ويطلق لسانك فعلها والطيب سلم جدودهـا كنك الى من جيتهم متجمل(ن) فيهم سنيـن = ومنزالهم روس العدايم والرجال ترودهـا ولا الردي ما ودك انك اتجيه والخافي يبين = لا صار عنده تستوي الجمالـه ومنقودهـا ياهل الركاب المنتجه من الراس مايحتاج رد المناديب الموضوع موجه للاعضاء اللي فيهم خير وعندهم ركاب منتجه وان شاء الله ان كل الاعضاء من الظن وفوق اخواني الافاضل كما تعلمون ان موسم الهداد قرب وكل الاعضاء ما اجتمعوا في هذا المنتدى الا من طيب المنتدى واعضاءه ودائما يطرح مواضيع واستفسارات عن الركاب المنتجه اللي اهلها يسمحون بالضراب ومن اللي يمون على راعي البعير نبغي منتدانا يجمعنا ونستفيد منه ويغنينا من اهل الركاب اللي بعضهم ماله باحد يجيه انا موضوعي محدد نبغي اللي من الاعضاء عنده بعير منتج ولاهو بمانعه يتشرف الله لا يهينه ويعلمنا ببرنامج بعيره ومكانه وطريقة سراه ومتى يجونه الاعضاء وكل لون يكون لهم موضوع خاص ومستقل |
ارحب ياراشد وانا عندي بعير على وريك وهذي معلوماته وصوره http://www.mzayan.com/vb/showthread.php?t=8761 والبعير على حبال يديكم جميعا واي وقت ومرحبااااااااابكم ومرحبا بذودكم واللي مشغول ولا يقدر يجي يرسلها علي ويزهلها ماله الا اللقاح بأذن الله والعلووم الطيبه والبعير ماهوب لي من دونكم ودون الطيبين اللي شرواكم اخوكم |
بيض الله وجهك ياراشد على الموضوع واكيد اهل البل الي بهم خير مايردون وبيض الله وجهك يا فهد بن صلبوخ دايم سباق للعلوم الطيبة |
اقتباس:
تبقا يابوحمد وانا كنت متوقع انك من اول اللي بيردون وانت كفو وبعيرك كفو الله يرزقك منه الانتاج اللي من الظن وفوق وجعل عمرك طويل واللي مثلك وشرواك والله يبارك لك في حلالك ويجعلك ذخر |
اقتباس:
ووجهك ابيض ياخالد واعضاء المنتدى كلهم ان شاء الله فيهم خير وهذا ابو حمد اولهم بيض الله وجهه |
اقتباس:
بيض الله وجهك علوممك غانمة يافهد بن صلبوخ والشكر موصول لأخي راشد العرق على التنويه الجميل والمفيد للجميع الاعضاء وياليت الأخوان يوضحون مكان الابل تحيااااااتي للجميع |
تحري بالطيب يابن صلبوخ ولاكن وين محل البعير |
اررررحبو كلكم ووجيهكم بيض وتمونون على البعير وراعيه وابوعلي كله بركه والبعير مكانه حول بقيق وهذا رقم جوالي : 00966501855551 0501855551 ومرحبااااااا بالجميع |
الله يرحم والديك والله يمنحك بركتة |
ووالديك ووالدا الاخوان مايجون النار |
موضوع متميز ومهم بيض الله وجهك وبيض الله وجه ابن صلبووووووخ |
اخي راشد يعطيك الف عافيه على الموضوع الرائع والفكره المميزه وبيض الله وجهك يابو حمد علمك غانم اليوم ودوم وجعل هذا طبعك وحنا من ربعك يابن صلبوخ |
موضوع مفيد وفي وقته بيض الله وجهك ياراشد وابن صلبوخ لاهنت لاهنت لاهنت علومك علوم رجال |
اقتباس:
ووجهك ابيض ياراشد ويستاهل ابوحمد |
اقتباس:
|
| الساعة الآن 41 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |