|
المتحد وعز الجيش سؤاااال أيهم أطيب أنتاج وأيهم تفضل للضراب عز الجيش والأ المتحد وأنتاج كل منهم على العمانيات أو على المهجنات أو على السودانيات أطيب ؟ نرجوا من أصحاب الخبرة يفيدوننا |
المتحد انتاجه اكثر من عز الجيش واللي ابتاعن من اعياله في الامارات وقطر بكثره وانتاحه من السودانيات والمهجنات اكثر من العمانيات ونفس الشي عز الجيش انتاجه قوي وابتاعن عليه بكار وقعدان لاكن اللي اشتهرن فالامارات عيال المتحد |
اختار المتحد وانوخ له ناقه سودانيه خلص وماباقي غير التوفيق من الله |
شكرا" للأخ سعيد والأخ عبدالله ونأمل المزيد |
اختار المتحد وانوخ له ناقه سودانيه خلص وماباقي غير التوفيق من الله |
أخوي محمد علي الهدفه أذا كانت الأبل عمانيات ومهجنه وش اللي يصلح لهن المتحد والأ عز الجيش |
الاخ فارس بخصوص المتحد وعز الجيش والله انها كلها طيبه ومنتجه المتحد طال عمرك مهجن وانتاجه سبق وخاصه في الامارات وقطر واكثر إنتاجه على المهجنات والسودانيات وعز الجيش مايحتاج تعريف ومنتج من الدرجه الاولى وعليه قعود خذ الشداد والسياره في قطر وراح بثلاثه مليون بعد السباق واذا تبغي نصيحتي حاول في عز الجيش تحياااتي |
أخوي جاسم الجربوعي شكرا" لتفاعلك وتفاعل الاخوان جميع بس كلامي عن العمانيات وش الافضل نضربها من عز الجيش والا من المتحد |
اقتباس:
والمتحد انتاجه اكثر شي عند الناس وراعيه مايرد حد منه وعليه سرى كل زمان اما عز الجيش فهو في مزرعة الامير سلطان بن محمد في نوفا وماظن انهم يردون حد منه لن فيه ناس ودو له ظرايب وسمحو لهم لكن وانا اخوك لون العمانيه عندي بحاول في عز الجيش |
هلا أخوي جاسم يعني شورك العمانية نضربها من عز الجيش |
اقتباس:
توكل على الله وشلها لعز الجيش وفالك الناموس تحياااتي |
نبغى مميزات عز الجيش ونبغى مميزات المتحد |
اقتباس:
مميزاتها من ناحية ايش اذا تقصد الانتاج فقلتها وقالوها الربع من قبلي انها منتجه من الدرجه الاولى وماتحتاج شهادت احد وانتاجها خذت اشواط رئيسيه في الامارات وقطر |
أخونا / جاسم نبغى نسأل عن انجازات كل واحد منهم ؟ نبغى نسأل عن انتاجهم هل يزيد سبقه كل مازاد عمره ؟ يعني فيه انتاج يعطيك سبق والبكره سنها مفروده الى جذعه وبعدين تنقص البكره وبعض الانتاج العكس وبعضها ماشاء الله تجيه ثنيه وتحيل وسبقها في زياده ؟ ومن هذا القبيل من الميزات أخوي جاسم وأكيد أنت ابخص منا في الشي هد فلاتبخل علينا بمعرفتك. وشكرا |
اقتباس:
اما انجازاتها فكل واحد منها سابق وخذ حقه من السبق اما انتاجها فعز الجيش عليه قعود خذ الشداد وسياره في قطر في سباق الشيخ عبدالله بن خليفه الثاني وعليه حقه راحت بمليونين عند الشيخ خليفه بن حمد الثاني وعليه بكار عند شيوخ قطر والامارات خذت اشواط رئيسيه وبخصوص المتحد يكفي ان الجميع يعرفو انتاجه واخر سباق شارك فيها سنة 96 وخذ جايزته وهي سياره في الامارات ومن انتاجه العنود الي كانت عند الشيخ عبدالله بن خليفه وصاحبة انجازات وغيرها تحياتي |
| الساعة الآن 51 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |