|
(الحق؛اللقي) (اللقي؛ الحق) :تصويت السلام عليكم ورحمة الله وبركاته حبيت يا اخوان انا اخذ رأي الجميع وان نعرف ايهما اكبر اللقي والا الحق بالنسبة لي (( اللقي أكبر من الحق× شاكر للجميع والتصويت فوق أخوكم علي عبدالرحمن |
الله لا يهينك على عمل التصويت وصراحه عمل جيد منك والله يبارك فيك على العمل الطيب |
مرحبا اخوي علي اما عن الموضوع فالمعروف ان اللقي اكبر من الحق وترتيبهما كالاتي : حوار مخلول مفرود حق لقي جذع ثني ... الخ والحق هو اللي يحق له يشوف اخو او اخته من امه يعني تضرب امه عاده مفرود ولا حقق يحق له يشوف اخوه واللقي سمي بذلك لاناث وهي تلقى الفحل ..!! والله اعلم بذلك اخوك |
محمد بن شريه حياك الله أخوي والله يعافيك وشاكر لك على تفاعلك المميز تقبل تحياتي علي عبدالرحمن |
فهد بن صلبوخ حياك الله ومرحبا والصحيح اللي قلته ولكن الكثير معارض على الكلام هذا لذلك وضعنا التصويت شاكر لمرورك الكريم تحياتي علي العتيبي |
يا جماعه منو فيكم يضرب لقيه ابي اي واحد منكم يقول انه ضرب لقيه معروف بكل مكان اول ضراب للبكره جذعه واللقيه تتضرب إّذا كان جسمهي يساعد ولا تقعد لين تجذع ابن صلبوخ انت تضرب اللقيه في مراحك |
السلام عليكم ورحمة الله وبركاته يا جماعه من المؤكد ان اللقي اكبر من الحق وهذا مجمع عليه عند العامه اما في التعريف الفقهي فالحقه عندهم هي اللقيه عندنا ولاعبرة بمصطلحات الفقه الا عند اهل التخصص اما عند العامه فالعبره بما تعارف عليه الناس فالحق ماتم له سنتان واللقي ما تم له ثلاث سنوات هذا في التعريف العامي الشائع اما تعليل مسمياتهم فهذا من قبيل الاجتهاد فهم يقولون اللقيه اللي تلقى الجمل اي بمعنى تبرك للجمل وكانوا قديما يضربون اللقيه بدون تردد اما الان فصاورا يحيلون اللقيه ولا يضربونها الا وهي جذعه وهذا عائد لرغبة راعي الحلال وقالوا ان ضرابها وهي لقيه يضرها ويغضرها الفحل اي لا يكبر جرمها بعد ضرابها لقيه وهذا ليس على اطلاقه فانا اعرف ابل ضربت لقايا وتمغطت اكثر واكثر والعكس صحيح هناك ابل حيلت حتى جاءت جذعه وثنيه وما زادها ذلك ولا نفعها وهذا يعود والله اعلم لبنك المطيه ليس لشي اخر وانا ارى والله اعلم ان البكره اذا يسرت وطلبها الفحل (فحل الابل ) اي الفحل اللي وسط الابل بدون قيد او رباط لا ن فحل الرباط يهم بضراب الابل حتى ولو هن ماهمب مياسير لان الرباط يغير مزاجه 00اذا يسرت وطلبها لا ترده ماعليك من سنها هذا والله اعلم |
محمد بن شريه انا عندي بكره لقيه مضربها البعير وانتجت عندنا (ولكن بعضها نتركها لين تثني عموما نمشي على خط واحد وهو خط التصويت شاكر لمرورك الكريم |
عبدالرحمن المقباس حياك الله ومرحبا فيك وشاكر لك جدا لمرورك الكريم تقبل تحياتي علي بن عبدالرحمن |
الاستفتاء لن يغير شىء ابدا .... الاثنين صح من يقول بان الحقه اكبر يفسرها بانها ( حق انها تضرب ) واللقيه تلاقي اختها ومن يقول ان اللقيه اكبر يفسرها بانها ( تلاقي الجمل ) والحق حق تشوف اختها الفرق هو بين استخدام القبيله للمفرده وتفسير الكلمه نفسها !! ماهي مسالة انا صح وانت خطأ والله اعلم مني ومنكم |
السلام عليكم ورحمة الله وبركاته الله لايهينكم على التصويت وانا اقول ان التصويت يبين ان الاغلبيه عندهم ان الحق هو الصغير وبالنسبه يامحمد لسؤالك من اللي يضرب لقيه انا عجومي كلها لقايا واضربتها وتلاقحت ابشرك وامهاتها قدامها مثلها والنصيحه يالربع اذا اهدلت العجم وطلبها البعير لاتردونه اذا تبون اللقاح وفيه كثير من الجماعه اضربت ركابهم حقايق غصبا عليهم وتلاقحت ولا ردها من الكبر وهي الحين من اكبر الابل وبالنسبه لتفسير معنى حقه ولقيه هذا يستخدم لتوضيح المقصد لمن يخالفون في التسميه |
نواف لا التصويت وضعناه لكي نمشي عليه جميعا والاغلبيه اللقي اكبر واللي الان ما انتهى التصويت شكرا لك |
راشد العرق هو الصحيح كذا بس التصويت علمهم شكرا لك |
حـــــــــــــــــياك الله يا راشد والله يبارك بالي تلاقح عندح ويزرقك منهم ولاكن لا انا ولا جماعتي انضرب الحقه ما انضرب الي الجذعه |
اللقيه هههههههههه محمد بن شريه قصدك تضربون اللقيه اللي تلاقي البعير والحقه تستحق شوف اخوها الناس كلها والتصويت كله يقول الحقه اصغر من اللقيه لابد تمشي معنا على كذا شكرا لك على مشا ركتنا الموضوع |
| الساعة الآن 33 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |