|
يهمني رايكم ياهل النظر في القعود الاصفر السلام عليكم و رحمة الله و بركاته http://www.alhadafa.com/uploadedfiles/images/15502.jpgهذا قعود اصفر ولاد من الابل عمره 24 ساعه ابوه فحل البل وابغا رايكم بدون مجامله . ودمتم سالمين ,,, |
رد: يهمني رايكم ياهل النظر في القعود الاصفر انا مالي خبره في الصفر لكن بقولك رايي القعود عادي مافيه شي يشد |
رد: يهمني رايكم ياهل النظر في القعود الاصفر ماطلعت الصور عندي |
رد: يهمني رايكم ياهل النظر في القعود الاصفر مرحبا ياصالح والقعود طيب ولاهوب عادي الله يبارك لك والمسلمين جميع |
رد: يهمني رايكم ياهل النظر في القعود الاصفر هلا ياصالح الصوره ماهي واضحه بسبب لون القعود ولون الذرا اللي وراه ,, لو في مكان فاضي كان ميزناه لكن خشمه بيطلع طيب وله عرنون زين وخدته حلوه , ورقبته حلوه ,, اما الباقي يظهر بعدين |
رد: يهمني رايكم ياهل النظر في القعود الاصفر إنتاج فحلك طيب إن شاء الله والحوار رأسه ورقبته طيبه مع ملاحظه على الإذن إذا كان القعود أصفر دبس ماهوب بمجهم والحكم في هالسن صعب وإن شاء بيظهر مظهار السعد ومثل هالإنتاج أنا أعتبره فال طيب الله يبارك لك في حلالك ويرزقك بالإنتاج الفاخر |
رد: يهمني رايكم ياهل النظر في القعود الاصفر راسه طيب وعرنونه ما فيه حكي واللحي وارد والمشرب بيجي والجنب وسيع وباقيه يبين لا جدل الحوار ان كان ذا انتاج البعير فابشر بالخير ضم عليه |
رد: يهمني رايكم ياهل النظر في القعود الاصفر اشكر كل من قام بالتعليق على موضوعي والله يرزقكم بالانتاج اللي يسركم ودمتم بخير ,,, |
| الساعة الآن 29 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |