هــــــام جـــــــدااا
 

السلام عليكم ورحمة الله وبركاته

اخواني اعضاء منتديات مزاين مثل ماتعرفون حنا مقبلين على موسم هداد الفحول
كلن يدور الفحل الطيب ولاكن المشكله وين الفحول الطيب الى قريبه من الرياض وخصوصا الوضح
نرجو من الاخوان الافاده بها الموضوع
وشكرا
محمد الحربي

وعليكم السلام

ان شاءالله يفيدونك الالاخوان

الاخ محمد

اغلب اهل الفحول الطيبه ما يجون حول الرياض واللي حول الرياض تلاقيه في مزرعته
كما ان ذكر اي شخص بعينه من الصعب على الاخوان لانه قد يكون فيه احراج لاصحاب الفحول
ولكن ان كان هناك احد من الاعضاء لديه فحل طيب او قد استئذن من اصحاب الفحول الطيبه وابداء استعداده فلا مانع من ذلك
وانا عن نفسي لدي فحلين كلها منتجه ومن ساس طيب جدا ان اردت تضرب يا هلا ومرحبا وان كان ابلك واجد ارسلت لك البعير منيح لين تعاشر ابلك
وعسا الله يرزقك ويمنحك منها ما يسرك

وتقبلوا تحياتي

بيض الله وجهك يا بوعبدالعزيز

ماقصرت يابو عبدالعزيز وبيض الله وجهك

ماشاء الله تبارك الله

هكذا شيم الرجال ..

ونفخر أن منتدى مزاين يعج بأمثالك ..

فما زال الخير في وفي أمتي الى يوم القيامة

أسأل الله بمنه وكرمه أن يبارك لك فيما تملك

صغيرها وكبيرها أخوي عبدالرحمن

بيض الله وجهك يابوعبدالعزيز

بيض الله وجهك يابو عبدالعزيز وهذا من طيبك

بيض الله وجهك وعلمك غانم

تحيه
 

بيض الله وجهك يا بو خالد

وعلمك طيب ولاهي غريبه عليك فعل الطيب

في وقت طال عمرك من عنده بعير طيب ومنتج

قام يمنع الناس من الضراب بحجج واهيه

نسال الله ان يبارك لنا ولكم ولجميع المسلمين


اخوك

المزحمي

وقف شعر راسي يوم قريت هالكلام
شهم ولد شهم يابو عبدالعزيز وعرضك على الاخ محمد ينومس هل البل كلهم
اسأل الله بمنه وكرمه ان يبارك لك في حلالك ويرزقك من حيث لاتحتسب

عبدالرحمن بن عبدالعزيز بيض الله وجهك على هالعلم الغانم
وهكذ يفعلون الرجال الطيبين.
الأخ/ محمد الحربي بالنسبة لي اعرف فحل جلال البقمي في جو ساقان وهو بعير منتج وغالي .
وفحل محمد بن سفر البقمي في مزارعة في الضحوي ورجل مايرد احد وفيه خير وفحله غالي يالملايين وانتاجة اكار مزاين .
ايضاً بجواره ابن مبلش وفحوله معروفه.
في المستوي فحول طيبة مع ناس من الربع وهي من فحول الأمير سلمان بن محمد وابله معروفه .
وانا حاضر اذا انك قريب من المستوي .

الله يبيض وجهك اخوي (عبدالرحمن بن عبد العزيز)
ويبارك في حلالك علمك غانم

والله الف نعم يابو عبدالعزيز ومشكور على الفزعه عز الله انك كفو والعلم الطيب كفولك