قصيده اعجتني
 

هذا القصيدة قريتها واعجبتني بالحيل وحبت تقرونها وهي للشاعر محسن بن علـي القريشـي السبيعـي

ويقول فيها :



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالوا تغزل قلـت فـي شمـخ الـذرا = اللـي خلقهـا الله وزيـن تصويرهـا
ضرب بهـا الامثـال بمحكـم كتابـه = قبل السماء والارض ماذكـر غيرهـا
وقبـل الجبـال الراسيـات الشوامـخ = من بيـن لحـم ودم أخـرج دريرهـا
يازينهـا لا هجـدت ليـل ربعـهـا = وسمعت فوق الحوض جضرة صغيرها
قامت تزاحم فـوق حـوضٍ موسـر = مثـل السبـاع إذا دغرهـا خشيرهـا
ورا وعود ثـم لا الحـوض ممتلـي = و قامت تفاهق مـن روا جـم بيرهـا
وتناطلت في معطانها كن وصفهـا = تهامية في الارض تدفن بريرهـا
تناعسـت غفـوة ودكـت وعـلـت = وقامت تزاعـج يـم مفـلا صديرهـا
وتقاطرت مع المصدار لاكن وصفهـا = طوابير جيـش لا ومرهـا وزيرهـا
وصلـت معشاهـا بليـلٍ وعـشـت = وتخالطـت خلفاتهـا مـع عشيرهـا
أساطيل لا مشت قصـور لا امرحـت = يازين في المفـلا طـوارف نشيرهـا
تصبر علي الجوع وتصبر علي الظما = ومن عظم شأنها ما يجبـر كسيرهـا
وإذا ظهـر نجـم السويبـع وإرتفـع = وجهالهـا قامـت تغـازل بعيـرهـا
تقضقـض فحلهـا بالهـداد وشفتهـا = تديـره وهـو بالهـديـر يديـرهـا
ثـم إنحنـى كالقـوس لاكـن حسـه = طبلـة هـل العـارض لادق زيرهـا
أو كالـهـلال اذا نـظـرة مثـنـي = هــذى ينوخـهـا وذى يستثيـرهـا
وقام يحداهـا عـن هواهـا وتتبعـه = مثل السريـة والفحـل هـو أميرهـا
فيها قريع الـذود مـا حلـب مثلهـا = ملحـاً ظهيـرة وإركبوهـا بضيرهـا
لادارهـا الحـلاب حنـت وأرزمـت = ماهيب نحوسٍ طبعهـا نثـر خيرهـا
وتشنحطـت كـن النعـاس يغشاهـا = وخلافهـا الأربـع تسابـق دريرهـا
أبيض من القطن وأحلى مـن العسـل = وأخير من بيبسي البـلاد وعصيرهـا
كـن الدكاتـر بـالـدواء بنجـوهـا = ماتلتفت لـو كـان تقطـع وخيرهـا
جسـم جليـل وعنقهـا مـن زرافـة = وإذنيـن كالحربـة بلـيـا جفيـرهـا
يالله لا تقـطـع عنـهـا جمايـلـك = وبذنـب غيرهـا لا تعطـل مسيرهـا
وأنزل عليها الغيث من بـاب فضلـك = أنبت فياض العشب وأرخص شعيرهـا
يالله بـنــوٍ مـدلـهـمٍ خـيـالـه = فـي ليلـةٍ غـرا حقـوقٍ مطيرهـا
يرعـد ويبـرق ماتفصـل رعــوده = يحي هشيـم الارض وينبـت بذيرهـا
نهـار سابـع تعـرف العشـب كلـه = تميز دقاق العشب وتعـرف كبيرهـا
كن الخزامـا فـي طـوارف فياضـه = لون الزوالي صوفهـا مـع حريرهـا
وصفارها ومرارهـا مـع عضيدهـا = قوارير طيـبٍ فـاح منهـا عبيرهـا
يازين ممشـاً بـه علـي كـل حـزة = شيء يشوق النفس ويعجـب نظيرهـا
أخيـر مـن قصـرٍ تسكـر نوافـذه = ومكيفـات البيـت تسمـع صفيرهـا
أمـا لفحـك الـحـر وإلا بـرادهـا = وإلا تلحـف لا يضـرك ضريـرهـا
ياشيـن بـردٍ مصـدره مـن مكينـة = لا شغلوهـا دوخـتـك بصريـرهـا
هـذا كـلام اللـي تمثـل وغـنـى = ينظـم قوافيهـا ويأخـذ عسيـرهـا
وإختار من زيـن المعانـي جلالهـا = يتـرك حواشيهـا ويأخـذ غزيرهـا
تمت وصلي الله علـي سيـد الـورا = محمـد رسـول ن للعباد وبشيرها


[/poet]
تقبلوا تحياتي

اخوكم

مشعل اليامي

الاخوة العضاء اللي عنده طريقة يقدر ينسقها فيها يكون مشكووووور

اررررررررحب يامشعل


حيه وحي ماجابه



وصح الله لساااان القايل وتسلم يد الناقل



اختيار موفق يامحلفي


اخوك ..

مشعل اليامي

مشكور مايجيب الطيب الا طيب

اخوك

الاخ مشعل اليامي
اولا شكرا لك على نقل هذه القصيده الجميله وهي من الشعر السهل الممتنع
وانا قراتها اليوم حوالي ست مرات من سلاستها وصدقها وواقعيتها والشاعر محسن استطاع ان ينقلنا الى جو الابل في فلم من صنع ابياته لا فض فوه
الاخ محسن بارك الله لك في عمرك وفي ابلك نعم لقد سررت بقصيدتك وكتبتها عندي اسمعها من اعرف ومن اجالس لحلا وتها ووالله لا اعلم قصيده تجاريها في حلاوتها غير قصيدة خضير بن شامان المشهوره ولعلي اتمكن من قصيدة خضير وآتي بها
لكما شكري

الله يبقيك يا فهد

ويطول عمرك

ترى هذا هو الواجب

اخوك

اخي عيد

انت الطيب كله
ولا خلا ولا عدم

اخوك

عبدالرحمن

الله لايهينك في التنسيق

وهذا شيبسيط نقدمه لكم في القسم

اخوك

مرحبا ومسهلا اخوي جاسم

وشكرا على المرور

اخوك

يرعـد ويبـرق ماتفصـل رعــودهيحي هشيـم الارض وينبـت بذيرهـا
نهـار سابـع تعـرف العشـب كلـهتميز دقاق العشب وتعـرف كبيرهـا


يااااالبيه

صح لسااااان من قااالها

وماتقصر الشيخ

ونرقب اليديد

خويتك:شيخة المناصير

قصيده رائعه صح لسنان القائل وتسلم على نقلها

الاخ مشعل اليامي

كل الشكر لهذا الاختيار الراقي والجميل

وللمعلومية فقط

أن هذه القصيدة تمتلك منتديات مزاين السباقة لكل شيء مميز ونادر

حقوق نشرها لأول مرة على صفحات النت

ومن ثم تم تناقلها بين المنتديات الاخرى


وسوف تجدها على هذا الرابط

http://www.mzayan.com/vb/showthread.php?t=47

لاهنت يا مشعل ولك أطيب التحايا

أخوك

الاخت شيخه المناصير

لك الشكر والتقدير على المرور

لك اطيب التحيات

مغليك

مشعل اليامي

الاخ فواز الحربي

شكر على مرورك العزيز علينا

ولك الشكر والتحيه

مغليك

مشعل اليامي

الاخ خالدالسبيعي

قد تكون القصيده كتبت من وقت بعيد

بس انا وجدتها في احد المنتديات وحبيت انقلها لزين القصيده وكنت لا اعلم انها موجوده مسبقا

واعتذار لك لعدم معرفتي بوجودها

محبك ومغليك

مشعل اليامي