|
بالنسبه عندنا الترتيب كالاتي : مفرود ,, لبني ,, حق ,, جذع ,, ثني ,, .... الخ الي عمره ثلاث سنوات يسمى حق او لقي .. اما الي عمره سنتين لبني .. هذا الي اسمعه من اهل الحلال الي قبلي في منطقتنا طبعا .. قد تختلف المسميات في بعض المناطق ... والله يبارك للجميع ... اما بالنسبه للتصويت فانا اصوت ان اللقي اكبر من الحق مع العلم عندنا انه كلها في عمر واحد .... |
لاهنت يابو عبدالرحمن على الموضوع وانا مع ان اللقيه اكبر من الحقه |
تسلم على الموضوع الرائع انا اقول ان اللقي اكبر من الحق |
مافيه شك ولا ريبه اللقي اكبر من الحق ولاكنا يجب ان نحترم من اتبع سلم ربعه في التسميه وليس من المعقول مخالفتهم لان يد الله مع الجماعه الا ما كان فيه مخالفه او معصيه لله ورسوله فيجب الانكار عليهم بالحسنى وهذي من اخلاق الناس ولزوم الجماعه ونشكر الجميع |
عندنا يــــ ( آل عمارة من تهامة بلقرن )إن الحق أصغر من اللقي حوار وحوارة ثم لبني ولبنية بكسر اللام وسكون الباء وكسرالنون وتشديد الـيـاء - ثم لقي ولقية - ثم جذع وجذعة ......... وسبب التسمية باللبني واللبنية لأن الأم صار بها لبن من المولود الثاني |
اقتباس:
|
اشكرك اخوي علي الموضوع وكلامك صحيح اللقي اكبر من الحق تقبل تحياتي |
أرررررررررررررحب يبو علي ولا هنت على طرح الموضوع للنقاش والتصويت بالنسبه للي يقولون ان الحق أكبر من اللقي ففيه بعض قبايل الشمال هذا الترتيب اللي عندهم وهو ايضا الترتيب الفقهي ولا عليه غبار وهو صحيح بالنسبه لهم بالنسبة لي انا واللي عرفته اللقي اكبر من الحق ولا سمعت ان اللقي اصغر من الحق الا عند بعض قبايل شمال الجزيرة وتصويتي على ان اللقي اكبر من الحق ولكن للتنبيه فقط من قال بان اللقي اكبر من الحق فنقول هذا هو المعروف عندنا وعند اغلبية البدو واهل البل ومن قال ان الحق اكبر من اللقي فهو ما عرفه من الدارج عنده في قبايله ومجتمعه ونقول له انت ايضا على صواب بالنسبه للدارج عند قبيلتك والمجاورين لكم تقبلو تحيات محمد بن جاري |
رد: (الحق؛اللقي) (اللقي؛ الحق) :تصويت 1 مرفق ياريجيل كل قبيلة ولها مسمياتها ليه الزعل ذا كله تدرون ليه لان كل واحد يبي يحط كلامه هو الصح ياناس بلاتصويت كل قبيلة ولها مسمياتها وشكرا |
رد: (الحق؛اللقي) (اللقي؛ الحق) :تصويت الحقيقه ان فيه ناس تعرف هذا الاختلاف وتدلس في البيوع يقول حق اذا عرفت انه اتم ثلاث سنوات ودخل الرابعه فلا ضير وان اعتقت انه اتم سنتان ودخل الثلاثه فقد دلس في العمر انا اشكرك على الموضوع واتمنا الربط بين الاسم والعمر بالسنين لان بعض التسميات لا تدل على السن بالتحديد كالجذع لا تدري هو ثلاث او اربع وقد يكون مهم للمشتري وبما انا من هل التوحيد افضل حوار مفرود لقي حق وتقبلوا تحياتي |
رد: (الحق؛اللقي) (اللقي؛ الحق) :تصويت اقتباس:
اقتباس:
ما ازيد على كلام الوالد لكم ودي |
رد: (الحق؛اللقي) (اللقي؛ الحق) :تصويت السلام عليكم ورحمة الله في الشرع اللقيه مالاقت أخاها و الحقة هي ما إستحقت الفحل وهذي هي التسمية عند العرب قديما و أخذ بها الشرع إشتهر عند الناس العكس ولكن مهما كانت التسمية مشهوره ماتكون صحيحة بأي حال لأن هذا الإختلاف يسبب ربكه لبعض الناس عند حساب مقدار الزكاة (الله يجيب المطر للمسلمين) لأن الزكاة تحسب على هذا الأساس وهو الأصل وفقكم الله |
رد: (الحق؛اللقي) (اللقي؛ الحق) :تصويت للتوضيح أكثر بارك الله فيكم مسألة أن اللقية هي ماكان لها سنتان بناءً على أنها لاقت أخاها إجتهاد مر علي ولم أجده في زكاة الإبل و يحتاج تأكيد ليس لدي الآن أما مسألة الحقة فهي متفق عليها شرعا أي أنها ما إستحقت الفحل وهي ماتسمى باللقية على المشهور عند الناس |
رد: (الحق؛اللقي) (اللقي؛ الحق) :تصويت الحق اكبر من اللقي بس بالوقت التالي قلبوها التالين وانا منهم |
رد: (الحق؛اللقي) (اللقي؛ الحق) :تصويت السلام عليكم ورحمته وبركاته انا بصراحه يوم قريت الموضوع ضحكت فطست من الضحك ياجماعة الخير هو فيه احد ما يعرف اللقيه من الحقه مسميات اسنان الابل معروف وموحد عند كل القبايل البدو الاصليين اما البدو من سنة الفيين وجاي الي صاروا بدو على شان المزاين والتجاره فبكيفهم يسمون الي يبون يسمونه انا اكثر من مره تضرب قدامي حقه وتلقح وتجيب حوار يسمونها الشيبان مفرخ وهذي حالات نادره جدا لكن الشي المتعارف عليه ان البكره تضرب وهي لقيه وهذا سنها العادي ع العموم كلام فهد بن صلبوخ عين الصواب وشكراً |
رد: (الحق؛اللقي) (اللقي؛ الحق) :تصويت لا إله إلا الله محمد رسول الله حوار ثم مفرود ثم لقي ثم حق ثم جذع ثم....................... ولا عندنا غير هالكلام هذا بالشرع وعندنا |
رد: (الحق؛اللقي) (اللقي؛ الحق) :تصويت انا اؤيد كلام المقباس وكلام الشرع مقدم على اي كلام اخر والحقه اكبر من اللقيه لانها استحقت الفحل وان كان الواقع الحالي يقول عكسه |
رد: (الحق؛اللقي) (اللقي؛ الحق) :تصويت السلام عليكم ورحمة الله وبركاته المتعارف عليه أن اعمار الابل حوار ثم مخلول ثم مفرود ثم لقي ثم حق ثم جذع ثم ثني ثم رباع ثم سديس يعني اللقي من يلاقي اخوه على ديد امه ( عمره سنتان ) والحق من حق عليه العسف والتحميل ( والتضريب للبكره إذا كانت جبره وطولها مناسب ) ( عمره 3 سنوات ) الخلاصه: الحق أكبر من اللقي |
رد: (الحق؛اللقي) (اللقي؛ الحق) :تصويت اقتباس:
اما بالنسبه لضراب اللقيه اذا كان عمرها كبير وطيب وطولها زين فانا مع تضريبها وان كان عمرها عادي فالافضل انك تعديها سنه وعندي بكار عديتهن حتي طاحت ثناياهن وعليهن الان طول طيب بالحيل والناقه تكبر وتطول لين تدخل سديس ثم ياقف نموها وتقبل تحياتي.. |
رد: (الحق؛اللقي) (اللقي؛ الحق) :تصويت عند اغلب الناس اللقي اكبر من الحق ولكن الصحيح هو المسمى الفقهي او العربي الصحيح وهو ان الحق اكبر من اللقي ومسميات اغلب الناس اول 6 شهور يقاله حوار وبعدها سنه مفرود وسنه حق وسنه لقي والتسميه العربيه حوار سنه كامله مفرود سنه كامله لقي أي لاقى اخيه على اللبن او ابن لبون وبعدها حق أي حق عليه مايحق على الجمل ومع ان بعض الاخوان سبقوني ببعض المعلومات اعتذر ان وجد خطاء |
رد: (الحق؛اللقي) (اللقي؛ الحق) :تصويت السلا م عليكم ورحمة الله وبركاته تحيه واحترام للجميع انتم تعرفون ان كثير من المسميات تختلف بين الشمال والجنوب في امور كثيره بالنسبه للبل مثلا الرسق حنا نسميه الفرسن وغيرها كثير اما بالنسبه للحقه عند اهل الشمال اكبر من اللقيه لان اللقيه اللي تلفا اخوها والحقه اللي حاق عليها الضراب لان اهل الشمال يسمون ولد الخلفه حوار ولد العشرا مخلول اذا تغير مسما الام تغير مسما ولدها معها يعني حوار ومخلول بسنه وتمشي مع امها ليا عشرة وهي مفروده لين تلد امها وتلقا أخوها وتصير لقيه والحفه اللي حاق عليها الضراب وهذي مسميات اهل الشمال واخيرا شمال وجنوب كلهم خير وبركه واكيد ومن دون شك انهم متفقين علي الطيب والكرم والمرجله والعلم الغانم وشكرا لك اخوي علي |
رد: (الحق؛اللقي) (اللقي؛ الحق) :تصويت عند اغلب اهل الشمال وحايل الحق ابو ثلاث سنين واللقي ابو سنتين وعند اهل بقية البلاد العكس اللقي ابو ثلاث سنوات والحق ثلاث ..ومشينا معهم غصبٍ علينا وسبب تسمية اللقي انه يلاقي اخوه على امه .. اما الحق او الحقة لانها استحقت الضراب .. واستحقت الركوب بالهجن وحنا مشينا مع اهل نجد غصبٍ علينا / والا الشرع واهل حايل وبعض الشمال يقولون لابو ثلاث سنوات حق او حقة اما سالفة تلاقي الجمل والا حق لها تشوف اختها ههههههه اسمحوا لي كلام فاضي ومو منطقي / لكن اغلبكم يبي كذا وحنا معكم |
| الساعة الآن 08 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |