انتفاخ خصي الفحل

[محمد المنصوري]

مساء الخير للجميع

عندي فحل من أجي الحر انتفخت خصيه وفحصته ولا طلع فيه مرض

حد صارت عنده هاذي الحاله او سبق جرب علاج لانتفاخ الخصي

[مبارك المري]

هذا امر طبيعي يحصل لكل الفحول فترة القيظ

[محمد المنصوري]

بيض الله وجهك اخوي مبارك المري

صحيح ان الفحول تنتفخ خصيها. في الحر ولكن انا أتكلم عن انتفاخ زايد عن الحد المعقول

لان عندي فحول غيره وقريبه منه ولكن خصيها طبيعيه

والبعير لقاحه لك عليه من العشر يمكن يلقح اربع هذا اللي خلاني اسأل

لان البعير صار له ثلاث اسنين على هذا الحال. وسلامتك

[يزيد محسن]

لا صار هرش وجبر يعني طول وعرض طبيعي ولا صار مجهم بعد بزود لو أرسلك صور خصا الفحل الي عندي تهولت لاقبلت من بعيد تقول ديوس خلفة ديسها طيب

[سيف الهاملي]

صبحك الله بالخير

ابشرك عندي نفس الحاله كأنك توصف حالة البعير الي عندي بالضبط و فحصته عن كل شي حتى البروسيلا مافيه الا العافيه و لقاحه ضعيف و اعطيه مقويات حيوانات منويه كورس مدة شهر قبل الهدد و يلقح لاكن بدونه يكون لقاحه بارد و يعز لقاحه من شهر 1 انجليزي
اصل البعير القوز

شكرا

[حمود العتيبي]

السلام عليكم
عاد عيدكم وكل عام وانتم طيبين
انشاء الله الوضع طبيعي
هل سويت تحليل عن المالطيه لان من اعراضها تنفخ الخصاء وتقلل القاح والله العلم