مطلوبين للرأي

[حوران العتيبي]

السلام عليكم ورحمة الله وبركاته
اتقدم بالشكر الجزيل لمنتديات مزاين والقائمين عليها .. وعسى الله يوفق الجميع

شريت لي مجموعة ابل ومن ضمنها حواره عفراء مالها أم .. واضن عمرها لم يتجاوز 6 شهور
لأنها ماطيّرت وبرتها << إن كان عندي علم
على العموم البكره فيها العلل السبع وحالها ضعيف
خشام .. قرع .. حراره .. سهال .. والشكوى لله وهي الحين معزوله لحالها في حوش بعيد عن البل
مير ودي برايكم في راس البكره
والا باقي عمرها زين وماعليه
يالربع اقضبها والا اتناوش بها اقرب سوق ؟
اتمنى منكم ابداء وجهة نظركم .. وعسى الله يجمّل حالكم
والشي الثاني هل العلل الموجوده في البكره تغيّر من ملامحها ويشين وجهها ؟

http://arab4load.info/uploads/f1d913402438801.png (http://arab4load.info/)

http://arab4load.info/uploads/8c9d13402448881.jpg (http://arab4load.info/)

[طلال الروقي]

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

[فهد العضياني]

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

[مشعل الشويش]

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

[جمل القحطاني]

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها

[فهد بن عطاالله المطيري]

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

[حوران العتيبي]

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

هلابك يابن روق
وبيّض الله وجهك يالأمير
لكن ماظن إن أم البكره مجهم لأن لونها صافي وذيلها قصير مره
أنا معك في أن إذنها كنها إذن جنوبيه بس يمكن إن إستصحّت البكره وزان حالها تتغير بعض ملامحها

لاهنت ياطويل العمر

[حوران العتيبي]

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

أرحب يالعضياني
وبيّض الله وجهك يالأمير

لاهنت وعساك سالم وغانم

[حوران العتيبي]

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

هلا اخوي مشعل
وبيّض الله وجهك يالأمير
كفيت ووفيت وجمّل الله حالك

لكن ابنشدك عن شي
الحواره ماطيّرت وبرتها للحين
على كم تطير وبرة الحوار ... ؟

لاهنت والله يعطيك العافيه

[حوران العتيبي]

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها
هلا بولد الشايب
يامرحبا يالامير ولاهنت وبيّض الله وجهك

[حوران العتيبي]

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

هلا بك اخوي فهد
وبيّض الله وجهك وجمّل الله حالك .. ولاهنت
تقول ان عينها نابيه اذا تقصد انها بارزه فالأمر ذا يرجع الى حالة البكره الصحيه لأنها رديه ولاعليها لحم
بس يمكن ان سمنت تتغير بعض ملامحها

[فواز ال مفرح]

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

[فيصل القريني]

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

[حوران العتيبي]

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

لاهنت وبيّض الله وجهك يابن مفرح
وعسى الله يجمّل حالك

[حوران العتيبي]

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

بيّض الله وجهك يالقريني
وعسى الله يبارك لنا ولك وللجميع في مارزقنا

لاهنت

[حزام العاطفي]

اررحب ياحوران
اشوف والله العالم انك ماتستعجل على البكره
لان فيها مواري زين ولو ان فيها ملاحظات مثل ماقال الاخوان
الله يبارك لك فيها

[سعود نواف]

اخوي حوران
انا من رايي انك تجود ولا تفك وبحول الله يا هالبكره اذا جا عمرها ان شاء الله حقه ان بيجي لها فعل وان شاء الله تبي تزين اذنها تجوووووود وانا اخوك وان كانك تبي تبيع
ان زبونها وين المحل

[حوران العتيبي]

اررحب ياحوران
اشوف والله العالم انك ماتستعجل على البكره
لان فيها مواري زين ولو ان فيها ملاحظات مثل ماقال الاخوان
الله يبارك لك فيها

هلابك يالعاطفي
والله يجمّل حالك ويبيّض وجهك

لاهنت

[حوران العتيبي]

اخوي حوران
انا من رايي انك تجود ولا تفك وبحول الله يا هالبكره اذا جا عمرها ان شاء الله حقه ان بيجي لها فعل وان شاء الله تبي تزين اذنها تجوووووود وانا اخوك وان كانك تبي تبيع
ان زبونها وين المحل

هلا ابو نواف
وبيّض الله وجهك
وابي اتبع شوركم والله يكتب اللي فيه الخير
لاهنت يالذيب

[خالد السديري]

اكرمها ولا تستعجل عليها
والاخوان جزاهم الله خير منصحين لك وعطوك العلم اللي يسر خاطرك
ولاني با أزيد عليهم

[عبدالعزيز الهمزاني]

خله عندك لا تبيعه طيبه ماشاء الله

[حوران العتيبي]

اكرمها ولا تستعجل عليها
والاخوان جزاهم الله خير منصحين لك وعطوك العلم اللي يسر خاطرك
ولاني با أزيد عليهم

هلا وغلا بالسديري
وبيّض الله وجهك وجمّل الله حالك
والله يكتب اللي فيه الخير

[حوران العتيبي]

خله عندك لا تبيعه طيبه ماشاء الله

الله يطيّب حظّك ويزيّن فالك
لاهنت يالذيب

[مسفر بن جزاء]

الا خذ فلوسها و ادعلي بالربح 0505276695

[عبدالله الثمالي]

ان بعتها ماهي مغنيتك وان تعبت عليها ماهي مخسرتك

الصبر زين والبكره لولا اذانيها كان لي راي ثاني

[حاتم العماري]

البكره طيبه وان شاء الله صحتها بتزين
من نظرة عينهاا..المرض مولي باذن الله
وبرتها بتطيح مع الزود
تقبل تحياتي