المساعد الشخصي الرقمي

مشاهدة النسخة كاملة : ناقة تضرس

مسعود العماري
29 / 11 / 2006, 33 : 09 AM
الاخوة الاعزاء

السلام عليكم ورحمة الله وبركاته

عندي ناقة ام ثالث تضرس تقول فحل هايج (تحسك بضروسها) وضعيفة والناقة ما تركد تحرك باستمرار تقول ماخض

علما انها اول طيبة وبخير وراكدة وعافيتها زينة
فهد الأحمد
13 / 12 / 2006, 22 : 09 AM
مرحبا يا مسعود
عندنا ناقة لاحظت عليها قبل يومين إنها تضرس
لكنها للأمانة راكدة ولا لي علي أي ملاحظة غير إنها تضرس.
فهيد الدعجاني
16 / 06 / 2011, 31 : 12 AM
السلام عليكم
اخوي كان عندي بعير لقي يضرس
وضعيف لقيت له حل بسيط
يمكن ينفع لناقه
عطها ملح
عبدالرحمن التركي
16 / 06 / 2011, 40 : 11 AM
اسباب الضراس والعلم عند الله سبحانه
الناقه فيها ديدان
عطها ابر الدود وانشالله بالعافيه
شباب الدوسري
16 / 06 / 2011, 10 : 02 PM
الله العالم انه نوع من الطير نشقها شب وجرب
علي بن سالم المحميد
19 / 06 / 2011, 10 : 02 AM
الله يحييك بو محمد
نصيحة لا تعطيها اي شي دام حالها طيب وزين
يمكن فتره ويروح منها التضراس
تحياتي لك ...
محمد الوهبي التميمي
20 / 06 / 2011, 12 : 10 PM
اللي في ناقتك يامسعود. دود وهالنوع من الديدان يكون متطور. عندي ناقه مثل ناقتك واشتد عليها يوم انتجت وصارت خلفه. شهيتها انعدمت وصارت تضرس. وشان حالها. تابعت معها بحبوب الدود صرت ادبل الجرعات واسقيتها مره وبعض الخلطات الشعبيه. واليوم أشوفها متعدل حالها
ياسر الحربي
20 / 06 / 2011, 52 : 11 PM
ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح
محمد بن عمير
21 / 06 / 2011, 31 : 03 AM
ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح





مسيك بالخير يامسعود


كلام ياسر الحربي والله العالم انه صح 100%

وتبي تأكد افتح فم الناقه وبتشوف الهدب بعينك

انا عندي ناقيه كذا واحسبه دود ويوم جيت اغرها بشراب الدود لقيت الهدب شئ يروع

وقطعته على 3 ايام متتاليه لانك بتقطع شوي وبيغطيه الدم خله كم يوم ورى بعض

ومثل ماقال خالد عقبه خذ عصى ولف عليها خرقه وادهنه بزيت عشان الملح يلزق فيه وافركها بقوه في فمها بعد التقطيع

والله يشفي حلالك وحلال المسلمين
عبدالرحمن المقباس
21 / 06 / 2011, 34 : 11 AM
السلام عليكم ورحمة الله وبركاته
كلام الاخ ياسر الحربي هو الاقرب الى الصواب وهو ما نسميه عندنا حمام وهو زوائد في شدوق الناقه من الداخل تمنعها من الاكل وتنغص عليها حياتها
فان لقيت هذه الزوائد فاقطعها يا اخي مسعود وافرك شدوق الناقه بالملح بعد القطع واذا لم تجد الحمام فانتبه لا تكون الناقه فيه عضه او شي وقد يكون عاضها ثعل او كلب الله يستر وقد يكون هذا الكلب او الثعل مغلوث
وفق الله الجميع لما يحبه ويرضاه
عواض النفيعي
21 / 06 / 2011, 35 : 02 PM
يا مسعود ان شاء الله انها سهالات يا خوك

الناقه اقول 80% فيها دود في حبوب دود ممتازه ميعها في مويه و شربها الناقه

لمده يومين وراح تلقى تحسن و عطها بنسلين عقب الحبوب مضاد وينفع لها

تحياتي
حمد الحريّص
21 / 06 / 2011, 40 : 02 PM
ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح


اتفق مع اخوي ياسر الحربي
محمد الوهبي التميمي
22 / 06 / 2011, 46 : 02 PM
مسعود عطنا علوم الناقه فتشت شدوقها؟
واستعجل بمضادات الدود البيطريه والشعبيه وننتظر العلوم منك اخوي مسعود
وطبان بن فهد
23 / 06 / 2011, 28 : 01 AM
ياجماعة الموضوع مكتوب بتاريخ 29 - 11 - 2006 :)

لكن على كل حال ماقصرتوا وعسى الله لايرينا واياكم اي مكروه لا في حال ولا حلال ولا عيال

وسلامتكم ،،،
محمد الوهبي التميمي
23 / 06 / 2011, 27 : 09 PM
مايخالف ياوطبان. المواضيع تجدد لفائدة الزوار وجميع الاعضاء حتى لو مرور سنه او اكثر. وياليت الاخ مسعود يفيدنا عن تجربته ولهو جزيل الشكر
محمد سالم اليامي
27 / 06 / 2011, 01 : 01 PM
علوم الناقه يابو محمد ان شاء الله طابت ما دام الشباب جددوا الموضوع
تركي عبدالله
06 / 11 / 2011, 14 : 12 AM
بشرنا وش علوم الناقه؟