ناقة تضرس

[align=center]

الاخوة الاعزاء

السلام عليكم ورحمة الله وبركاته

عندي ناقة ام ثالث تضرس تقول فحل هايج (تحسك بضروسها) وضعيفة والناقة ما تركد تحرك باستمرار تقول ماخض

علما انها اول طيبة وبخير وراكدة وعافيتها زينة[/align]

مرحبا يا مسعود
عندنا ناقة لاحظت عليها قبل يومين إنها تضرس
لكنها للأمانة راكدة ولا لي علي أي ملاحظة غير إنها تضرس.

رد: ناقة تضرس

السلام عليكم
اخوي كان عندي بعير لقي يضرس
وضعيف لقيت له حل بسيط
يمكن ينفع لناقه
عطها ملح

رد: ناقة تضرس

اسباب الضراس والعلم عند الله سبحانه
الناقه فيها ديدان
عطها ابر الدود وانشالله بالعافيه

رد: ناقة تضرس

الله العالم انه نوع من الطير نشقها شب وجرب

رد: ناقة تضرس

الله يحييك بو محمد
نصيحة لا تعطيها اي شي دام حالها طيب وزين
يمكن فتره ويروح منها التضراس
تحياتي لك ...

رد: ناقة تضرس

اللي في ناقتك يامسعود. دود وهالنوع من الديدان يكون متطور. عندي ناقه مثل ناقتك واشتد عليها يوم انتجت وصارت خلفه. شهيتها انعدمت وصارت تضرس. وشان حالها. تابعت معها بحبوب الدود صرت ادبل الجرعات واسقيتها مره وبعض الخلطات الشعبيه. واليوم أشوفها متعدل حالها

رد: ناقة تضرس

ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح

رد: ناقة تضرس

ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح

مسيك بالخير يامسعود


كلام ياسر الحربي والله العالم انه صح 100%

وتبي تأكد افتح فم الناقه وبتشوف الهدب بعينك

انا عندي ناقيه كذا واحسبه دود ويوم جيت اغرها بشراب الدود لقيت الهدب شئ يروع

وقطعته على 3 ايام متتاليه لانك بتقطع شوي وبيغطيه الدم خله كم يوم ورى بعض

ومثل ماقال خالد عقبه خذ عصى ولف عليها خرقه وادهنه بزيت عشان الملح يلزق فيه وافركها بقوه في فمها بعد التقطيع

والله يشفي حلالك وحلال المسلمين

رد: ناقة تضرس

السلام عليكم ورحمة الله وبركاته
كلام الاخ ياسر الحربي هو الاقرب الى الصواب وهو ما نسميه عندنا حمام وهو زوائد في شدوق الناقه من الداخل تمنعها من الاكل وتنغص عليها حياتها
فان لقيت هذه الزوائد فاقطعها يا اخي مسعود وافرك شدوق الناقه بالملح بعد القطع واذا لم تجد الحمام فانتبه لا تكون الناقه فيه عضه او شي وقد يكون عاضها ثعل او كلب الله يستر وقد يكون هذا الكلب او الثعل مغلوث
وفق الله الجميع لما يحبه ويرضاه

رد: ناقة تضرس

يا مسعود ان شاء الله انها سهالات يا خوك

الناقه اقول 80% فيها دود في حبوب دود ممتازه ميعها في مويه و شربها الناقه

لمده يومين وراح تلقى تحسن و عطها بنسلين عقب الحبوب مضاد وينفع لها

تحياتي

رد: ناقة تضرس

ابو محمد
مساك الله بالخير
هذا الوخام يعني الهدب
علاجه تقطيع زوايد لحمية في فم الناقه من الجنب قطعها وفرك محلها بالملح

اتفق مع اخوي ياسر الحربي

رد: ناقة تضرس

مسعود عطنا علوم الناقه فتشت شدوقها؟
واستعجل بمضادات الدود البيطريه والشعبيه وننتظر العلوم منك اخوي مسعود

رد: ناقة تضرس

ياجماعة الموضوع مكتوب بتاريخ 29 - 11 - 2006

لكن على كل حال ماقصرتوا وعسى الله لايرينا واياكم اي مكروه لا في حال ولا حلال ولا عيال

وسلامتكم ،،،

رد: ناقة تضرس

مايخالف ياوطبان. المواضيع تجدد لفائدة الزوار وجميع الاعضاء حتى لو مرور سنه او اكثر. وياليت الاخ مسعود يفيدنا عن تجربته ولهو جزيل الشكر