المساعد الشخصي الرقمي

مشاهدة النسخة كاملة : ماهو رأيكم بمن يمنع أضراب البعير على الناس


سالم ال محمد
14 / 03 / 2010, 58 : 06 AM
ماهو رأيكم بمن يمنع من إضراب البعير






الحقيقة تأخرت في كتابة هذا الموضوع وترددت في كتابته لعل ما أردت كتابته قد يكون في غير محله وأكون ممن يسئ الظن في الأخريين حيث أنني لم أتصور ما مررت به قبل كم شهر وهو أن فيه رجل خليجي مشتري له بعير بحوالي مليونين إلا شئ وكنت شاد وسامع بالبعير ومريت على راعي البعير على طريقي وكلمته بعرض عليه ناقتين ورفض رفض قاطع وبهذه اللهجة اسمح لنا لاتعرض لاتعرض وقال لي البعض أن من يضايقه يسمح له بناقه وحدة في السنة مرة بشرط عرض على عجل أن اضربها ولا فلا تعرضها مرة أخرى ولا تجيب غيرها وأكثر شئ الرفض القاطع المهم اني تركته ورحت وبعد أيام جاني شخص من جيرانه وقلت له كم عندك ناقة لقحة على بعير ابن فلان قال ولا ناقة هذا يمنع من البعير العام سمح لي بناقة بعد شق الأنفس ولا لقحت وهذا العام كلمته ورفض مع أن حنا في مكان واحد....



المهم ماهو رأيكم في هذا وأمثاله أو ممن يقعد يتمنن بالبعير ويتفلسف على الناس البعير ما يضرب إلا في الشبك والأخر يقول البعير مايضرب الخفوت ولا الخلفه والأخــــــــــــر يقول البعير مايضرب إلا الفترة الصباحية والأخر يقول البعير ارتخى مع أنك تشوفه قافل وكنه طور وهلم جرا من هذه الأصناف وعلى رأسهم من يمنع البعير البته مثل ماذكرت وما جعلني أكتب هذا الموضوع.




أريد أرائكم في مثل الصنف الأول وبقية الأصناف..



ولكم جزيل الشكر

سعيد بن علي
14 / 03 / 2010, 31 : 07 AM
هذا قليل رابعه وردي والبعير مايمنعه الا ردي

ولا هوبمستفيد منه

محمد سالم اليامي
14 / 03 / 2010, 38 : 07 AM
ناس رديه ما فيهم خير الي اقوله ويقولونه المطاليق الله لا يبارك لهم في حلالهم ولا يحسد وزر البعير الا رجال ما فيه خير
وانت لا تروح لبعير الا وانت ناشد عن راعيه والله ان فيه ناس هم الي يفكون البعير ويدخلونه على الناقه ويشملون للبعير ما يركنون على الراعي من شان الاجر الله يبارك لهم
وهذولا واجد ابشرك مسبلين فحولهم يبغون ما عند الله ودعاوي الاجواد

زاهر العرجاني
14 / 03 / 2010, 37 : 08 AM
والله ياسالم الناس تختلف ظروفها من شخص لاخر واللي يمنع لسبب مقنع هذا مافيه باس واللي يمنع

لاسباب واهيه ومعروفه فهذا نوع من الحسد عسى الله لايبلانا

اما اللي صار معك لما مريت عليه وانت شاد ماشي في طريقك وطلبت تعرض على البعير ورفض

هذا كلن بيقول مافيه خير ولاهو على خير لانك مانت بنازل عند ولاطلبته يسوي لك سرى

واللي يدور الجماله والاجر والعلم الغانم بيقدر عليه ويحط سرى وتتجمع الناس عنده ولمريت على عزبته حسبت ان عنده مزاين من كثر الناس

اللي تلقي عنده مع هذا مرتبهم ومرضيهم كلهم وابشرك انهم واجد

نايف التميمي
14 / 03 / 2010, 45 : 08 AM
والله ان فيه ناس هم الي يفكون البعير ويدخلونه على الناقه ويشملون للبعير ما يركنون على الراعي من شان الاجر الله يبارك لهم
وهذولا واجد ابشرك مسبلين فحولهم يبغون ما عند الله ودعاوي الاجواد

ياحي والله هالنمونه , الله يكثرهم ,

اللي يرد من بول بعير مافيه خير , ولا الله مبارك له في حلاله ,

عبدالعزيز الفضلي
14 / 03 / 2010, 57 : 08 AM
تدري انا ابدعي ربي ان يرزقك بعيييييير طيب طيب طيب جدا ويمسكون الناس عليه سرا


وبعدها اخوي سالم تعرف في ذاك الوقت كيف تتصرف مع الناس


والله الناس رضاهم غاية لا تدرك


بس خلها على ربك


احسن شي يشد الواحد بعيد ولا يجيني الى واحد عن واحد


والي يجي حياه الله عين فراش وعين لحاف


وابله مع ابلي

محمد بن صنهات
14 / 03 / 2010, 01 : 09 AM
هاذي والله ظعافة النفس
ومثله قوي وجه ولا يستحي من الرجال ولا يقدرها
ولذلك مايعتبر له قدر وحشيمه ودك تشهر به وتفضحه كل ماجا مجلس وهو حاضر فيه
مايمنع من البعير الا اللي حضه ردي ولاب الله مبارك له في انتاجه وهو حازم ماعونه من الناس
المطاليق أشتروا الفحول بالملايين وسبلوها
جعلهم بعده اللي لا حولت على الجو اللي هم نازلينه الا كنك محول على مزاين من كثر العرب اللي تضرب
عندهم وضوهم شابه ويبشر راعي المطيه بالشحم وقولة مرحبا 0

محمد ابو عدوة
14 / 03 / 2010, 38 : 09 AM
مرحبا ياسالم وهذا يسئ لنفسه وجماعته وقبيلته وحطه في البلاك ليست {BLACK LIST } صفحة للضفاع وكلن يعد ماواجه بالاسم .

وافي بن جابر آل نشيرا
14 / 03 / 2010, 07 : 11 AM
فيه اعذار تقبل واعذار من يقبلها؟
ومنع الركاب ردى نصيب

جدعان الجدعان
14 / 03 / 2010, 13 : 11 AM
السلام عليكم ورحمة الله وبركاتة
اشكرك اخوي على هالموضوع المفيد اللي عطاني مجال اذكر اسباب منع الجمل
يا خوي انا واحد من الناس يجوني ناس واجد يبون الفحل ولا منعت احد منه الا اللي يجي ونقته فيها بلا مثل جرب مثل قراد
مو صحيح اني بسمحله وفي بعض الوقت الجمل تجيه حراره ويتعب اكيد اني بريحه حتا يتحسن اما غير هذا اللي يمنع من دون هالاسباب الله يقطعه وعساه مايكثر
وانا ماقلت هالكلام ادور المدح بس حبيت اوضح اسباب المنع من تجربه شخصيه
وتقبل تحياتي

عالي العماري القرني
14 / 03 / 2010, 24 : 11 AM
الاسباب تنقال لراعي الطروقة عشان يكون مطمن ومريح مهوب مثل اللي يرد ماعونه للخلق هذا مافيه خير والشيمة منزوعة منه الله لا يحوجنا لهم

محمدالرمزاني
14 / 03 / 2010, 31 : 11 AM
الفحل لا منع راحت بركته وحتى الانتاج ماينتج ودك ان راعيه مايتعذر ابد عذر البعيرمنه هو وسلامتكم

عزيزالحميدي
14 / 03 / 2010, 39 : 11 AM
الطيب مطلب والمطاليق نيشان***والا الردي لاجاه قطب جبينه

نصيحة

ترى

مايندم الا راع الردية
و
أيضا للرجال اعذار

وترى ربي يعوضك بابرك منه هو وبعيره

مسفر الدوسري
14 / 03 / 2010, 43 : 11 AM
هذا طال عمرك تلقاه مهب راعي ساقيه
توه مجمع الابل وطايربها
ولي يمنع من بول البعير
خمام ولاهوب رجال
الا اذاقدم عذر يقنع

سعود الزيادي
14 / 03 / 2010, 57 : 12 PM
حلاله وهو حر فيه

ان تجمل وخلاك تعرض ضروبك بياض وجهه ومنعك . منت خشير له في حلاله

والرجال مادفع مليونيين الى على شان مايحتاج لاحـــــــد.ليش ماتنضرون لها من المنضور هذا .

ليش منضورنا دئما اناني ياخلني اضرب ابعيرك يانت رخمه ومافيك خير ومنت كفوا للابل ياخي

يمكن الرجال مايبغاء يضرب على بعيره الى انياق كفو تساعد البعير في طيب الانتاج . لان بعض

الابل صراحه راعيها مايستحي يجيك بجربنا وجها كنه سكروب والانتجت سكروب مثلها اشتغل سب

في البعير ونتاجه

محمد سالم اليامي
14 / 03 / 2010, 19 : 01 PM
حلاله وهو حر فيه

ان تجمل وخلاك تعرض ضروبك بياض وجهه ومنعك . منت خشير له في حلاله

والرجال مادفع مليونيين الى على شان مايحتاج لاحـــــــد.ليش ماتنضرون لها من المنضور هذا .

ليش منضورنا دئما اناني ياخلني اضرب ابعيرك يانت رخمه ومافيك خير ومنت كفوا للابل ياخي

يمكن الرجال مايبغاء يضرب على بعيره الى انياق كفو تساعد البعير في طيب الانتاج . لان بعض

الابل صراحه راعيها مايستحي يجيك بجربنا وجها كنه سكروب والانتجت سكروب مثلها اشتغل سب

في البعير ونتاجه


كلامك صحيح ما حد خشير له في حلاله.........
والاجر والسبيل ان بغاه من الله عرف الطريق.......
بالنسبه للانتاج فهذا رزق من رب العالمين ما هو من فحله ولا من البل الله الي يرزق.............
لكن النفس الخايسه والمقابل الشين والمنه ما لها عذر لا عندي ولا عندك ولا عند الناس. ناس واجد يردون من فحولهم لكن وجيه طيبه واقبال طيب ولا حد شره عليهم

(بيض الله وجه ابن زومان الي شرا فحول غاليه ولا رد حد من بغى يضرب ابله يدخلها في الشبك وكلا ورزقه ما ذخرها )

سالم ال محمد
14 / 03 / 2010, 34 : 01 PM
أولا ً مرحبا بالجميع وأشكركم على مروركم وطرح أرائكم في هذا الموضوع اللي يهم أصحاب الأبل جميعاً ومروركم شرف

الأخ الكريم سعود الزياتي

الردى له إشارات واضحة ومن يمنع بول البعير فماذا سيقدم غيره وهذا هو أقل شئ وكم من الناس شفنا ابلهم عادية على ركاب طيبة وانتجت إنتاج افضل ممن هو عند أصجابه وهذا شئ مشيوف ومعروف الزرق عند الله ومنع إضراب البعير يعتبر ردى عند الرجال اللي يعرفون الأصول ولهذا يبقى اللي يمنع البعير ردي وقليل رابعه ولايستاهل لا ناقة ولا جمل وهذا في نظري شخصياً

كما ذكر بعض الإخوة فيه ناس تشتري بالملايين وتسبل للناس وعلومها غانمه وترحب وتسهل وودها بالاجر والعلم الغانم اما مانع البعير لا أجر ولا علم غانم ونقول الله لايبارك له فيه.

سعود الزيادي
14 / 03 / 2010, 08 : 02 PM
كلامك صحيح ما حد خشير له في حلاله.........
والاجر والسبيل ان بغاه من الله عرف الطريق.......
بالنسبه للانتاج فهذا رزق من رب العالمين ما هو من فحله ولا من البل الله الي يرزق.............
لكن النفس الخايسه والمقابل الشين والمنه ما لها عذر لا عندي ولا عندك ولا عند الناس. ناس واجد يردون من فحولهم لكن وجيه طيبه واقبال طيب ولا حد شره عليهم

(بيض الله وجه ابن زومان الي شرا فحول غاليه ولا رد حد من بغى يضرب ابله يدخلها في الشبك وكلا ورزقه ما ذخرها )

اولى لااعترض على ان الرزق من الله لكن في نفسي سوال انت تقول الانتاج مال الفحل دخل فيه . طيب ليش انتاج تمام وبعير الباتل وبعير ابن قروش

تباع بالملايين وفحول ثانيه يباع انتاجها مقصب!!!! وليش الى جاء الواحد بيشري فحل قال وين امه !!!!

اما ابو نفس خايسه زي ماتقول وبو نفس طيبه كلهم منعوك لاتضرب يعني النتيجه وحده اللي انت تبغاه ماحصل لك .طيب نفسه وردها عليه مالها دخل في

الضراب .

قفله : لاتعتقد ان ردي يابو سالم في الموضوع اني اشجع او اوئيد اللي يمنعون الفحول لاوالله . ولاكن مازلت انا وانت وغيرنا من الاخون من يقني الابل

حب فيها فقط ننظر بهذا المنظور . اما من اتخذ منها تجاره او وجاهــــــه فلهم منظور مختلف .ارجوا ان تتقبل مداخلتي بصدر رحب والاختلاف في الراي لايفسد في الود قضيه

سعود الزيادي
14 / 03 / 2010, 37 : 02 PM
أولا ً مرحبا بالجميع وأشكركم على مروركم وطرح أرائكم في هذا الموضوع اللي يهم أصحاب الأبل جميعاً ومروركم شرف

الأخ الكريم سعود الزياتي

الردى له إشارات واضحة ومن يمنع بول البعير فماذا سيقدم غيره وهذا هو أقل شئ وكم من الناس شفنا ابلهم عادية على ركاب طيبة وانتجت إنتاج افضل ممن هو عند أصجابه وهذا شئ مشيوف ومعروف الزرق عند الله ومنع إضراب البعير يعتبر ردى عند الرجال اللي يعرفون الأصول ولهذا يبقى اللي يمنع البعير ردي وقليل رابعه ولايستاهل لا ناقة ولا جمل وهذا في نظري شخصياً

كما ذكر بعض الإخوة فيه ناس تشتري بالملايين وتسبل للناس وعلومها غانمه وترحب وتسهل وودها بالاجر والعلم الغانم اما مانع البعير لا أجر ولا علم غانم ونقول الله لايبارك له فيه.



الاخ الكريم سالم ال مخمد

انت سالت والان تجيب وبالجزم بانه ردي ومافيه خير ولا يستاهل لاناقه ولا بعير .على ايش اخذ الري اذا كان الري اللي مايوافق هواء نفسك مرفوض

ولا تبينا نقول انه ردي على شانه ماضرب نياقك . لانستطيع الحكم الى بدعوة الشخص الذي تتكلم عنه ونسمعه منه مثل ماسمعنا منك ثم نحكم لان كل انسان

له ضروف لانعلمها وانت تقول انك كنت شاد يعني ماجاورته على شان تحكم عليه .اما الرد عن البعير على العموم فردي على الاخ محمد سالم يفي بالغرض

ظافر ال حويدر
14 / 03 / 2010, 21 : 05 PM
هذا ضفعه واخمام
الي يمنع من بول البعير
الناس تمنح الركاب بشهور ولا تنشد منها وهي مشريه بملايين

سلطان بن معيوف
14 / 03 / 2010, 26 : 06 PM
عسى الله يرزقني الفحول الطيبه والله واللي رفع سبع السماوات لعزم عليه أي واحد يبي يضرب نياقه ..
أول بداة يدعي لي بالرزق والله يبارك لي بحلالي .
ثاني بداة إذا الله وفقه وإرزقه الإنتاج الطيب يبي يقول من فحل فلان وهذي ترفع أسهم فحولي بين أهل الحلال..
أما الشخص اللي يمن بول بعيره والله إنه مافيه خير زيه زي اللي يقول للرعيان بعد ماترضع الحيران لاتحلبون للطرقي وإحلبوا على الأرض
هذي عفااااااااااااااااااانه وخمال بالرجل وعذروب ماله علاج
الإ إذا مثل ماتفضلوا الإخوان الناقه بها قراد أو جرب ماأظن إنه يبي يرضى البعير تجيه عدوى..

زياد الحربي
14 / 03 / 2010, 49 : 06 PM
هذا سلمني عليه وقله عز الله انك منت رجال واللي يمنع عن البعير انا اشهد انها ضعافه وسكانه
ولا وش ترا بول بعير وانتهت السالفه

سالم الرجال واجد اللي مايردون دورك احدهم ورحله والله يرزقك ويرزقنا

عبدالله الجدعان العنزي
14 / 03 / 2010, 03 : 07 PM
الله يهدينا وياهم , ما يدرون انهم يحرمون انفسهم الخير والدعاء الطيب والصالح والخير له ولحلاله

علي ال مرعي
14 / 03 / 2010, 37 : 07 PM
مساكم الله بالخير

بالنسبه للموضوع متشعب وفيه اخذ ورد

اولا كما هو متفق عليه ان منع البعير البته يعتبر ردى عند الناس جميع وهذا حسد والعياذ بالله

ثانيا بالنسبه للمنه كما تفضل البعض ربما انت تنظر لها بمعنى منه بينما اهل الركاب الطيبه مهم في خير لانه يجيهم من كل صنف فيهم الطيب والردي وفيهم الخفيف اللي بيضرب له ناقه او ناقتين ويفسح لغيره مجال وفيهم اللي يجيب له سبعين ناقه ويبيها تضرب كلها وفيهم اللي يجيب حيل ماتلقح ويبي يجرب في بعير المسلمين كلهم صافين عليه وبعضهم يجيب له عجم ماتبرك ويبي بعيرك الطيب اللي قيمته ملايين يطردها حتى يسدحها وهذا فيه خطوره على الفحل وبعضهم يجيب ناقه فيها نحاز او مرض معدي وكذلك يبي البعير لذلك
من وجهة نظري الموضوع يحتاج تنازلات من صاحب الفحل ومن الملقيه لذلك لايمكن تحصل الناس كلها متفقه ان ابو فلان ماقصر ولكن الناس تشوف الاغلبيه ان مدحو فهذا دليل ان صاحب الفحل ماقصر وقدر يرتب الناس ويرضي اكثرهم وان كان الاغلبيه يسبون فالخلل في صاحب البعير

ثالثا مسالة ان البعير شاريه بملايين ويريد ان يحتفظ به لنفسه هذا يدخل في المحظور كما ذكرنا اولا


وسلامتكم

عبدالكريم الحربي
14 / 03 / 2010, 47 : 07 PM
ياأخوان ودنا نتكلم بصراحة

أنا عن نفسي والله لو عندي فحل ماأرده عن الناس
وبعض الناس مايعذر يوم يرد الفحل عن الناس الزمل الطيب عنده واجد يكفي نياقه وغيره

وبعضهم والله يعذر
مثل رجال عنده فحل طيب وعنده 50 ناقة يبي يضربها من الفحل الطيب وفيها منها يمكن إلي ميب معشرة على الفحل يبي يضربها من الفحل مرة ثانية ومع ذلك تلقاه مسجل 20 رجال كلهم من جماعته هذا والله إنه معذور ثم معذور ثم معذور

وأبي أقولكم سالفة حصلت الشتاء هذا فيه رجال شرواكم من الكويت شاري من الطهيمي فحل بمليون ومية والفحل طيب وفحوله الباقيه دونه الرجال جاء بالربيع حول الحفر والله لايوريك سراوات في سراوات ومايرد أحد الرجال كريم الفحل راح حيله تصدقون رغم أنه ضرب نياقه منه فوق الخمسين ماعشر منها إلا أقل من خمسة

اسألكم بالله مايعذر

وأعيد وأكرر بالجملة مايعذر إلا بالصورة إلي ذكرت

بالتوفيق
وهي وجهة نظر تحتمل الخطأ والصواب

قاسم الحويمضي
14 / 03 / 2010, 48 : 07 PM
هذي ضعافه وسكانه الله لايبلانا

وافي مليح بن موطان
14 / 03 / 2010, 42 : 10 PM
بسم الله الرحمن الرحيم

الموضوع بختتصار
الي يقيس انه حلاله ولا له خشير فيه
حتى اكرام الضيف وواجبه من حلالي ان اكرمته ولا مهوب خشير لي في مالي
الموضوع علم غاانم ولا كل رجل بيقدر عليه ويصبر عليه الي مهوب ضاري بعلوم الرجال بيتعب حتى لو سمح بضراب بعيره مره ولا مرتين
العلم الغانم كايد وله رجاله
وفي نظري مالك عذر ياراعي البعير تعب فدر وجعان ومن هالخرابيط هذا كلام فاضي
الي يعذرك من الرجال تفك بعيرك ان اضرب الخير واهله وان مضرب عذره بجنبه

ورجع واقول دور رجل عرف بالعلوم الطيبه يمنع بعيره والله ماتحصل الموضوع في نظري اكبر من بعير وناقه

ومانقول غير بيض الله وجه الرجال الي تحشم الرجال وتكرمهم وعسى الله يبارك لهم في ماعطاهم

حاتم العماري
14 / 03 / 2010, 46 : 10 PM
المنع عيب وردى
ولكن التنظيم مطلوب ويجب ان يقبل من الجميع
وهذا تجربتي : عندي فحل طيب ولله الحمد ومارديت احد من فضل الله ويعلم الله اني افرح ان تتاح لي فرصة اسداء المعروف لاخواني وربعي
لكنني اشترط ان اكون موجود او احد ابنائي يعني كل يوم العصر او صباح الخميس والجمعه
عانيت من ناس انانيه يجي للعزبه بعد ماتسرح البل او بالظهر ويفك الفحل والعزبه حولها الخلفات اللي ما ابي الفحل يقربها / وبعضهم يرسل الصبي اللي مايعرف للبل ولا عنده الا خشم المشعاب
واحيانا اجد آثار البعير وهو يضرب نياق بجنب الشبك ماادري من هي له
طيب وش الحل في هالانانيه الزايده؟؟؟؟ هل من حقي اقفل على البعير للتنظيم وليس المنع ولا لا؟
وللعلم فصاحب البعير لازم يكون صبور جدا وحكيم وعينه على الاخره والاجر قبل الدنيا لكن من حقه التنظيم والمحافظه على حلاله
تقبلوا تحياتي

حاصل اليامي
14 / 03 / 2010, 19 : 11 PM
ثبت عن النبي عليه الصلاة والسلام في الصحيحين انه قال((من حق الابل اعارة دلوها واضراب فحلها))

ومنع ضراب الفحل يعد من منع الماعون المذكور في الاية التي يعرفها الجميع في سورة الماعون وقد توعد الله على ذلك بويل وهو اما وادي من اودية

جهنم او معنى الثبور والهلاك فالامر خطير والجهل افة والضروف لها احكام وعسا الله يعين اهل الخير على فعله ويكتب لهم الاجر ويهدي من هم غير ذلك

الى فعل الخير...وسلامة الجميع

حمد محمد المري
15 / 03 / 2010, 31 : 12 PM
[QUOTE][
بسم الله الرحمن الرحيم

الموضوع بختتصار
الي يقيس انه حلاله ولا له خشير فيه
حتى اكرام الضيف وواجبه من حلالي ان اكرمته ولا مهوب خشير لي في مالي
الموضوع علم غاانم ولا كل رجل بيقدر عليه ويصبر عليه الي مهوب ضاري بعلوم الرجال بيتعب حتى لو سمح بضراب بعيره مره ولا مرتين
العلم الغانم كايد وله رجاله
وفي نظري مالك عذر ياراعي البعير تعب فدر وجعان ومن هالخرابيط هذا كلام فاضي
الي يعذرك من الرجال تفك بعيرك ان اضرب الخير واهله وان مضرب عذره بجنبه

ورجع واقول دور رجل عرف بالعلوم الطيبه يمنع بعيره والله ماتحصل الموضوع في نظري اكبر من بعير وناقه

ومانقول غير بيض الله وجه الرجال الي تحشم الرجال وتكرمهم وعسى الله يبارك لهم في ماعطاهم
/QUOTE]


مع كلام العتيبي

ممدوح سالم الشمري
16 / 03 / 2010, 53 : 05 AM
الي يمنع من غير سبب مقنع .... مافي خير وردي

وان كان الجمل في شي ..... ولا ناقتك فيها شي يضر الجمل ......... هذا عذر مقبول

والله يعين اهل الزمول الطيبه

محيميد الرشيدي
16 / 03 / 2010, 01 : 07 AM
اللي يبي يمنع هذا مافيه خير وضعيفه نفسه ولايداني خير لغيره
ولالله مبارك بحلاله

سعيد بن علي
16 / 03 / 2010, 22 : 07 AM
حلاله وهو حر فيه

ان تجمل وخلاك تعرض ضروبك بياض وجهه ومنعك . منت خشير له في حلاله

والرجال مادفع مليونيين الى على شان مايحتاج لاحـــــــد.ليش ماتنضرون لها من المنضور هذا .

ليش منضورنا دئما اناني ياخلني اضرب ابعيرك يانت رخمه ومافيك خير ومنت كفوا للابل ياخي

يمكن الرجال مايبغاء يضرب على بعيره الى انياق كفو تساعد البعير في طيب الانتاج . لان بعض

الابل صراحه راعيها مايستحي يجيك بجربنا وجها كنه سكروب والانتجت سكروب مثلها اشتغل سب

في البعير ونتاجه


عزالله ماهوعذر يجمّل ان راعي البعير يمنعه لأن ضرايب الناس ابل عاديّه

فهد الأحمد
16 / 03 / 2010, 52 : 07 AM
{ وَيَمْنَعُونَ الْمَاعُونَ }

مثل هذا بشره بالفلس
وتراه حرم نفسه وباخل عليها من حاجتين

الأجر العظيم عندالله في الآخرة
وحرم نفسه وبخل على نفسه من قولة (( والنعم )) في الدنيا

وسلامتكم

سويلم طريخم الرشيدي
16 / 03 / 2010, 00 : 02 PM
انا اعرف شخص ضعيف ما ديا وعنده بكره واعطا ها بنص وهو بدوي وما درا الا خويه الي اخذ البكره بنصف جا يه وعندما تقهوا طلع له مليون ريا ل قا ل البدوي ما ها ذا قا ل اله انا بعت البكره بثنين مليون وهذا نصيبك اندهش البدوي وشترا فله يوم الفلل رخيصه وسيا ره وا نا متكد ان البدوي بيدعي الصا حب البعير في ضهر الغيب ويدعي للمضمر بضهر الغيب علي اما نته والبعير المنتج ان صا ر عند وا حد حسود فهو اختبا ر من الله اله اعرف شخص عنده بعا رين منتجه سبق وهو يدور فطوره عند العما ل المسا كين الي ما سكين حلا ل انا س اللهم لا شما ت ضعيف نفس

راشد الكدادي
16 / 03 / 2010, 49 : 02 PM
السلام عليكم ورحمة الله وبركاته.
يا أخوان لنكن واقعين بعض الشي,والبعير مايمنع عنه إلا الردي من الرجال ولكن التنظيم مايزعل منه إلا الردي والآناني,فلو إن هناك صاحب جمل طيب وحشوه لها صيت بين أهل البل وجعل لإبله سهم من بعيره اللي إشتراه بالملايين لمده معينه ولمن أراد الضراب عنده لمده معينه,فأنا أرى إنه عداه اللوم,بشرط إن لايغط المضرب عنده صيت بعيره..
لإنه تحضرني قصه لإحد أصحاب الفحول الطيبه حيث يقول أنه لديه فحل منتج وكان بالقرب منه جار من كبار السن ولديه إبل من فصيلة الفحل وكان كل سنه يأتي إلى صاحب البعير ليستمنحه في إبله لمده معينه ومن ثم يقوم برد البعير إلى صاحبه,ولكن الملفت للنظر إن صاحب هذه الإبل عندما يسآله صاحب البعير عن عشار البل وهل عشر شئ منها على الفحل يرد عليه ويقول أنه لم يعشر عليه شئ منها,علماً أن صاحب البعير يقول أنني عند ولادة إبل جاري لايخفاني حيران بعيري,!!
ومن هنا يأتي هذا الجار في السنه القادمه ليمتنح البعير مدة أخرى وعندما كررت السؤال مرة أخرى رد علي بقوله لم يكتب الله نصيب من إنتاج هذا الفحل,!!
مما دعاني عند قدومه في السنه التي تليها أن أعتذر منه في طلب الفحل وقد عللت له سبب الرفض بأن الفحل لم ينتج عندك لسنتين متتاليتين ومن هنا فما الداعي لإعطائك الفحل,وقد غضب صاحب الإبل وأتهمني بالشح بماء البعير,!!
وأنا أقول أن رضاء الناس غاية لاتدرك ومن يمنع عن البعير فلاهوب في خير ومن يضرب عند الرجال وبغط إنتاج إركابهم ماهو في خير أيضاً,والتسامح زين وقبل لانحكم على الطرف الآخر لابد من التآكد من السبب..

ودمتم بخير جميعاً.

محمد الفضلي
16 / 03 / 2010, 49 : 03 PM
موضوع التضريب لو أخذناه بموضوعيه لطال النقاش فيه بسبب تعدد وجهات النظر التي يغلب عليها العاطفه والحماس والأنتصار للرأي
ولن يكتمل هذا النقاش إلا بوجود العنصر الأساسي ... أصحاب الفحول الطيبه اللي عليها الكلام ومن لهم تجارب لتوضيح وجهات نظرهم ومعاناتهم
وما يواجهون من أحراجات وما يقومون به من تنازلات على حساب انفسهم وحلالهم وما قد يتسبب لهم ذلك من ضرر
ومع ذلك حسب رأيي الشخصي لن يكون هناك عذراً مقبولاً مهما كان ... إلا عذر الفحل نفسه أو ما قد يلحقه من ضرر بسبب الضراب مثل العدوى أو ما شابه

ولنكن منصفين بعض الشئ هناك ناس ما تعذر أبد والناس تختلف حسب أجناسها والتعامل مع بعضهم قد يكون صعب

فقد ذكر كثيراً من الأعضاء كثير من النقاط المهمه تحتاج فرز واقتباسات من هذه الردود وجمعها لنخرج ( بزبدة النقاش )
ولكن يبقى الأساس والمهم والشئ الغير قابل للعذر أو المناقشه ألا وهو الرد الطيب سواء بالقبول أو الرفض .. بأسلوب لبق وترحيب ووجه بشوش وعلوم رجال .. فأن عدم ذلك فماذا بقي ؟!
فالأسلوب الطيب والعلم الغانم .. كفيل بأن يحفظ الناس لك هذه الحسنه وأن يذكروك بها حتى وأن لم يستفيدوا منك
وفي النهايه النيه الطيبه والصادقه .. هي أساس الرزق والبركه و التوفيق من الله ..

وعلى طاري التضريب ...

بحثت من وقت عن فحل طيب اضرب عليه كم ناقه .. فوجدت في أحد مواضيع هذا المنتدى الشامخ بعض الاخوه يذكروا فيه أناس فيهم الخير وأن شاء الله أنهم كذلك ( ولايهون الجميع ) ولا يردون أحد ... ومن الكلام هذا ..
فقلت لماذا لا أجرب بأن أقوم بمراسلتهم وستأذانهم .. فما شاهدته من ذكرهم كفيل بأن لا أتردد في طلب ذلك منهم وهذا ما شجعني على ذلك الطلب
ولكن للأسف حتى ( التعذر ) لم أحصل عليه وكأني لم أرسل شئ ( بالعربي حتى تعبير ما عبرونا ) ولو بإي عذر أو كلام .. وكان يكفيني ذلك لقبول عذره عشان نشوف غيره ولحفظ ماء الوجه :)

وصدق من قال ( الرجال مخابر ماهم مظاهر ) .... :)

خالد النفيعي
16 / 03 / 2010, 42 : 06 PM
هاذا خمام كرمتو جميع

البعير ما يرد عنة الا الردي الزلابة

متعب الثبيتي
16 / 03 / 2010, 58 : 11 PM
مايدوم بين الناس غير المعروف والعلم الطيب ولا ماكان العرب تصنف الناس حسب افعالهم اذا ورد
في مجالسهم اسم الرجال ان كان حيا يقال عنه والنعم عزالله انه رجال كفو وان كان ميتأ الله يرحمه
مذكور بالخير والطيب والبشر يختلفون منهم من يتمنى الغنى ليكرم ومنهم من يتمنى الغنى ليبخل
حتى ولوكان في بول يعير............................طرالي بيت من الشعر يقال انه لشاعره
الطيب يالي تريدونه.....رجم طويل فوق قاره
بس البلا شعيب دونه....كله خنابيق وجحاره

محسن عقب القحطاني
17 / 03 / 2010, 45 : 12 AM
رخمه ولا تبرابه الذمه

سعيد حمد الدوسري
17 / 03 / 2010, 33 : 11 AM
طرى علي قصيده طويله لشاعر طاحوس بن عيبان الدوسري في اللي يمنعون من الفحول وبجيب منها بعض الابيات
يقول فيها

الفحول الطيبه كلن يبيها == مير ماكلن بيقدر يشتريه

طيروها بالملايين الكثيره

فيهم اللي لاشراه وجا يسوقه == قال كلن مانقصر في حقوقه

مرحبا بهل الكبيره والصغير

مرحبا باللي لهم حقن علينا == والقبايل كلهم منا وفينا
مانفرق بين سكان الجزيره

فيهم اللي مايرد اللي يجونه == مير فيه من الحسد شعبه ومونه

وظواهر بيض والموت السريره

كل يوم وقصراه يطردونه == مقفين واللي وراه يتابعونه

مستهيف وكل يوم له بديره

مايجي من اليوم والصبح وقفيه == لين يقضي حاجته راعي المطيه

ويتجمل في الضيوف وفي قصيره

وفيهم اللي قام يطرد عن بعيره == حاسدن لاياخذ الانتاج غيره

الله انه لايبارك في بعيره

ماتجمل في الرجال الله يصيبه == وحتمى عرضه وذل من الغليبه

والخساره مبرك بعير وذريره


ويل للي يمنع الماعون ويلاه == وادي في النار وبعوره طويله

خوفو الله وحذرو عمى البصيره

وسلامتكم والمعذره على الاطاله

راشد العرق
18 / 03 / 2010, 21 : 08 AM
اللي يمنع من بعيره مافيه خير مهما كان السبب اذا كان البعير يضرب الا اذا كان البعير مريض ومحمي ولا يضرب حتى ابل صاحبه
ولا احد يالربع يحط مبررات او يتعذر تراه يلحقه كلام لان الردى رداه على نفسه ولا هو بلاحقك من رداه شي الا اذا وافقته في رداه فانت مثله لان الراضي كما الفاعل

والرجال اللي يحط سرى ما يجمله ودك ان ماعنده بعير ابرك له لانه يلحقه الملام

واول ما يجب على راعي البعير اللي يدور للعلم الطيب قبل يحط السرى ان يضع نفسه مكان اهل السرى وينظر لترتيبه بنظرتهم هل لو كان مكانهم يرى الترتيب مناسب ام لا

ويستشير بعض العقال واللي فيهم خير من اهل السرى وياخذ بالراي الانسب والاصلح للجميع

واللي فيه خير من اهل الركاب الطيبه يصير هو واهل السرى في البعير سوى ولا يتمنن عليهم ببعيره








ليت الركاب الطيبه عند الرجال الطيبين = عند الرجال اللي قبيلتها تزود بزودها
اللي الى جا ذكرها قالو ونعم الحاضرين = ويطلق لسانك فعلها والطيب سلم جدودها
كنك الى من جيتهم متجملن فيهم سنين = ومنزالهم روس العدايم والرجال ترودها
ولا الردي ما ودك انك تجيه والخافي يبين = الى استوت جمالته في العالم ومنقودها

فلاح الرشيدي
18 / 03 / 2010, 15 : 09 AM
السلام عليكم

احد ملاك الفحول الهجن المشهوره

السرا كان عنده كبير جدا حتى ان الفحل تفطرت ركبه راح يدخله النادي وقال بدربه عشان بس يخفون الناس


اما البعض بدون سبب يقفل على بعيره تجيه متعني معاك ناقه يقول للراعي قله اني مو موجود

ومحرص على الرعيان مايطلقون الفحل


ونصيحه لو بتضربون عند احد لاتروح الا مكلمه

ترا اقسى شي على النفس قهرها

محمد مطير العنزي
18 / 03 / 2010, 20 : 11 AM
الاخوان ماقصروا وكلن اعطااا راية وفية اتفاق بعدم منع بول البعير وهذا سلم الاجواد من قديم والحين ... لكـــــــــن الحين فية ناس تجي تضرب هلايم (اسم ناقة ) من بعير طيب ويبيها تنتج
وذا جابت مثلهاااا طاح سب بالبعير وان انتاجة تعبان وشوة سمعت العبير ، وفية من يجيب لك ناقة جربااا ويبي يضربهااا وذا تعذرتة فضحك بين الناس ولا ناقة صعود مالها عشر ايام من اصعدت
ويبيك تضربها لة .

منذر الدوسري
18 / 03 / 2010, 04 : 01 PM
المفروض إذا كانت نظيفه و الناقة متوسطه الزين يضربها
لآن الناقه الرديه يبي يصير انتاجها ردي وينسب للبعير

مافيه مانع من الضراب

ياليت كل الناس مثل واحد من الرجاجيل اضربت عنده العام الماضي والله ياهو يفرح إذا شافك ويستبشر
وبعيره ماشاء الله طيب الله يرزقه منه البكار الغوالي


وفيه شيء آخر بعض الأخوان ما يمنع ولاكن يضرب لك بنفس رديه تقل مغصوب على شان كلام الناس
هذا والله اني ودي ما اضرب منه ابد والله اني لآضرب بالبعير ابو خمسة الاف ولا اضرب عنده

سيف القحطاني
19 / 03 / 2010, 52 : 12 AM
يا رجال جعلك سالم وغانم وجعل راسك يبطي حي

والله ثم والله ثم والله ما حلفتوني يميني ان هالطريقه تحصل من ارجال واجد وفي المنتدى كذلك انهم يردون الرجاجيل لطلبوهم

وانهم واجد والي يقول انهم قله يجي معي ويشوف بعينه و يسمع بذنه

بعضهم لاقرب وقت الهداد شد للبر 1000 كيلو عشان محد يجي يضرب عنده

وبعضهم اذا جبت الناقه عند البعير قام يعذرب في الناقه يقول الناقه طويله مايلحقها البعير أو الناقه سمينه

وبعضهم يقول لك مرحبا ومسهلا وذا قفيت من عنده قال (( ياجلها ما تلقح الله يقلعه ويقلع من علمه أو ياجلعها ما تبارك ))

وبعضهم يقول والله بشد والتاخير ماهوب زين لنا بنشد ولا نعلم وين وجهتنا . >>> يعني افهمها وسقها .

((((( تتعدد الاسباب والمعنى واحد ))))) ويالربع لانكذب على انفسنا والله انهم موجودين وياكثرهم

ولكن اذا جينا للصحيح وفي الاخير البعير بعيره وهو اذا بغى العلم الغانم كلاً بيدله واذا بغى الردا عز الله هذا اول الردا

وفي الختام ياجلعنا وياكم من الرجال الي يدورون للجميل والعلوم الطيب ومن المستورين في الدينا والاخره

لان الرجل بعد مماته مايبقى الا ذكراه وعلومه

طلال بن عقاب
19 / 03 / 2010, 29 : 11 AM
السلام عليكم ورحمة الله وبركاتة

تحية طيبة وبعد للأخ ((( سالم )))

أسأل الله العظيم أن لايحرمك الأجر في هذا الموضوع طيب من وجه طيب وانا كنت ابي أكتب مثل هذه المواضيع المميزة .

الرجل الذي يرد من البعير هذا مافية خير أبدا ولاهو برجال .

ياحي الرجال الي تجي وتبي أتضرب يقولك القهوة ,انت قاعد وهو وصبيانه يسنعون الامور الناقة وأنت قاعد ويحلف عليك انك ماتسوي شي .

ذياب غانم
19 / 03 / 2010, 15 : 09 PM
السلام عليكم ورحمة الله وبركاته
هذا موضوع متشعب يا اخ سالم وصراحه منع البعير شيء غير مرغوب فيه عند اهل الباديه والاخوان كفووا وفـّوا وسبق أن تُطرِّق لهذا الموضوع مراراً وتكراراً


ويالربع لانكذب على انفسنا والله انهم موجودين وياكثرهم



عز الله يا اخ سيف انك صدقت ولا هانوا الاخوان ، وهم بالفعل كثير جداً جداً ونعرفهم بالأسماء - لكن الستر مطلب الرجال - و المشكلة ليست في أهل الركاب الممنوعة بل في من يؤيدهم من جماعتهم في هذا المنتدى وغيره وهم كثير ولا يرون إلا انهم هم اهل الركاب التي لا تمنع وغيرهم يمنع او انهم هم اهل الطيب والعلم الغانم وغيرهم " لا " !! بعصبيّةٍ ممقوته ويمجدون لأصحاب الركاب من ربعهم بإنحياز تام في الإعلام وعلى الطبيعة


ولو ان صاحب الموضوع استشارني في هذا الشأن لخصصت له اثنين من اعضاء هذا المنتدى للرد والشرح بالتفصيل الكامل للجميع وهم كفو للرد في مثل هذه المواضيع ولكن لم ارى لهم ردود في هذا الموضوع حتى الآن من غير قصور في الباقين

والسلام ختام

عالي العماري القرني
20 / 03 / 2010, 15 : 09 PM
ذالا يمنعون وذالاك يعيرون ازمولهم من قبل مايستعيرونه أهل العشاير سبحان سبحان من عز وذل

وفيه عرب يعيرون فحولهم شهر واعرف ناس عندهم كذا بعير ووالله العظيم إنهم مخلينها سبيل للي ماعنده وبعض العرب يعير نياقه منايح ليس إلا لطلب الأجر من رب الارض والسماء

سبحان سبحان من فرق ذا عن ذاك

سويلم طريخم الرشيدي
21 / 03 / 2010, 41 : 11 AM
الا خ سا لم جعلك تسلم علي طرح ها الموضوع ويش را يكم لو جميع الا اعضي جمعو مبلغ من الما ل وكرمو اهل الفحول الي ما يردون المسلمين وا نا اول وا حد وانت يا سا لم حدد المبلغ
1 سويلم طريخم الرشيدي

محمد الهجاني
21 / 03 / 2010, 56 : 12 PM
السلام عليكم ورحمة الله وبركاتة
اشكرك اخوي على هالموضوع المفيد اللي عطاني مجال اذكر اسباب منع الجمل
يا خوي انا واحد من الناس يجوني ناس واجد يبون الفحل ولا منعت احد منه الا اللي يجي ونقته فيها بلا مثل جرب مثل قراد
مو صحيح اني بسمحله وفي بعض الوقت الجمل تجيه حراره ويتعب اكيد اني بريحه حتا يتحسن اما غير هذا اللي يمنع من دون هالاسباب الله يقطعه وعساه مايكثر
وانا ماقلت هالكلام ادور المدح بس حبيت اوضح اسباب المنع من تجربه شخصيه
وتقبل تحياتي


اضم صوتي لصوت اخوي جدعان كلامه في محلة
ولا أؤيد من يمنع ماء البعير ..

فهد بن عبداللطيف بن شديًد
23 / 03 / 2010, 11 : 12 PM
ياكثر الهياط والله ثم والله ان فيه ناس في هالمنتدى ومن اللي ردوا على ذا الموضوع جربناهم وصاروا......... لاتعليق
انت ودك بس ان العالم ما تستشهد بالآيات وهم من جنبها الأية وتفسيرها في وادي وهم وادي
والأخ اللي يقول لا أحد يتعذر عنهم ترى يالحبيب منت وصي على خلقه
وفي الأخير مثل مافيه أصحاب فحول رديين فيه ايضاً ملقيه خمام وأنانيين وفيه ناس تضرب عندك وإن طاب الانتاج جحدوك ونسبوه لفحلهم وان تردى قالوا على بعير فلان.....
وفيه وفيه وفيه الكلام في ذا الموضوع ما يقضى لكن ماقل دل

صدام اليامي
23 / 03 / 2010, 48 : 12 PM
لماذا لا ننظر للموضوع من جهة أخرى ؟
وهي عن آداب التجويل عند أهل الفحول ويجب الإجابة على مجموعة أسئله حصلت أمامي ومعي وهي :-
1- ماذا تفعل بشخص يأتي ويفك الفحل بدون إذن صاحبه ؟
2- إذا كان الفحل عليه سرى ويأخذه صاحب السرى وفي طريقة الى شبك إبله الناس يفكون ابلهم أمام الفحل لكي يضربها قبل صاحب السرى . فماذا تفعل؟
3-اللي ناقتة مريضة وينكر مرضها سواءً مصعد ولا جرباء ويطلبك يضرب؟
4- اللي يترك إبله في شبكك ويقفي ويقول خلها بس تلقح واشيلها ثم يقول خلها تمسك ويخليها 4 شهور 6 شهور . مارأيك والناس مغثيهم حلالهم (ويحملهم أمانه وهم غنيين منها)؟
5- الي تأمنه فحلك في دور سراه ولا في شبكك الضراب ويأكل فحلك فياجرا ومقويات جنسية. هل تحبه في رأسه ؟
عنوان الموضوع (للتجويل عند أهل الفحول أصول)

حاتم العماري
27 / 03 / 2010, 26 : 10 AM
الموضوع مهم
واساس المشكله عدم الالتزام بالاخلاق الاسلاميه من البعض سواء بسبب الجهل او التساهل
وش رايكم لو الجميع صاحب الفحل واهل الضرايب طبقوا قول المصطفى صلى الله عليه وسلم ( لا ضرر ولا ضرار)
مع قوله صلى الله عليه وسلم (لا يؤمن أحدكم حتى يحب لأخيه ما يحب لنفسه )
الا تنتهي المشكله؟
تقبلوا تحياتي

تركي بن عبدالعزيز
27 / 03 / 2010, 47 : 01 PM
السلام عليكم
اهم شي النيه تكون خالصه لله ماتدور من ورى تضريب فحلك لابل الناس الا الاجر من الله اما اللي يدور السمعه والمدح بيتعب مع الناس لان رضى الناس غايه لاتدرك
فا الافضل انك تصبر على الناس وتخليهم يضربون وتحتسب الاجر عند الله سبحانه وتعاللى والله مايضيعك ان شاء الله ..
واذا ردك احد عن بعيره مافي داعي تدعي عليه ادع له احسن وادع ان الله يرزقك ببعير ازين منه وان شالله انها خيره لك يمكن مايجيك انتاج زين منه والله كاتب لك بعير ازين ..
هذا رايي فالموضوع والله اعلم

نايف الحميداني
27 / 03 / 2010, 48 : 01 PM
الله يقلل من جنس هالرجل ومالله مبارك في حلاله

وبعدين بعض الاخوان يقوولون فيه قراد ياخي القراد فيك كل ناقه

ولا راح انشالله يظر البعير واكيد ان عنده خبره فالحلال اذا الناقه مرضها واضح معه الحق

اما كذا يتعذر الله لا يكثر حلاله

والاخوان ماخلووولوي شي اقووله....... ودمتم

بخيت البريدي
28 / 03 / 2010, 14 : 09 AM
بيض الله وجه صاحب الموضوع وعز الله ان صاحب البعير المنتج مش في خير وبيلحقه كلام حتى لو عمل المستحيل لان رضى الناس غاية لاتدرك والمشكله ان البعض الي يجون يضربون عندك اول شي يغثون حلالك حتى لو حاط لك شبك بعيد عن مراحك وثاني شي بعيرك مايسلم من عيونهم ويدهم لانه اول مايدخل البعير الشبك يدخلون عليه الي يشمله والي يحده على ناقه والي يساعد البعير ويغير طبعه عليك ولا يجيب لك ناقه سمين جدا وتوجع البعير ولا يجيب لك ناقه جرباء وانت تاعب في عد بعيرك للضراب ابلك الي انت اولى انك تضرب به واذا شافك الصباح قبل تدخله شبك الضرايب مضرب لك ناقه من ابلك قال اضرب ناقته علشان البعير يتردى ضرابه في شبك الضرايب وفوق هذا كله مش بيض الله وجهك وبعضهم يجيب ضرايبه بس ويطلب منك توفر له شبك عشان يخلي ابله فيها عشان تضرب كلها مع العلم انه يجيب اكثر من خمس ابل ويبغيها تضرب كلها في يوم واحد واذا ماوفرت له شبك قال الرجال تردى فيني واذا وفرت له شبك قال اذا عندك طعام زايد ولا حوض ماء واذا ماوفرت له كل هذا قال مش بيض الله وجهك والبعض الاخر مايجيب لك الى خلفات حيرانها مصاغير ولا مصعد واذا ماخليته يضرب قال مهوب بيض الله وجهك مع العلم ان كل همه هو لقاح ناقته مايهمه الي يلحق بعيرك من الخلفات ولا البل المصعده وهذا كلامي مش عشان اقول انه من حق الرجال الي رد اخوي سالم من اضراب ابله وهو عابر سبيل لا بالعكس انا ضده ومع اخوي سالم بس انا اوضح فكرة الي عنده بعير منتج ومايتعرض له من مشاكل ..
والله شاهد يا أكثر الناس الي يضربون اول مايبدا فيه يسب بعيرك ويمدح بعير غيرك ولايمدح بعيره وعذره ان بعيره او البعير الي مدحه لفلان مايضرب او فادر ومع هذا ازيدك هو يجي يضرب عندك ويمدح بعير غيرك ويقولك البعير الفلاني لايطوفكم لانه منتج درجه اولى يعني ان بعيرك نص نص ولاتغتر فيه واجد او تراه مايستاهل اني اضرب به وعقبه يمدح ابله اها منتجه واناه باع عليها حوار بالقيمه الفلانيه علشان اذا لقحت على بعيرك وبعت عليها حوار او شاركت بمزاين تراه من انتاج ناقتي وان ناقته مافيه مثلها في الكون
والله يشهد بعضهم يجيك في اخر الهداد يعني في شهر ثلاثه وفي شهر اربعه والبعير رابخ وبطنها اكبر منه ويحد عليها من وراك وانت مش في العزبه او انت مانع الضراب لمصلحة بعيرك واذا كلمته قال محد من الرياجيل الي فيهم خير يمنع الضراب مثل ماقلت سالفاً انه مايهمه بعيرك او غلاه عندك اهم شي عنده ناقته تلقح
وانا اكرر واقول راعي البعير المنتج مش في خير لانه والله ابله اخر من يلقح في حلال خلق الله وبعيره اهو الي يتعرض للضغط ومع هذا كله مش بيض الله وجهك ياراعي البعير
حتى لو حطيت لك شبك وعنده وايت وطعام والبعير من الساعه ست لين الساعه ست مع ذ لك البعض يحضرفي الليل ويقول انا شاد وعندي بس ناقه بضربها في الليل ..
يعني اللي بيلوم هل الركاب المنتجه الله يرزقه ببعير منتج درجه اولى علشان يجرب ماهم فيه من ضغط
واكرر واقول انا لست مع اللذين يمنعون ضراب الركاب لكن بعض الناس مايستحي ولايقدر يبغي كل شي اهو الاول والاسرع وماقول الا الله يكون في عونهم وبيض الله وجيهم
اخوي فهد بن عبداللطيف عز الله انه بيض الله وجهك وصح الله لسانك لان بعضهم عنده فحل منتج والله العظيم وقسم بالله انه ماباع عليه حوار ولاشارك في مزاين ولا هوايته المشاركه في المزاينات يعني بس يبغي يرضي نفسه مجمع له مبلغ من عرق جبينه ويبغي يجمل ابله علشان يجمع عياله عليها ويستانس عندها وبعضهم شوف وين يحط شبك ابله تحصله دار مادار على العزبه يعني ياصاحب العزبه انت لاتنفس ويحط له راعي خمام لاستحي ولايعرف السحى
وانا اقول وانا سيارتي جاهزه وكيمرتي جاهزه وامر على الي له هواية كتابه بضمير وقت هداد الركاب وتعال وعلق على المواضيع الي تشوفها .

بخيت البريدي
28 / 03 / 2010, 53 : 09 AM
واتمنى تثبيت الموضوع لان الحديث سوف يطول وليس له نهايه حتى يستفيد منه الكثير واعضاء مجلس اداره المنتدى فيهم البركه

فهد بن عبداللطيف بن شديًد
28 / 03 / 2010, 56 : 11 AM
وجهك أبيض وصح بدنك أخوي بخيت والحقيقة ما حد الواحد على الكتابة والرد إلا امرين :
ـ التحامل الواضح على أصحاب الفحول رغم مايعانونه من الغثا وبالمقابل غض النظر عن أخطاء أهل الضرايب وفي هذا اجحاف وعدم انصاف ولسان حال الربع يقول أهم شي تلقح ناقتي أما الفحل وراعيه وباقي الملقيه فجعلهم في قريح
ـ بعض الشباب اللي يهاجمون أهل الفحول ويصفونهم بأخس الصفات ويوم جاء الصدق وجربناهم وإلا ما في الحمض أحد...
الأخ حاتم العماري/ ردك كافي وشافي ولو طبقنا حديث( لا ضرر ولا ضرار) لأنتهت المشكلة من أساسها

فهد نافع الحربي
28 / 03 / 2010, 38 : 12 PM
موضوع طويل حصلت في السنة الماضية في شخص معروف لدي
هذا شخص رضي والدين وطيب اجودي عنده محهيم تقريبا 10 يوم جاء وقت الهداد راح لولد عم له وطلب الجمل منه ورفض وهو جار له ورفض رفضا قاطع بعد يومين يوم الجمعة والله العظيم جاء جمل لحاله ودخل مع البل وهي بالمفلا منطلق من راعيه واخذ معه فتره وتعاشرت البل منه مع العلم انه طرح ذكر البعير لجيرانه وشود عليه مع الناس جاء صاحب البعير يوم سمع ذكره وطلع من قبيلته وابن عم له
والبعير طيب ومنتج فسبحان الرزاق
يأخوان اهل الركاب واجد وعلشان شخص اوشخصين نعطي الموضوع اكبر من حجمه اهل الطيب واضحين مثل الشمس ميبغون تعريف

مهاوش الجهني
31 / 03 / 2010, 34 : 04 PM
والله صدق اخوي محمد بن صنهات

ظعافة نفس

عبدالرحمن التركي
01 / 04 / 2010, 48 : 12 PM
والله رداة نفس وفيه ناس كثير من هالنمونه ......
الله يبارك للجميع بمالهم وبحلالهم

عبدالعزيز البقمي
01 / 04 / 2010, 38 : 02 PM
مع خالص احتراآآآمـــي لهم

أقول

ان اللي يمنع الناس تضرب عنده انه ردي نفس

وقليـل خــــــاتـــمه


..

يوسف مطلق الحربي
02 / 04 / 2010, 36 : 02 PM
السلام عليكم
والله من رايي ومن السلوم
البعير مايمنع عنة المسلمين الا الضعيف نفس
وردي نصيب

سالم ال محمد
12 / 04 / 2010, 07 : 07 AM
بعد انقطاع دام حوالي 4 اسابيع

أقول السلام عليكم من جديد

وأشكر كل من شارك ورد وعلق على هذا الموضوع وبكل وحقيقة أنني سعيد بتواجد الكثير وطرح الاراء حول هذا الموضوع وقد لاحظت أن أعلى نسبة في هذا الموضوع بل أكثر من 90 % يرون أن المانع للبعير غير سوي وأنه في قائمة البلاك لست كما يشير البعض وهذا أمــــــر واضح بالنسبة لمنع يمنع البعير يعتبر في وجهة نظري ونظر الكثير ردى وقلة مروه...



الحقيقة أنني أرى البعض يضع مبررات لمن يمنع اضراب البعير وهذا أمــــــــــــــــــــــــر أرفضه ويرفضه منا كل طيب لآن بول البعير كركم الله أمر من اتفه الأمور ومن أسهلها على كل طيب هناك أحدى أمرين اما فتح سرا للجميع ووضع آلية معروفة وممكن يريح فيها البعير يوم إلا في حالات المرض هذا وضع أخر ولا أحد يلوم راعي البعير في المنع من بسبب مرض والاصل أن يكون هناك سرا واضح للجميع أو عرض على البعير لمن اراد وماسوى ذلك فهو يعتبر منع للضراب وأي مبررات أخرى أرى في وجهة نظري إنها إدعاءات واهية وليست ذعر لمن يمنع البعير كمن يقول القراد وغيره من الأمور الأخرى..

وشروط منع البعير من ناقة معينة مثلاً تكون بالأمور التالية

1- إذا اتضح أن الناقة مريضة كالنحاز أو غيره من الامراض الواضحة والمعروفة
2- وجود جرب في الناقــة وغير معالجة بالحقن الخاصة بالجرب أو غير مغسولة
3- المصعد وهنا يستدعى صاحبها ويحلف ولا فيها شئ.
اما غير ذلك من الادعاءات فهي باطلة في وجهة نظري ولكل وجهة نظر؟!

وأخيراً شكراً للجميع

بخيت البريدي
12 / 04 / 2010, 08 : 10 AM
بعد انقطاع دام حوالي 4 اسابيع

وشروط منع البعير من ناقة معينة مثلاً تكون بالأمور التالية

1- إذا اتضح أن الناقة مريضة كالنحاز أو غيره من الامراض الواضحة والمعروفة
2- وجود جرب في الناقــة وغير معالجة بالحقن الخاصة بالجرب أو غير مغسولة
3- المصعد وهنا يستدعى صاحبها ويحلف ولا فيها شئ.
اما غير ذلك من الادعاءات فهي باطلة في وجهة نظري ولكل وجهة نظر؟!

وأخيراً شكراً للجميع



كفيت ووفيت يالغالي والحمدالله على السلامه اخي الكريم بالنسبه للنقطه الثالثه معناتها انك تؤيد تحليف الشخص طيب اذا قلت له احلف قال احنا مش في محكمه وقام حط فيك مليون عذروب كل هذا علشان يطلع من الحلفان على الناقه علشان ماينفشل وبعدها يقول فلان يحلف خلق الله على بعيره اما بالنسبه للنقطه الثانيه فاذا قلت له ناقتك فيها جرب قال مضروبه بأبره والجرب قده ميت وانت تشوف ان الجرب حي واذا منعت عنه الضراب حط فيك مليون عذروب انا اقولك ياخي سالم والله ان اهل الركاب المنتجه مش في خير انا ماقولك ان من يمنع العير معه حق لا هذا ضعيف نفس لكن انا اقولك الناس اللي مايستحون ولايهمهم الى لقاح حلالهم ولايهمهم بعير خلق الله هذا هو بعد ضعيف نفس وقليل مروه ..:mad:

راشد الكدادي
12 / 04 / 2010, 19 : 11 AM
السلام عليكم ورحمة الله
أنا أقولـ إنه في ساعة الحديث عن علوم الرجال وأهلها ياكثراللي بيعشق الرجوله وعلومها,ولكن لاجاء الآمر الحاسم كثير من اللي مراجله ماتعدى طرف إذنه بيبين على حقيقته لا لزوه الرجال,!!!
عموماً الكلام الصحيح إن كل من يمنع إضراب البعير بحجة إنه مايبي إنتاجه ينتشر عند غيره فهذا ضعيف وحسود ولافيه خير لابالدنيا ولابالآخره,أما من يمنع البعير بسبب مقنع كآن يكون في الناقه عذروب شرعي باين للعيان فلا عليه ملامه لإن فيه ناس لايهمها إلا الإنتاج من البعير الطيّب حتى لو يعرف إن إضراب ناقته سيؤدي إلا نفوق البعير.
وفي الختام (يقولون مرضي الناس كايد)