الفاطر تشاول

[هادي الجابري]

عندي فاطر تشاول إذا جاها الفحل وهي ماجاها ظراب أبد تقول أنها لقحه وهي ماهيب لقحه وجبت لها بصير ودس عليها وقطع منها الصيد لكن بعد ذلك لازالت على وضعها تشاول

[راشد بن جعفر الهاجري]

هاذي حايل والله يعوضك احسن منها

[عبداللطيف السعيدي]

هذي يا طويل العمر والسلامه ومن يقرا يبيلها دكتور يدس يده في حيا الناقه وينظفه،، يمكن معشش ولا غيره ..

وان شاء الله تلقح ناقتك .. وبالتوفيق .

[محمد الوهبي التميمي]

الاخوان يقولون حايل ولا فهمت وش قصدهم بالكلمه
مسمى الحايل للي تحول سنه بدون لقاح
والاخ يقول انها تشاول للفحل وهي ماذاقت الضراب
يعني المشاول اسمه حيال؟
صححو المعلومه يااخوان الرجال يسئل عن المشاول واسبابه ولا كل حايل تشاول
الناقه معشش واذا انت بالرياض او حوله فيه رجال بصير مجرب

[هادي الجابري]

جزاكم الله خير على المرور الناقه عشرا وماحالت أبد وبنتها مفروده ذا الزمان

[عبدالعزيز الصالحي]

اناقه الله يسلمك معشش

[محمد ابو عدوة]

مرحبا ياهادي مثل ماقالوا الاخوان او انها لقحة كسب يمكن اضربها بعيروانت مادريت عنها .

[محمد بن حمد القحطاني]

أخي ياليت تتأكد من الناقه

يمكن يكون فيها صيد

ودمت بخير

[عبدالله بن فاضل السهلي]

أًصبر عليها لين تتأكد

[صدام اليامي]

السلام عليكم ورحمة الله وبركاتة
أذا تأكد من نظافة الناقة فترى بعض الشوال خوف وهذا من كثر التحميل في الدينات ورفع وشد ذيل الابل عطلها ابرة يسره وبركها للفحل بعدها بفترة وتوكل على الله

[خالد الحجي]

ناقتك معش أنا بعلمك بتجربي مرت علي مثل ناقتك
أول شيء دقيت الناقه ابرة هيام
ولمدة ثلاث ايام مضاد ترامسين وفي اليوم الرابع قطعت عنها الصيد واضربها البعير والحمدلله القحت
وهي كانت تشاول اكثر من ست اشهر وكانها القحه

[عبدالله حمد]

ناقتك مابعد جسرت انا عندي ناقة العام مثل ناقتك وبعد ماجسرت اضربها البعير ولقحت والله يرزقك منها

[عبدالعزيز العصيمي]

الناقه معشش

او انها خايفه من الفحل

[خالد علي]

الناقة ما تشاول الا لثلاث
1- معشر
2- معشش
3- خوف
و نت اتعرف ناقتك وختارلها وحدة من الثلاث

[ناصر اليامي]

مرحبا ياهادي مثل ماقالوا الاخوان او انها لقحة كسب يمكن اضربها بعيروانت مادريت عنها .

يمكن ,,
ويمكن انها بروووق ,,
ورايي انك تدخلها على فحل رباع ولا ازود معاود وهو ما يهمه شوال الناقه ,
البعير اللي يحكم عليها ودها تشاول ولا ما تشاول .

[وافي بن جابر آل نشيرا]

ابشر انها لقحة بشرط انها اذا شاولت ماترغي.
الله يكتب لك مافيه الخير

[خالد المجمعي]

يمكن الناقه ما بعد اجسرة على البعير

[ذيب بن علي]

الناقه معشش ويبي لها تنظيف ودس والسلام

[سالم الجهني]

تأكد ان المشاول مايكون بسبب جرح في رحم الناقه والله يرزقك منها الخير

[هادي الجابري]

أشكر الأخوان على الشور الطيب .الناقة حديتها على بعير منيب وأضربها